Jeremia 52:19 - Tshwa Bible

¹⁹ A nduna ya vanyakasani yi lo teka ni mingelo ya tibani, a timbita, ni timeza ta tikandiya, a mikombe, ni magombe: zontlhe lezi zi nga wa mahilwe hi nzalama ni siliva.

Jeremia 52:19 Խաչաձեւ Հղումներ

2 Tihosi 25:15

A nduna ya varinzeli yi lo teka ni zimbitana za libani, ni zinamelo ni zontlhe lezi zi nga wa hi za nzalama ni siliva.

Eksodusi 27:3

U ta maha ni zibya za gona zo wola ha zona khuma, ni mafoxola, ni minzheko, ni mafoloko, ni timbita ta makhala; zontlhe a zibya za kona u ta zi maha hi suku.

Levi 26:12

Nzi ta fambafamba xikari ka nwina, nziva Nungungulu wa nwina, nwina muva vanhu va mina.

Zakaria 4:2

Yiku ka mina: Xini u xi wonako? Nzi hlamula nziku: Nzi wona a meza ya tikandiya yo mahiwa hi nzalama basi; le hehla ka yona ku hi ni xibya xo chela kona mafura, na yi hi ni ntlhanu wa tikandiya ni timbiri; ku na ni ntlhanu wa mipuva ni mimbiri yi yako ka tikandiya ti nga hehla ka yona.

Mitsengo 16:46

Zonake Mosi aku ka Aroni: Teka a xibya xa ku hisela a libani u oka a nzilo wa lomu ka alati, u vekela lomo a libani, u hatlisa uya xikari ka tlhangano, uya maha muphahlelo wa nzhiho; hakuva ku kona a zanga yi tako hi mahlweni ka Jehova, a ntungu wu sangulile.