2 Bakalenga 16:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Ahaza wakaya ku Damaseke bua kusangileye ne Tigelata-pilesê, mukelenge wa Ashû; wakatangilaku tshioshelu tshiakadi mu Damaseke. Ahaza wakatuma tshinfuanyi tshia tshioshelu ne luidi luatshi ne buakane buatshi buonso kudi Uliya muakuidi.

MUKANDA WA MYIDI MUKULU

¹⁰ Mukalenga Akaze kuya mu tshimenga tshia Damase, bua kumonangana ne mukalenga Tiglate-Pilesere. Akaze umona tshilambuilu tshivua ku nzubu wa Mvidi Mukulu mu Damase, kutuminaye mutuangaji Uriya mu Yerushalayime luidi lua tshilambuilu atshi ne mushindu uvuabu batshibake.

2 Bakalenga 16:10 Խաչաձեւ Հղումներ

2 Bakalenga 15:29

Mu matuku a Peka, mukelenge wa Isalele, Tigelata-pilesê, mukelenge wa Ashû, wakalua, wakahaula Iyona ne Abele-bete-mâka ne Yanoa ne Kedeshe ne Hasô ne Gilada ne Galela ne buloba buonso bua Nafatale, wakaya nʼabo ku Ashû mu buhika.

2 Bakalenga 16:11

Uliya muakuidi wakenza tshioshelu tshikuabo; wakatshifuanyikisha bu bintu bionso biakamutumina mukelenge Ahaza ku Damaseke. Uliya muakuidi wakatshienza ku mpala kua dihingana dia mukelenge Ahaza ku Damaseke.

2 Bakalenga 21:4

Wakasa bioshelu bikuabo mu nsubu wa Yehowa wakamba Yehowa ne, Meme nenjadike dina dianyi mu Yelushalema.

1 Kulondolola 28:19

Davidi wakamba ne, Nakamanya malu au onso ku tshifundidi tshia tshianza tshia Yehowa tô ne ku bintu bionso bia mu luidi elu.

Misambu 106:39

Nunku bakadibihisha ku bienzedi biakenzabo, bakalonda malu a masandi mu bienzedi biabo.

Ekesode 24:4

Mose wakafunda mei onso a Yehowa mu mukanda, wakabika ne dinda dionso, wakasa tshioshelu kuinshi kua mukuna, ne mabue manene dikumi ne abidi bu bungi bua bisamba bia Bena Isalele.

Ekesode 39:43

Mose wakamona mudimu wonso wakenzabo, ne mona, baka wenza bu muakamba Yehowa Mose wakabandisha disanka.

Yeshaya 8:2

Nakadiangatshila bamonyi bakadi mua kueyemenyibua bua kujadikabo tshifundu, Uliya muakuidi, ne Zekâya, muana wa Yebelekaya.

Yirmeya 10:2

Yehowa udi wamba ne, Kanulondi nshila wa bisamba bia bantu, kanuikadi ne buowa bua bimanyinu bia mu diulu; bualu bua bisamba ebi bidi ne buowa bualu buabi,

Yezekiyele 16:28

Kadi wakuenda masandi ne Bena Ashû kabidi, bualu bua lukuka luebe kaluakadi luanze kushika; e, wakuenda nʼabo masandi, kadi lukuka luebe kaluakadi luanze kushika.

Yezekiyele 43:11

Bikalabo ne bundu bua malu onso akenzabo, ubamanyishe bua tshifundu tshia kuasa nʼatshi nsubu wa ntempelo, miaba ya kuhatukila ne ya kubuelela, bilele bia kulondamu, kulongolola kua kutendelela ne mikenji yandi; funda malu au onso ku mesu kuabo bua bobo balonde dilongolola dia malu andi onso, batumikile mikenji yandi yonso ne benze malu au onso.

Yezekiyele 43:8

Bakadinyanga hakatekabo mushiku wabo wa mbelu hehi ne mushiku wanyi wa mbelu, ne dikunshi diabo hehi ne dikunshi dianyi, ne bakadi anu ne lumbu hankatshi hanyi nʼabo. Bakunyanga dina dianyi dia tshijila ku malu a bundu akuenzabo. Bua malu â onso nakubashihesha mu tshiji tshianyi.

Yezekiyele 44:12

Bualu bua bakakuatshila bantu mudimu ku mpala kua mpingu yabo, ne bakahia tshilenduishi kudi Bena Isalele bua kubashindisha mu malu mabi, nunku Mukelenge Yehowa udi wamba ne, Nakubisha tshianza tshianyi bua kuditshiha bua bualu buaho ne, Badi ne bualu bua kudituadila dihila dia malu mabi abo.

Matayi 15:6

kena unemeka tatuʼandi. Nuenu nuakuona dî dia Nzambi bualu bua bilele bienu,

Matayi 15:9

Badi bantendelela tshianana, Badi bayisha bantu diyisha dia mikenshi ya bantu.

Rome 12:2

Kanudifuanyikishi ku malu a mu tshikondo etshi, kadi miandamuke ku dikudimuna dia meshi enu to meshi mahia-mahia bua nuenu nujingulule mudi disua dia Nzambi didi dimpe, didi dimusankisha, ne didi diakane tshishiki.

Dielulula 12:30

nudimuke, kanukuatshibu kudi mateyi abo bua kubalonda, habajimishabo ku mesu kuenu; kanukonkanganyi bua nzambi yabo ne. Bisamba ebi bidi bitendelela nzambi yabo munyi? Tuetu nkayetu tudi basue kuenza nunku kabidi.

Yoshua 22:28

Nunku tuakuambilangana ne, Hatuambilabo anyi hambilabo milongo idi ilonda ku nyima mei â, netuambe ne, Monai tshifuanyikishi tshia tshioshelu tshia Yehowa tshiakenza batatu betu, kambualu bua kuoshelahu milambu ya kuosha, anyi nyama mishiha; kadi tshidi bu mumanyi wa bualu hankatshi hetu nʼenu.

1 Petro 1:18

Bualu bua nudi bamanye ne, Tuakahikudibua, kenku bintu bidi bijimina, ku argent anyi ku ngolo, mu malu a hatuhu a muoyo wenu akanushilabo kudi batatuʼenu;