Dibadika 3:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bobo nebalame bintu biandi ne bintu bia bantu bonso ku mpala kua ntenta wa kusambakena, bua kuenzelabo mudimu wa mu nsubu wa tshitendelelu.

MUKANDA WA MYIDI MUKULU

⁷ Bena Levi nebenze mudimu kumpala kua ntenta wa kusambakena, bua kuambuluisha Arone ne bena Izrayele bonsu. Nebenze midimu yonsu idi itangila nzubu wa tshijila.

Dibadika 3:7 Խաչաձեւ Հղումներ

1 Kulondolola 26:20

Ahiya wa Bena Lewi wakadi mulami wa bibutshilu bia mu nsubu wa Nzambi ne wa bibutshilu bia bintu bia tshijila.

1 Kulondolola 26:22

Bana ba Yehieli: Zetama ne Yoele muanʼabo bakadi balami ba bibutshilu bia mu nsubu wa Yehowa.

1 Kulondolola 26:26

Shelomota eu ne bana babo bakadi ku mutu kua bibutshilu bia bintu bionso bia tshijila biakajidilabo kudi Davidi mukelenge ne kudi ba ku mutu kua nsubu ya hatatu babo, ne kudi tupitene tua bantu tshinunu ne tua bantu lukama ne kudi tupitene tua masalayi.

Lewitiki 8:35

Nenuikale ku mbelu kua ntenta wa kusambakena munya ne butuku tô matuku muanda mutekete, nutumikile dî dia Yehowa bua kanufu bienu, bualu bua Yehowa wakangambila nunku.

Dibadika 1:50

kadi usungule Bena Lewi bua kuenzabo mudimu mu nsubu wa tshitendelelu, ne wa bintu bionso bidimu bobo nebatuale nsubu ne bintu bionso bidimu, bobo nebabibale, nebashikame ha buihi ne nsubu wa tshitendelelu.

Dibadika 1:53

Kadi Bena Lewi nebashimike ntenta yabo minyunguluke nsubu wa tshitendelelu, bua mulau kaukuatshi Bena Isalele Bena Lewi nebabale nsubu wa tshitendelelu.

Dibadika 3:32

Eleazâ muana mulume wa Alona, muakuidi, neikale ku mutu kua bakelenge ba Bena Lewi, ne ku mutu kua bantu badi balama bintu bia mu nsubu wa tshitendelelu.

Dibadika 3:8

Bobo nebalame bintu bia mu nsubu wa tshitendelelu, ne bintu bia Bena Isalele, bua kuenzelabo mudimu wa mu ntenta wa kusambakena.

Dibadika 31:30

Mu tshituha tshia Bena Isalele nenuangate umue kudi makumi atanu, wa bantu ne wa ngombe ne wa nyama wa mpunda ne wa mikoko, nubifile kudi Bena Lewi badi balama nsubu wa Yehowa.

Dibadika 8:11

Alona neanyukule Bena Lewi ku mpala kua Yehowa bu mulambu udibo banyukula kudi Bena Isalele, bua bobo bikale bajidile bua kukuatshila Yehowa mudimu.

Dibadika 8:15

Ku nyima kua bualu ebu Bena Lewi nebabale mu mudimu wa mu ntenta wa kusambakena, wewe neubalengeshe, neubanyukule bu mulambu udibo banyukula.