2 Samuele 14:3 - Mukanda wa Nzambi Dihungila Dikulukulu ne Dihungila Dihia-dihia 2003

³ uye kudi mukelenge, umuambile nunku. Yoaba wakateka mei mukana muandi.

MUKANDA WA MYIDI MUKULU

³ Pashishe uye kudi mukalenga Davide, umumanyisha malu onsu andi nkuambila. Yowabe kuambila mukaji bionsu bivuaye mua kumanyisha mukalenga Davide.

2 Samuele 14:3 Խաչաձեւ Հղումներ

2 Samuele 14:19

Mukelenge wakamuebesha ne, Tshianza tshia Yoaba tshidi nʼebe mu bualu ebu buonso, anyi? Mukashi wakamukudimuna dî ne, Mukelenge wanyi, bu mudi mutshima webe ne muoyo kakuena muntu udi mua kusesuka ku tshianza tshia balume anyi ku tshianza tshia bakashi ku dî diakunkonka mukelenge wanyi; bualu bua Yoaba muntu webe wakantuma, wakateka mei â onso mukana mua muntu webe mukashi;

2 Samuele 14:4

Hakadi mukashi wa ku Tekoa uyikila ne mukelenge, yeye wakatua mpala wandi hanshi ha buloba, wakamukukuila, wakamba ne, Mukelenge, unkuatshishe.

Ezela 8:17

Nakabatuma kudi Ido, muntu munene, ku muaba wa Kasifaya; nakabambila mei a kuambilabo Ido ne bana babo, Bena Netinima, ku muaba wa Kasifaya, bua bobo balue kutudi ne benji ba mudimu wa nsubu wa Nzambi wetu.

Ekesode 4:15

Wewe neuyikile handi, neuteke mei mukana muandi, meme nengikale ne mukana muebe ne mukana muandi, nenkuyishe malu anudi mua kuenza.

Yeshaya 51:16

Nakuteka mei anyi mukana muebe, nakukusokoka mu mundidimbi wa tshianza tshianyi, bua meme kuasa diulu ne kujadika bishimikidi bia buloba, ne bua kuambila Siona ne, Wewe udi bantu banyi,

Yeshaya 59:21

Yehowa udi wamba ne, Bu mundi ngamba, etshi ntshihungidi tshindi mpunga nʼabo: Nyuma wanyi udi hamʼbidi hebe, ne mei anakuteka mukana muebe, kabiena biumuka mukana muebe, anyi mukana mua bana bebe baledibue, anyi mukana mua bikulu bebe, ku dituku edi to ne tshiendelele. Yehowa udi wamba nunku.

Yirmeya 1:9

Mu diba adi Yehowa wakolola tshianza tshiandi, wakalenga mukana muanyi. Yehowa wakangambila kabidi ne, Mona, nakuteka mei anyi mukana muebe;

Dibadika 23:5

Yehowa wakateka dî mukana mua Belâma, wakamba ne, Hingana kudi Balaka, umuambile nunku.

Dielulula 18:18

Meme nembabishile muprofete munkatshi mua bana babo bu wewe; meme nenteke mei anyi onso mukana muandi, ne yeye neabambile mei onso anamuambila.