1 Samuele 20:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Davidi wakaditshiha ne, Tatu webe udi mumanye ne, Meme nakasangana luse ku mesu kuebe ne yeye udi wamba ne, Yonatana kimanyi bualu ebu, anyi yeye neanyingalashe mutshima wandi; kadi bu mudi Yehowa ne muoyo ne bu mudi mutshima webe ne muoyo anu katuha kihi kadi kashala hankatshi hanyi ne lufu.

MUKANDA WA MYIDI MUKULU

³ Davide kuambila Yonatane ne: — Ndi nditshipa, nkujadikila ne: tatuebe udi unkebela lufu! Kadi, tatuebe mmumanye ne: meme Davide ndi mulunda webe. Ke padiye wamba ne: Ki mbimpe bua Yonatane amanye bualu ebu to. Bualu neanyingalale bikole. Nanku, bu mudi Maweja-Nangila ne muoyi, ne bu muudi wewe Yonatane ne muoyi, ndi nkujadikila ne: nkushala anu katupa kakese bua tatuebe kunshipa.

1 Samuele 20:3 Խաչաձեւ Հղումներ

2 Samuele 15:21

Itai wakakudimuna mukelenge dî ne, Bu mudi Yehowa ne muoyo ne bu mudi mukelenge wanyi ne muoyo, bulelela, mu miaba yonso idi mukelenge wanyi uya, nansha mu muaba wa lufu nansha mu muaba wa muoyo, muntu wandi neikaleku kabidi.

2 Bakalenga 2:2

Eliya wakambila Elisha ne, Ndi nkusengelela ne, Wewe ushikame kunoko, bualu bua Yehowa wakantuma ku Betele. Elisha wakamuambila ne. Bu mudi Yehowa ne muoyo ne bu mudi mutshima webe ne muoyo, tshiena ukulekela. Nunku bubidi buabo bakaya ku Betele.

2 Bakalenga 2:4

Eliya wakambila Elisha ne, Ndi nkusengelela ne, Ushikame kunoko, bualu bua Yehowa wakuntuma ku Yeleko. Yeye wakamuambila ne, Bu mudi Yehowa ne muoyo ne bu mudi mutshima webe ne muoyo, tshiena nkulekela. Nunku bakaya ku Yeleko.

2 Bakalenga 2:6

Eliya wakamuambila ne, Ndi nkusengelela ne, Ushikame kunoko, bualu bua Yehowa wakuntuma ku Yadene. Yeye wakamuambila ne, Bu mudi Yehowa ne muoyo ne bu mudi mutshima webe ne muoyo, tshiena nkulekela. Bubidi buabo bakatshidi baya.

Misambu 116:3

Mionshi ya lufu yakunyunguluka; makenga a mu Muaba wa Bafue akankuata; nakasangana ntatu ne kanyinganyinga.

Yirmeya 38:16

Nunku mukelenge Sedekiya wakaditshiha kudi Yelemiya mu musokoko, wamba ne, Bu mudi Yehowa ne muoyo, wakutufukila muoyo wetu, tshiena nkushiha, tshiena nkufila mu bianza bia bantu aba badi bakeba muoyo webe.

Yirmeya 4:2

Biwaditshiha ne, Bu mudi Yehowa ne muoyo, uditshihe nunku mu bushuwa, mu kulumbulula kuakane ne mu buakane; mu diba adi bisamba bia bantu nebivuishibue disanka kudiye, nebitumbile mudiye.

Dielulula 28:66

nenuikale ne mpata bua mioyo yenu; nenuikale ne buowa munya ne butuku, kanuena nuikala ne ditekemena dia mioyo yenu.

Dielulula 6:13

Nutshine Yehowa, Nzambi wenu, numuenzele yeye nkayandi mudimu, nuditshihe kudi dina diandi.

Ebrewu 6:16

Bua bantu badi baditshiha kudi udi mubahite bunene, ne mu matandu abo onso mutshihu wabo udi ujadika bualu tshiendelele.

1 Samuele 1:26

Hana wakamba ne, Mukelenge wanyi, bu mudi mutshima webe ne muoyo, bulelela, mukelenge wanyi, meme ndi mukashi au wakimana hehi nʼebe kunoko, utendelela Yehowa.

1 Samuele 17:55

Hakatangila Shaula Davidi uya bua kuluangana ne Muena Peleshete, yeye wakakonka Abinê, kapitene ka masalayi andi, ne, Abinê, eu mmuana wa nganyi? Abinê wakamukudimuna dî ne, Bu mudi mutshima webe ne muoyo, mukelenge, tshiena mumanye.

1 Samuele 20:2

Yonatana wakamuambila ne, Bualu ehu kabuikadiku, wewe kuena ufua; tatu wanyi katu wenza bualu bunene anyi bukese diambedi yeye kayi muanze kungambila; tatu wanyi neansokoke bualu ebu bishi? Bualu ebu kabuena bulelela.

1 Samuele 20:4

Yonatana wakambila Davidi ne, Tshionso tshidi mutshima webe musue, nenkuenzele tshi.

1 Samuele 25:26

Mukelenge wanyi, bu mudi Yehowa ne muoyo ne bu mudi mutshima webe ne muoyo, bualu bua Yehowa wakakukanda bua wewe kumatshishi mashi hanshi ne bua wewe kudisombuedi ne tshianza tshiebe, nunku badi nʼebe lukuna ne badi bakeba kuenzela mukelenge wanyi bibi, bikale bu Nabala.

1 Samuele 27:1

Davidi wakamba mu mutshima wandi ne, Meme nenfue dituku dikuabo ku tshianza tshia Shaula; kakuena bualu budi butamba buimpe kundi bu mudi kunyemena mu buloba bua Bena Peleshete; Shaula neahange kunkeba mu matshika a buloba bua Isalele, nunku nempanduke mu tshianza tshiandi.