Mitiro 21:34 - Tshwa Bible

³⁴ Vanwani va lo kanyuluka hi xilo xinwe, ni vanwani hi xinwani, xikari ka vanhu. Laha yi nga kala ku tiva a zinene za kona hi kota ya guwa, yi lo laya lezaku a yisiwe xikanekisweni.

Mitiro 21:34 Խաչաձեւ Հղումներ

Mitiro 19:32

A vanwani va lo kanyuluka hi xilo xinwe, ni vanwani hi xinwani; hakuva a xidlemo xi wa hi ni pfilupfilu; a linyingi la vona li wa nga xi tivi lexi va nga tsombanele xona.

Mitiro 21:37

Kota lezi Paule va nga lava ku mu enghenisa lomo xikanekisweni, i te ngalo ka nduna ya hombe: Xana nzi nga vumelwa ku wula nchumu ka wena ke? Yona yiku ngalo: Wena wa xi tiva xiGreki ke?

Mitiro 22:24

A nduna yi lo laya lezaku Paule a engheniswa xikanekisweni, yiku a hlolwe hi kuxupulwa, kasi yi fela ku tiva a mhaka leyi va nga mu kanyulukela ha yona.

Mitiro 22:30

Kanilezi hi manziko wa kona, na yi lava ku tiva a zinene za mhaka leyi Paule a nga kecariwa ha yona hi vaJuda, yi lo mu tlhatlha, yi laya a vapristi va hombe ni hubye yontlhe a kuva va tsombana, zonake yi lo tisa Paule, yi mu yimisa mahlweni kabye.

Mitiro 23:10

Makunu laha a kukanetisana ku nga enzeleka, a nduna ya hombe yi lo chava lezaku va nga hanzula Paule, yi ruma masochwa a ku relela ma ya mu wutla xikari kabye, ma mu yisa xikanekisweni.

Mitiro 23:16

Kanilezi a zukulu wa Paule i lozwa hi ku mu xiyelela kabye, aya enghena xikanekisweni a ya byela Paule.

Mitiro 23:32

Kanilezi hi manziko wa kona va lo mu siya ni lava va mahaxi va famba zinwe naye, vona va tlhelela xikanekisweni.

Mitiro 25:26

Kanilezi a nzi na mhaka yi tiyileko ya kuva nzi tsalela hosi ha yena: hikwalaho nzi mu tisile mahlweni ka nwina, nguvu mahlweni ka wena hosi Agripa, lezaku nzi fela ku zi tiva lezi nzi ta nga tsala anzhako ka kuva nwina mu mu hlolile.