Jeremia 5:17 - Tshwa Bible

¹⁷ Vona va taga a mavele ya wena ni xibaba xa wena, va taga vafana va wena ni vanhanyana va wena, va taga tiyivu ta wena ni tihomu ta wena, va taga zivina za wena ni mikuwu ya wena; a miti ya wena ya makhokhola, leyi u yi tsumbako, va ta yi lovisa hi supado. Levi 26:16; Deut. 28:31

Jeremia 5:17 Խաչաձեւ Հղումներ

Isaya 62:8

Jehova i hlambanyile hi canja gakwe ga xinene, Hi woko gakwe ga ntamu, aku: Hizinene, nzi nga ta ha nyikela a mavele ya wena a kuva zakuga za valala va wena, A vamatiko va nga tanwa a vinya ga wena, legi wena u gi tireleko.

Isaya 62:9

Lava va tshovelako va taga na va bonga Jehova; Ni lava va elulako xivina va tanwa vinya lomu tihubyeni ta yindlu ya mina.

Isaya 65:22

Va nga ta akela ku kasi vanwani va tshama lomo, Va nga ta byalela ku kasi vanwani vaga mihanzu ya kona; Hakuva a masiku ya vanhu ma ta ringana ni masiku ya tisinya, Ni vahlawulilweko va mina va ta tsakela mitiro ya mandla yabye.

Jeremia 1:15

Hakuva nzi ta ramba a tixaka tontlhe ta matiko ya le Nwalungu, ku wula Jehova; linwe ni linwani li ta ta yimisa xitshamu xa wuhosi xa lona laha tinyangweni ta Jerusalema, kasi ku vukela a makhurisi ma ranzelekeleko muti, ni ku vukela a miti yontlhe ya ka Juda.

Jeremia 25:37

Ni magelo ya kurula ma lobyisiwa Hi kota ya kuhisa ka zanga ya Jehova.

Jeremia 4:26

Nzi lo lunguza, languta, a tiko go nona gi wa hunzukile xiwula; Ni yontlhe a miti ya gona yi wa hahlulwe Mahlweni ka Jehova, ni mahlweni ka kuhisa ka zanga yakwe.

Jeremia 4:7

A nghala yi humele xihlahleni xa yona, ni muhahluli wa matiko I sukile wutshanwini gakwe kasi ku hangalasa a tiko ga wena, A hahlula miti ya wena, lezaku ku nga ha ala munhu ka yona.

Jeremia 5:18

Hambu zi hi tano, ku wula Jehova, nzi nga ta ku fuvisela magumo a ka lawo masiku.

Jeremia 50:17

Israeli i yivu leyi yi lahlekileko, leyi yi hlongolisilweko hi tinghala. A ku ranga i lo giwa hi hosi ya le Assiria, ku gamela Nebukadrezzare a hosi ya le Babuloni i lo kutsa a marambu yakwe. 2 Tih. 17:5; 25:1

Jeremia 50:7

Vontlhe lava va nga kumana na vona, va wo va khadamula. A valala vabye vaku: A hi na nanzu, hakuva va onhele Jehova, a wutshamu ga nongameto, a nga Jehova loyi a nga kutsumba ka vadadani vabye.

Jeremia 8:13

Nzi ta va lovisa bhi, ku wula Jehova. A ku na mauva sinyeni ya vina, Hambu a makuwu nkuweni, Na wona matluka ma womile. Lezi nzi va nyikileko zi ta pswonyoka kabye. Isa. 5:5; Lu. 13:6

Jeremia 8:16

A guwa ga mahaxi yakwe gi zwala le Dani; A tiko gontlhe gi rurumela hi kota ya kuyimba ka wona; Hakuva va tile va hetisa tiko ni zontlhe zi nga ka goha, A muti ni vontlhe va tshamako ka wona.

Mikosi 2:12

Ve ngalo ka vanyine vabye: Zi kwihi a zakuga ni vinya? Va maha lezo na va titivala lomu maruweni ya muti khwatsi hi lava va tlhabyilweko, Na va kari va nyiketa mihefemulo yabye zifuveni za vanyine vabye.

Mikosi 2:2

A Hosi yi hahlula yontlhe a miti ya ka Jakobe, na a nga hi na kutsetsa. Hi zanga yakwe i khungumule a makhokhola ya nhanyana wa ka Juda, I ma wisile lahasi, a onha a mufumo ni tihosi ta kona.

Ezekieli 36:4

hikwalaho nwina zitsunga za ka Israeli, zwanani a mhaka ya Hosi Jehova! I wula lezo Hosi Jehova ka zitsunga ni miganga, ka micongo ni minzhelelo, ka marumbi ma mahileko ziwula, ni ka miti yi tsikilweko, leyi yi mahileko muphango ni xihlekiso ka mifumo leyi yi ranzelekeleko.

Hosea 2:12

Nzi ta hahlula a zivina zakwe, ni mikuwu yakwe leyi a nga wula ha yona, aku: Leyi i hakhelo nzi nyikilweko hi zigangu za mina. Nzi ta zi hunzula zi maha khwati, zi giwa hi zivanza za khwati. Deut. 23:17; Isa. 5:5

Hosea 8:14

Hakuva Israeli i rivele a Mumahi wakwe, a aka ziluvelo; na Juda i anzisile a miti yi bhiyelweko. Kanilezi nzi ta rumela a nzilo hehla ka miti yakwe, wu ta hisa a ziluvelo za yona.

Joeli 2:3

Va rangelwa hi nzilo wu khadamulako, ni lenzhako kabye ku na ni langavi gi hisako. Le mahlweni kabye a tiko gi fanana ni simu ga Edeni, kanilezi lenzhako kabye ku na ni xiwula; loku va hunza a ku sali nchumu.

Levi 26:16

minawu nzi ta mu maha lezi: Nzi ta mu rumela a chawo, ni ndere, ni feveri, zi ta mbheta a mahlo ya nwina ni timbilu ta nwina; mu ta byala mahala timbewu ta nwina, hakuva ti ta giwa hi valala va nwina.

Zefania 3:6

Nzi hihiritile matiko, a makhokhola ya wona ma khungumulwe; nzi mahile a tindlela ta wona lezaku ti nga ha tsemakanyiwi hi munhu. A miti ya wona yi iovile, laha kaku a ka ha hi na munhu, ni muaki munwe a nga ha hi kona.

Malaki 1:4

Edome a ngaku ngalo: Hi hahlulilwe, kanilezi hi ta tlhela hi ya aka marumbi! Jehova wa tiyimpi i ngalo: Va ta aka, kanilezi mina nzi ta khungumula. A vanhu va ta va vitana, aku: I tiko ga kubiha: niku, Mbanhu va zangarelweko hi Jehova kala kupinzuka.

Deuteronome 28:33

A vanhu lava u nga va tiviko va taga a mihanzu ya misava ya wena ni ya mitiro ya wena yontlhe; wena u ta tsimbeketwa ni ku khinyelelwa wontihe masiku; Vala. 6:3