1 Bakalenga 18:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yeye wakamukudimuna ne, Tshiakatatshisha Bena Isalele, kadi anu wewe ne ba mu nsubu wa tatu webe, bualu bua nuenu nuakahetula mikenji ya Yehowa, nuakalonda Bâla.

MUKANDA WA MYIDI MUKULU

¹⁸ Muambi Eliya kuandamuna ne: — Meme tshiena nkengesha bena Izrayele to, kadi anu wewe ne bena diku diebe. Bualu nudi babenga kutumikila mikenji ya Maweja-Nangila. Nudi nutendelela mvidie Baale.

1 Bakalenga 18:18 Խաչաձեւ Հղումներ

1 Bakalenga 16:31

Bualu ebu buakadi butekete ku mesu kuandi bua kuendeye mu malu mabi a Yalohama, muana wa Nebata: nunku wakabaka Izebele, muana wa bakashi wa Etebâla, mukelenge wa Bena Sidona, wakakuatshila Bâla mudimu, wakamutendelela.

1 Bakalenga 16:32

Wakenzela Bâla tshioshelu mu nsubu wa Bâla wakaseye mu Samalea.

1 Bakalenga 21:25

Kakuakadi muntu mukuabo bu Ahaba wakadihanyisha bua kuenzeye malu mabi ku mesu kua Yehowa, wakadi musonsolodibue kudi Izebele, mukashi wandi.

1 Bakalenga 21:26

Wakenza malu a bundu a bungi bua kulondeye mpingu ne bilele bia Bena Amole bakumusha Yehowa ku mpala kua Bena Isalele.

1 Bakalenga 9:9

Hashishe, nebakudimunangane dî kabidi ne, Bualu bua bobo bakalekela Yehowa, Nzambi wabo, nguakafuma ne bankambua babo mu Ejipitu, bakakuata nzambi mikuabo, bakayitendelela, bakayikuatshila mudimu, ka Yehowa wakatuma dikenga edi dionso kudibo.

2 Kulondolola 15:2

wakaya kusangakena ne Asa, wakamuambila ne, Unvuai, Asa ne Bena Yuda ne Bena Benyamina; Yehowa udi nʼenu, hantshidi nʼandi; binuamukeba, nenumuhete; kadi binuamulekela, yeye neanulekele.

2 Kulondolola 28:19

Bualu bua Yehowa wakahuekesha Bena Yuda bualu bua Ahaza, mukelenge wa Isalele, bualu bua yeye wakalekela kukandika Bena Yuda, wakenzela Yehowa bibi.

Nsumuinu 11:19

Udi mushindame mu buakane neahete muoyo, kadi ndi ulonda bubi neafue biandi.

Nsumuinu 13:21

Diakabi didi dilonda benji ba malu mabi, kadi diakalengele didi difutu dia bantu bakane.

Nsumuinu 28:4

Badi balekela kulonda diyisha dia mikenji badi batumbisha bantu babi, kadi badi batumikila diyisha dia mikenji badi bafuilangana nʼabo.

Nsumuinu 5:22

Malu a tshishiku a muntu mubi adi umukuata mu buteyi, udi musuikibue ne mionshi ya bubi buandi.

Yeshaya 3:11

Mulau wikale kudi muntu mubi! Neafute dikasa dibi; bualu bua nebamuenzele yeye bienzedi biakuenzeye ne bianza biandi.

Yirmeya 2:13

Bualu bua batu banyi bakuenza malu mabi abidi: bakundekela meme, mushimi wa mai a muoyo, bakudiumbuila mena a mai, mena mamane kûhuka mene, adi kâyi mua kulama mai.

Yirmeya 2:19

Mukelenge Yehowa wa misumba udi wamba ne, Bubi buebe buine nebukusamine, kundekela kuebe bua kuhingana ku malu a tshianana nekukubele. Nunku neumanye, neumone kabidi, bu mudi muanda eu wa kulekela Yehowa Nzambi webe mmuanda mubi ne wa bululu, ne mudi ditshina dianyi kadiyi munda muebe.

Yirmeya 23:13

Nakumona malu a hatuhu munkatshi mua baprofete ba mu Samalea; bakamba mei abo mu dina dia Bâla, bakasesuisha bantu banyi Kena Isalele.

Yirmeya 38:4

Hashishe baminyampala bakambila mukelenge ne, Tudi tukusengelela bua bashihe muntu eu, bualu bua udi utekesha maboko a bena nvita badi bashala mu musoko eu, ne maboko a bantu bakuabo bonso, habambileye mei a nunku; bualu bua muntu eu kena ukebela bantu diakalengele, kadi udi ubakebela dikenga.

Yezekiyele 3:8

Kadi mona, nenkoleshe mutu webe muhite yabo bukole, ne tshitshu tshiebe netshihite tshiabo.

Matayi 14:4

Bualu bua Yone wakamuambila ne, Kambiakane bua wewe wikale nʼandi.

Bienzedi 24:13

Kabena bamanye mua kushikika ku mesu kuebe malu adibo bambanda katataka.

Bienzedi 24:20

Bantu aba mene kabidi bambe bualu bubi buakansanganabo nʼabu hanakimana ku mpala kua balumbuludi,

Dielulula 31:16

Yehowa wakambila Mose ne, Tangila, wewe neulale tulu ne bankambua bebe; ne bantu aba nebabike, nebalonde malu a masandi a nzambi ya bende ya mu buloba buyayabo, nebandekele, nebashihe tshihungidi tshituakahunga nʼabo.

1 Samuele 14:29

Hashishe Yonatana wakamba ne, Tatu wanyi wakutatshisha buloba. Ndi nnusengelela ne, Tangilai bu mudi mesu anyi matanduke bualu bua meme nakumbula buitshi ebu bukese.