Levi 20:24 - Tshwa Bible

²⁴ Nzi sina nzi mu byelile lezaku: Nwina mu taya fumela a tiko gabye, nzi ta mu nyika gona giva tshomba ya nwina; a tiko gi khulungako masi ni wulombe. Hi mina Jehova, Nungungulu wa nwina, loyi nzi mu hambanyisileko xikari ka matiko.

Levi 20:24 Խաչաձեւ Հղումներ

1 Tihosi 8:53

Hakuva wena u va hambanyisile ni matiko wontihe ya misava a kuva tshomba ya wena, kota lezi u wulileko hi nanza ga wena Mosi, a xikhatini lexo u nga humesa vakoko va hina te Gipite, Hosi Jehova!

Eksodusi 13:5

Laha Jehova a ta nga mu chiketa a tikweni ga Kanani, ni ga vaHiti, ni ga vaAmori, ni ga vaHivi, ni ga vajebusi, a tiko legi a hlambanyileko ka vararu va nwina a ku va nyika gona, a tiko ga masi ni wulombe; ka hweti leyi mu ta hlayisa ziyimiso lezi:

Eksodusi 3:17

Mina nzi te ngalo: Nzi ta mu tlhatlhisa hlomulweni wa nwina wa Gipite, nzi mu yisa tikweni ga vaKanani, ni ga vaHiti, ni ga vaAmori, ni ga vaPerezi, ni ga vaHivi, ni ga vajebusi ka tiko ga masi ni wulombe.

Eksodusi 3:8

Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18

Eksodusi 33:1

Zonake Jehova aku ka Mosi: Suka u famba, wena ni vanhu lava u va humesileko le Gipite, uya ka tiko legi nzi hlambanyileko lezaku nzi ta gi nyika ka Abrahama, na Isaka, na Jakobe, na nzi te ngalo: Nzi ta gi nyika ka pswalo wa wena.

Eksodusi 33:16

Zi ta tibyiswa kuyini lezaku mina ni vanhu va wena hi kumile thomo mahlweni ka wena? Xana a hi loku u famba zinwe na hina ke? Zi nga lezo mina ni vanhu va wena hi ta nga woneka na hi hambene ni vontlhe vanhu lava va nga laha misaveni.

Eksodusi 33:3

Nzi ta mu enghenisa ka tiko gi khulungako a masi ni wulombe, kanilezi nzi nga ta famba xikari ka nwina na mu hi vanhu va ku nonoha tinhamu, nzi nga dzuka nzi mu lovisa lomu ndleleni.

Eksodusi 6:8

nzi ta mu yisa ka tiko legi nzi nga hlambanya nziku: Nzi ta gi nyika ka Abrahama, na Isaka, na Jakobe; nzi ta mu nyika gona, akuva tshomba ya nwina. Hi mina Jehova. Ezek. 20:5

Levi 14:34

Laha mu ta nga chikela tikweni ga le Kanani, legi nzi mu nyikileko gona, loku nzi neha a ntungu wa hlokonho ka yinwe ya tiyindlu ta tiko legi gi ta ngava ga nwina,

Levi 20:26

Nwina mu tava va basileko ka mina, hakuva mina Jehova nzi basile; nzi mu hambanyisile xikari ka manwani matiko, kasi mu fela kuva vanhu va mina.

Mitsengo 23:9

Hakuva nza mu wona na nzi hi hehla ka ribye, Nzi mu cuwuka na nzi hi zitsungeni. Langutani, i vanhu lava va tshamako tlhelo, Lava va nga ti hlayiko ku fanana ni manwani matiko.

Johani 15:19

Loku mu wa hi va tiko, a tiko ngha gi ranzile a za gona; kanilezi lezi mu nga hiko va tiko, kanilezi mu hlawulilwe hi mina, nzi mu susa tikweni, hikwalaho a tiko ga mu venga. Xip. 17:14; 1 Joh. 4:5

2 Va le Korinte 6:17

Hikwalaho ti hambanyiseni mu huma xikari ka vona, ku wula Hosi; mu nga khumbi a xilo xo nyenyeza, zonake nzi ta mu amukela. Isa. 52:11; Kuv. 18:4

Deuteronome 14:2

Hakuva nwina mu vanhu va basileko va Jehova Nungungulu wa nwina, ni kambe Jehova i mu hlawulile lezaku mu hi vanhu vakwe yena wutsumbu, a xikari ka wontihe matiko lawa ma nga hehla ka misava. Ekso. 19:5

Deuteronome 7:6

hakuva nwina mu vanhu va kubasa va Jehova Nungungulu wa nwina; na Jehova Nungungulu wa wena i ku hlawulile kasi u fela ku maha tiko gakwe wutsumbu, a xikari ka wontihe matiko lawa ma nga laha misaveni.

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18