1 Bakalenga 12:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Kadi dî dia Nzambi diakalua kudi Shemaya, muntu wa Nzambi, ne,

MUKANDA WA MYIDI MUKULU

²² Kadi, Mvidi Mukulu kuyukila ne muambi Shemaya, umuambila ne:

1 Bakalenga 12:22 Խաչաձեւ Հղումներ

1 Bakalenga 13:1

Muntu wa Nzambi wakafuma mu Yuda, wakafika ku Betele bu mu dî dia Yehowa. Yalobama wakadi muimane ku tshioshelu bua kuosheye musenga wa manananshi.

1 Bakalenga 13:11

Muprofete mununu wakadi mushikame mu Betele; ne umue wa bana bandi ba balume wakalua, wakamuambila malu onso akenza muntu wa Nzambi mu Betele didiku adi; bakambila tatu wabo kabidi mei akambileye mukelenge.

1 Bakalenga 17:18

Mukashi wakakonka Eliya ne, Ndi nʼebe bualu kai, wewe muntu wa Nzambi? Wewe wakuluila bua kunvuluisha bua bubi buanyi ne bua kushiha muanʼanyi!

1 Bakalenga 17:24

Mukashi wakambila Eliya ne, Katataka ndi mumanye ne, Wewe udi muntu wa Nzambi ne dî dia Yehowa didi mukana muebe didi dilelela.

2 Bakalenga 4:16

Yeye wakamuambila ne, Ku tshikondo etshi, hakumbana ngondo yebe, wewe neukongoluele muana wa balume. Yeye wakamuambila ne, Nansha, mukelenge wanyi, wewe muntu wa Nzambi, kudingi muntu webe mukashi.

2 Bakalenga 4:22

Yeye wakabikila bayandi, wakamuambila ne, Ndi nkusengelela ne, Untumine muena mudimu ne nyama wa mpunda bua meme kulonda muntu wa Nzambi, mpingane kabidi.

2 Bakalenga 4:25

Nunku wakaya, wakafika kudi muntu wa Nzambi ku mukuna wa Kâmele. Muntu wa Nzambi wakamutangila hakadiye kule kuakua, wakambila Gehazi, muena mudimu wandi, ne, Mona, Muena Shunema ulualua:

2 Bakalenga 4:27

Kadi hakafikeye kudi muntu wa Nzambi ku mukuna, yeye wakamukuata ku makasa andi. Gehazi wakasemena ha buihi bua kumusakila, kadi muntu wa Nzambi wakamuambila ne, Umulekele bualu bua mutshima wandi udi unema bujitu munda muandi. Yehowa wakunsokoka bualu ebu, kena muanze kubungambila.

2 Bakalenga 4:7

Hashishe yeye wakaya, wakamanyisha muntu wa Nzambi. Yeye wakamuambila ne, Ya, uhane manyi au, umane dibanza diebe, ne wewe ne bana bebe balume nuikale ne muoyo ku bidi bishale.

2 Bakalenga 5:8

Hakunvua Elisha, muntu wa Nzambi, lumu ne, Mukelenge wa Isalele wakahanda bilulu biandi, yeye wakatumina mukelenge dî ne, Wakuhandila bilulu biebe tshinyi? Alue biandi kundi, amanye biandi ne muprofete udi mu Isalele.

2 Kulondolola 11:2

Kadi dî dia Yehowa diakalua kudi Shemaya, muntu wa Nzambi, ne,

2 Kulondolola 12:15

Bienzedi bia Lehabama, bia kumudia ne bia kunshikidilu kabiena bifunda mu kulondolola kua Shemaya muprofete, ne kua Ido mumonyi wa malu, bu mudibo bafunda mikanda ya kulondolola anyi? Lehabama ne Yalobama bakadi baluangana nvita misangu yonso,

Yirmeya 35:4

Nakalua nʼabo ku nsubu wa Yehowa, mu nsubu mua bana balume ba Hanana, muana mulume wa Yigedalaya, muntu wa Nzambi, wakadi ha buihi ne nsubu wa baminyampala, wakadi ha mutu ha nsubu wa Maseya, muana wa Shaluma, mulami wa ku mbelu kua nsubu.

Dielulula 33:1

 mmasanka akavudishila Mose, muntu wa Nzambi, Bena Isalele, diambedi yeye kayi muanze kufua.

1 Timote 6:11

Kadi wewe, muntu wa Nzambi, nyema malu â; londa malu makane ne a buimpe bua Nzambi ne ditabusha ne dinanga ne ditantamana ne kalolo.