Dibadika 3:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Mona, meme nakudiangatshila Bena Lewi munkatshi mua Bena Isalele mu miaba ya banʼa bute bonso bakalelabo munkatshi mua Bena Isalele, Bena Lewi nebikale banyi:

MUKANDA WA MYIDI MUKULU

¹² — Ndi musungule bena Levi munkatshi mua bena Izrayele bakuabu bonsu, bua bangenzele mudimu. Ndi mbangata bua bikale banyi, pa muaba wa bamuanabute bonsu ba bena Izrayele.

Dibadika 3:12 Խաչաձեւ Հղումներ

Ekesode 13:2

Unjidile banʼa bute bonso ba Bena Isalele, bonso badianjile kuledibua, ne ba bantu ne ba nyama, bobo mbanyi.

Dibadika 18:6

Mona! Meme nakadiangatshila bana benu, Bena Lewi, munkatshi mua Bena Isalele badi bu kuha kuebe kuwakuha Yehowa bua kuenza mudimu wa mu ntenta wa kusambakena.

Dibadika 3:11

Yehowa wakambila Mose ne,

Dibadika 3:41

Wewe newangatshile Bena Lewi (meme ndi Yehowa) mu miaba ya banʼa bute ba munkatshi mua Bena Isalele, ne bimuna bia Bena Lewi mu miaba ya banʼa bute ba bimuna bia Bena Isalele.

Dibadika 3:45

Angata Bena Lewi mu miaba ya banʼa bute ba munkatshi mua Bena Isalele, ne bimuna bia Bena Lewi mu miaba ya bimuna biabo, Bena Lewi nebikale banyi meme ndi Yehowa

Dibadika 8:14

Nunku wewe neumushe Bena Lewi munkatshi mua Bena Isalele, Bena Lewi nebikale banyi.

Dibadika 8:16

Bualu bua bobo badi bampebue bajima munkatshi mua Bena Isalele mu miabo ya banʼa bute bonso ba Bena Isalele nakadiangatshilabo.

Dibadika 8:18

Nakadiangatshila Bena Lewi mu miaba ya banʼa bute bonso munkatshi mua Bena Isalele.