1 Samuele 20:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Yonatana wakebesha tatuʼandi Shaula ne, Neumushihe bualu kai? Yeye Wakenza tshinyi?

MUKANDA WA MYIDI MUKULU

³² Yonatane kukonka ne: — Udi ne bua kufua bua tshinyi? Tshidiye muenze tshibi ntshinyi?

1 Samuele 20:32 Խաչաձեւ Հղումներ

Genese 31:36

Yakoba wakadi ne tshiji, wakatanda ne Labana, wakebesha Labana ne, Dihanga bianyi didi hanyi, anyi bubi buanyi budi hanyi bua wakundonda lukasa nunku?

Nsumuinu 22:24

Kukuatshi bulunda ne muntu utu wakuata tshiji, kuendi diatshimue ne muena tshiji tshikole;

Muambi 7:9

Kukuatshi tshiji mu mutshima webe lukasa, bualu bua tshiji tshidi tshiala mu tshiadi tshia bahote.

Muambi 9:3

Ebu mbualu bubi bua mu malu onso adi menjibue muinshi mua diba ne nshikidilu umue udi kudi bantu bonso; bulelela, mitshima ya bana ba bantu idi miule tente ne malu mabi; kutomboka kudi mu mitshima yabo hatshidibo ne muoyo; ku nyima badi baya kudi bafue.

Yirmeya 17:9

Mutshima udi uhita bintu bionso kudinga muntu, ne udi utamba kunyanguka, muntu kai udi mua kûmanya?

Matayi 27:23

Wakabakonka ne, Kadi yeye wakuenza bualu bubi kai? Bakatamba kuela mbila ne, Bamushihe ku mutshi mutshiamakane.

Luke 23:22

Yeye wakabakonka tshiakasatu ne, Bualu kai? Muntu eu wakuenza bualu bubi kai? Tshiena mumusangane ne bualu buafuileye; nenukume, nemulekele.

Yowanane 7:51

Mukenshi wetu udi ukosa tshilumbu tshia muntu diambedi kabai banze kunvua dî diandi, kabai banze kumanya bualu buakuenzeye, anyi?

1 Samuele 18:11

Shaula wakela difuma diandi; bualu bua wakamba ne, Neushihe Davidi, difuma dimusompoke dikuate ku tshimanu tshia nsubu. Kadi Davidi wakahanduka ku mesu kuandi misangu ibidi.

1 Samuele 19:4

Yonatana wakatumbisha Davidi kudi tatu wandi Shaula, wakamuambila ne, Mukelenge kenzedi muntu wandi Davidi bualu bubi, bualu bua yeye kena muanze kukuenzela wewe bibi, ne bualu bua malu onso akakuenzeleye adi matambe buimpe;

1 Samuele 19:5

bualu bua yeye wakateka muoyo wandi mu tshianza tshiandi hakashiheye Muena Peleshete, ne Yehowa wakaha Bena Isalele luhandu lunene: wewe wakatangila bualu ebu, wakasanka; wewe udi musue kumatshisha mashi a muntu muakane bua kushiha Davidi udi kayi ne bualu tshinyi?

1 Samuele 20:1

Davidi wakanyema ku Nayota hehi ne Lama, wakaya kudi Yonatana, wakamukonka ne, Nakuenza tshinyi? Dihanga dianyi didi tshinyi? Nakuenza bualu bubi kai ku mesu kua tatu webe bua yeye udi ukeba muoyo wanyi?

1 Samuele 20:7

Biambeye ne, Mbimpe, hashishe muntu webe neikale talalâ, kadi biakuateye tshiji, Umanye biebe ne yeye wakahangidisha bua kungenzela bibi.

1 Samuele 22:14

Hashishe Ahimeleke wakakudimuna mukelenge dî, wakamba ne, Muntu kai wa munkatshi mua bantu bebe udi ne kanemu bu Davidi? Udi muku wa mukelenge, wakadi ne butumbi mu nsubu muebe ne wewe wakamuebeshaku lungenyi.