Dibadika 25:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Mose wakambila balumbuluishi ba mu Isalele ne, Muntu ne muntu ashihe bantu ba mu tshisamba tshiandi bakadisangisha kudi Bâla-peô.

MUKANDA WA MYIDI MUKULU

⁵ Moshe kuambila bamfumu ba bena Izrayele ne: — Mfumu yonsu ashipe bantu bende badi batendelela mvidie wa Baale, udi ku mukuna wa Peyore!

Dibadika 25:5 Խաչաձեւ Հղումներ

1 Bakalenga 18:40

Eliya wakabambila ne, Kuatai baprofete ba Bâla, nansha umue wabo kanyemi. Bakabakuata; Eliya wakaya nʼabo ku kasulu ha Kishona, wakabashihelaku.

Ekesode 18:21

Bualu bukuabo, usungule munkatshi mua bantu bonso balume badi ne lungenyi lule, badi batshina Nzambi, bena bulelela, badi bakina mbueshilu, ubateke ku mutu kua bantu bu bakokeshi ba bantu tshinunu ne ba bantu lukama ne ba bantu makumi atanu ne ba bantu dikumi.

Ekesode 22:20

Muntu udi ushihela nzambi mikuabo nyama, kayi uyishihela Yehowa nkayandi, nebamushihe yeye.

Dibadika 25:3

Bena Isalele bakadisangisha kudi Bâla-peô ne tshiji tshiakakuata Yehowa bualu bua Bena Isalele.

Dielulula 13:13

Bantu bakuabo ba tshikamakama, bakumuka munkatshi muenu, bakasesuisha bena musoko wabo ne, Tuye tuenzele nzambi mikuabo mudimu, inudi kanuyi bamanye;

Dielulula 13:15

nenushihe bena musoko aba ne miele ya nvita, nenuhaule musoko; nenushihe bimuna ne bintu bidimu ne muele wa nvita.

Dielulula 13:6

Bikala muanʼenu mulume, muana mulume wa mamu webe mene, anyi muanʼebe mulume anyi muanʼebe mukashi, anyi mukashi webe ûdi unanga, anyi mulunda webe wa ha mutshima webe, mukusesuishe mu musokoko ne, Tuye bietu, tuenzele nzambi mikuabo mudimu, inudi kanuyi bamanye, nansha wewe nansha batatu benu;

Dielulula 13:9

kadi umushihe bulelela; wewe umukuate tshianza bua kumushiha diambedi, ne ku nyima bantu bakuabo bonso nebamukuate.

Yoshua 22:17

Bualu bubi bua Peô budi bututamba bukese, anyi? Katuyi banze kudilengesha, tô ne ku dituku edi, bua mulau wakela Yehowa tshisumbu tshia bantu,