2 Samuele 3:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Nvita yakadi hankatshi ha ba bu nsubu wa Shaula ne ba mu nsubu wa Davidi musangu mule; Davidi wakakohola, ne ba mu nsubu wa Shaula bakateketateketa.

MUKANDA WA MYIDI MUKULU

¹ Matuku mavule, muvua mvita pankatshi pa bena mvita ba Davide ne ba Shawule. Kadi bukalenga bua Davide buvua buenda budiunda, bua ndelanganyi ya Shawule buenda buteketa bushepeketa.

2 Samuele 3:1 Խաչաձեւ Հղումներ

Genese 3:15

Nenteke lukuna hankatshi hebe ne mukashi, ne hankatshi ha bana bebe ne bana bandi, muana wa mukashi neakukume ku mutu kuebe, ne wewe neumusume ku tshikankanyi-tshiandi.

2 Samuele 2:17

Bakaluangana nvita bikole dituku adi; bantu ba Davidi bakahita Abinê ne Bena Isalele bukole.

2 Samuele 2:28

Nunku Yoaba wakela mpungi ne bantu bonso bakimana talalâ, bakalekela kulonda Bena Isalele, kabakaluangana nʼabo kabidi.

2 Samuele 22:44

Wewe wakasungila kabidi ku matandu a bantu banyi; wakajadika bua meme kuikala ku mutu kua bisamba bia bantu; bantu bandi tshiyi mumanye nebankuatshile mudimu.

2 Samuele 3:6

Hakadi ba mu nsubu wa Shaula ne ba mu nsubu wa Davidi baluangana nvita, Abinê wakadikolesha mu nsubu wa Shaula.

2 Samuele 5:10

Davidi wakakolakola bualu bua Yehowa, Nzambi wa misumba, wakadi nʼandi.

1 Bakalenga 14:30

Lehabama ne Yalobama bakadi baluangana nvita matuku onso.

1 Bakalenga 15:16

Asa ne Bâsha, mukelenge wa Isalele, bakaluangana nvita matuku abo onso.

1 Bakalenga 15:32

Asa ne Bâsha, mukelenge wa Isalele, bakaluangana nvita matuku onso a muoyo wabo.

1 Kulondolola 11:9

Davidi wakadiundadiunda, wakalua muntu munene, bualu bua Yehowa wa misumba wakadi nʼandi.

1 Kulondolola 3:1

Bana ba balume ba Davidi bakamulelelabo mu Hebelone: Amenona, muanʼa bute, muana wa Ahinoama, Muena Yizelele; muana muibidi Danyele, muana wa Abigayila, Muena Kâmele;

Estere 6:13

Hamana wakambila mukashi wandi Zeleshe ne balunda bandi bualu buonso buakamukuata. Hashishe bena meji bandi ne mukashi wandi Zeleshe bakamuambila ne, Bikala Môdekai, uwakabanga kulekela ku mesu kuandi, wa bana ba Bena Yuda, wewe kuena mumanye mua kumuhita bukole; kadi wewe neuhone ku mpala kuandi bulelela.

Estere 9:4

Bualu bua Môdekai wakadi muntu munene mu nsubu wa mukelenge, ne lumu luandi luakafika ku nseke yonso; bualu bua muntu eu Môdekai wakadiundadiunda mu butumbi buandi.

Yobe 17:9

Kadi muntu muakane neananukile kuenda mu nshila wandi, ne udi ne bianza bitoke neadiundediunde mu bukole buandi.

Yobe 8:7

Nansha bikala tshibangidilu tshiebe tshikese, nshikidilu webe neahite bunene.

Misambu 18:43

Wewe wakansungila ku mafuilangana a bantu; wakanteka ku mutu kua bisamba bia bantu. Bantu banakadi tshiyi muanze kumanya diambedi bakankuatshila mudimu.

Misambu 46:9

Yeye udi ulekesha nvita bua ishike tô ne kunfudilu kua buloba; udi utshibula buta, udi ukosa difuma bituha bituha; udi wosha makalu a nvita mu kahia.

Misambu 84:7

Badi baya ku bukole ne bukole; muntu yonso wa munkatshi muabo udi umueneka ku mpala kua Nzambi mu Siona.

Ngalate 5:17

Bualu bua dijinga dia malu a mubidi didi difuilangana ne dijinga dia malu a Nyuma, ne dijinga dia malu a Nyuma didi difuilangana ne dijinga dia malu a mubidi; bua malu â adi mimanyinangane, bua nuenu kanuenji malu anudi basue kuenza.

Efeze 6:12

Bualu bua diluangana dietu dia bibula kadiena dia kufuilangana ne munyinyi ne mashi, kadi ndia kufuilangana ne makelenge ne makokeshi ne banfumu ba midima ba buloba ebu, ne bisumbu bia nyuma mibi bidi mu miaba ya mu diulu.

Didimanyisha 6:2

Nakatangila ne, mona, kabalu katoke, ne wakadi ushikama ha nyima haku wakadi ne buta, ne bakamuhesha tshifulu tshia butumbi; ne wakahatuka, muikale mutambi, ne bua kutambeye bakuabo bukole.