2 Bakalenga 11:2 - Mukanda wa Nzambi Dihungila Dikulukulu ne Dihungila Dihia-dihia 2003

² Kadi Yehosheba, muana wa mukelenge Yolama, muanʼabo mukashi ne Ahazaya, wakangata Yoasha, muana wa balume wa Ahazaya, wakamuangata munkatshi mua bana ba mukelenge bakashihabo, wakamuteka ne mulami wandi mu nsubu wandi wa bulalu; bakamusokoka kudi Atalaya, yeye kakashihibua.

MUKANDA WA MYIDI MUKULU

² Kadi, pavuabu bashipa ndelanganyi ayi, nsongakaji mukuabu, muanabu ne Akaziya, dina diende Yosheba, muana wa Yorame mukalenga wa bena Yuda, kusokoka muana wa balume wa muanabu wa balume. Dina dia muana awu, Yowashe. Nsongakaji uvua musokoke muana awu ne ndeji wende mu tshibambalu tshia kulala tshivua ku nzubu wa Mvidi Mukulu. Ataliya kavua mumanye ne: muana wa balume awu, mmushale ne muoyi to.

2 Bakalenga 11:2 Խաչաձեւ Հղումներ

1 Bakalenga 11:17

kadi Hadada ne bantu bakuabo ba tatu wandi bakanyemena mu Ejipitu; Hadada wakatshidi muana mukese.

1 Bakalenga 6:10

Bakalungakasha nsubu mukuabo ha mutu, bule buandi bua mulu buakadi coudées itanu; bakateka mabaya a cèdre ku musaka wa nsubu.

1 Bakalenga 6:8

Tshibuelelu tshia ku nsubu ya munkatshi tshiakadi ku tshianza tshia balume; bakasa tshibandilu tshikonyangala ku nsubu wa hanshi, tshiakaya ku nsubu ya kulu; tshibandilu tshikuabo tshikonyangala tshiakaya ku nsubu ya ha mutu.

2 Bakalenga 11:21

Yoasha wakadi ne bidimu muanda mutekete hakabangeye kukokesha.

2 Bakalenga 11:3

Yeye wakamusokoka nunku mu nsubu wa Yehowa tô bidimu bisambombo. Atalaya wakakokesha mu buloba.

2 Bakalenga 12:1

Mu tshidimu tshia muanda mutekete tshia bukelenge bua Yehu, Yoasha wakabanga kukokesha; wakakokesha mu Yelushalema bidimu makumi anai: dina dia mamu wandi diakadi Sibeya wa mu Besheba.

2 Bakalenga 8:16

Mu tshidimu tshitanu tshia bukelenge bua Yolama, muana wa Ahaba, mukelenge wa Isalele, hakadi Yehoshafata mukelenge wa Yuda, Yeholama, muana wa Yehoshafata, mukelenge wa Yuda, wakabanga kukokesha.

2 Bakalenga 8:19

Kadi Yehowa wakabenga bua kubutula Bena Yuda, anu bualu bua muntu wandi Davidi, bualu bua wakamulaya bua kumushileye bana bandi muinda tshiendelele.

1 Kulondolola 3:11

Yolama wakadi muanʼandi, Ahazaya wakadi muanʼandi, ne Yoasha wakadi muanʼandi,

2 Kulondolola 22:11

Kadi Yehoshabata, muana mukashi wa mukelenge, wakangata Yoasha, muana wa Ahazaya, munkatshi mua bana ba mukelenge bakadi bashihibue, wakamusokoka ne mulami wandi mu nsubu wa bulalu. Nunku Yehoshabata, muana mukashi wa mukelenge Yeholama, mukashi wa Yehoyada muakuidi (bualu bua yeye wakadi muanʼabo mukashi dî Ahazaya) wakamusokoka kudi Atalaya; nunku yeye kakamushiha.

Ekesode 8:3

Musulu newikale tente ne biula, neubuele mu nsubu webe ne mu nsubu webe wa bulalu ne ha bulalu buebe, ne mu nsubu ya bahika bebê ne kudi bantu bebe, ne mu nfulu yenu ne mu binu bienu.

Nsumuinu 21:30

Kakuena meji, anyi dijingulula dia mianda, anyi kuhunga kua mei, bidi mua kuhita Yehowa bukole.

Yeshaya 37:35

Bualu bua nenduile bena musoko eu nvita bua kubasungila, bua bualu buanyi ne bua bualu bua muntu wanyi Davidi.

Yirmeya 33:17

Bualu bua Yehowa udi wamba ne, Davidi kena uhanga kuikala ne muana mulume bua kushikameye mu nkuasa wa bukelenge wa Isalele tshiendelele;

Yirmeya 33:21

nunku nebamanye mua kushiha tshihungidi tshinakahunga ne Davidi muntu wanyi, bua yeye kikadi ne muana mulume wa kushikama mu nkuasa wandi wa bukelenge bua kukokesheye, ne tshinakahunga ne Bena Lewi bakuidi, bankuatshidi ba mudimu.

Yirmeya 33:26

nunku kabidi nempidie bana ba Yakoba ne ba Davidi muntu wanyi, bua tshisungudi umue wa mu tunkanunuina tuandi bua bobo bikale bakokeshi ha mutu ha tunkanunuma tua Abalahama, tua Isaka ne tua Yakoba; kadi nenkudimune buhika buabo bua kubahingashila diakalengele, nembafile luse.

Yirmeya 35:2

Ya ku nsubu wa Bena Lekaba, uyikile nʼabo, ulue nʼabo mu nsubu mukuabo wa mu nsubu wa Yehowa, ubaheshe maluvu a nvinyo bua kunuabo.

Yirmeya 36:26

Mukelenge wakela mukenji kudi Yelamele, muana wa mukelenge, ne kudi Selaya, muana wa Azaliele, ne kudi Shelemiya, muana wa Abedele, bua kukuatabo Baluka mufundi ne Yelemiya muprofete, kadi Yehowa wakabasokoka.

Yezekiyele 40:45

Yeye wakangambila ne, Nsubu eu udi mutangile ku luseke lua sude udi wa bakuidi badi balami ba nsubu wa tshitendelelu;

Balombodi 9:5

Wakaya ku nsubu wa tatu wandi wa ku Ofela, wakashiha bana babo bonso, bana ba Yelubâla, makumi muanda mutekete, ha dibue dimue. Kadi Yotama, muanʼa mukala wa Yelubâla, wakashala, bualu bua yeye wakasokoma.