Jeremia 36:7 - Tshwa Bible

⁷ Kutani va ta khongela mahlweni ka Jehova, va hunzuluka munwe ni munwani mahanyeleni yabye yo biha. Hakuva a khulo ga Jehova ga hombe ni xiviti lexi a sinako a xi wulile hi lava vanhu.

Jeremia 36:7 Խաչաձեւ Հղումներ

Jeremia 36:3

Kutani a va ka Juda va ta ingisa a kubiha kontlhe loku nzi xuvako ku va mahela; lezaku munwe ni munwani a hunzuluka ndleleni yakwe yo biha, nzi mu tsetselela a kubiha kakwe ni xionho xakwe.

Hosea 5:15

Nzi ta tlhela nzi ya tshama wutshanweni ga mina, kala va wulela zionho zabye, va hlota a nghohe ya mina. Hlomulweni wabye va ta nzi hlotisisa.

Mikosi 4:11

Jehova i mbhetisile a khulo gakwe, i chulule a zanga yakwe yo tshisa; I dzivele a nzilo le Zioni, lowu wu hisileko a ziseketelo za gona.

Jeremia 21:5

Mina wutsumbu nzi talwa na nwina hi canja gi tlakusilweko, hi woko ga ntamu, ni zanga, ni khulo ni xiviti xa hombe. Deut. 29:28

Jeremia 4:4

Mahani zitshiva ka Jehova, Mu susa a dewu ga timbilu ta nwina, Nwina vavanuna va ka Juda ni vaaki va Jerusalema, Kasi a zanga ya mina yi nga ta vutsuka kota nzilo, Wu vura lezaku wu nga timiwi, Hi kota ya kubiha ka mitiro ya nwina. Deut. 10:16; Rom. 2:28; Kol. 2:11

2 Tihosi 22:17

Hakuva va nzi fularele va hisa tibani ka vanwani vanungungulu, va nzi zangarisa hi mitiro yontlhe ya mandla yabye; hikwalaho a zanga ya mina yi vindlukile yi vukela wutshamu legi; cima yi nga ta renga.

2 Tihosi 22:13

Fambani mu ya nzi wutisela ka Jehova, mu wutisela ni vanhu vontlhe va ka Juda, xungetano ni timhaka ta bhuku legi gi thumbilweko, hakuva a zanga ya Jehova yi vurako hehla ka hina nja hombe, hakuva a vadadani va hina a va ingisangi timhaka ta bhuku legi, ni ku maha zontlhe kota lezi hi layilweko ka gona.

Zakaria 1:4

Mu nge khwatsi hi vadadani va nwina, lava a vaprofeti va kale va nga kanyukelana kabye, vaku: Jehova wa tiyimpi i ngalo: Humani tindleleni ta nwina to biha, mu tsika a zimaho za nwina za hava! Kanilezi a va zwangi, hambu ku nzi ingisa, ku wula Jehova.

Jona 3:8

Kanilezi ngha zi ambala a tinguwo ta Xirilo, a vanhu ni zihari, zi rila hi ntamu ka Nungungulu. Ina, munwe ni munwani ngha a suka ndleleni yakwe yo biha, va tsika a mitiro ya tihanyi yi mahiwako hi mandla yabye.

Danieli 9:13

A khombo gontlhe legi gi hi wele khwatsi hilezi ku tsalilweko nayweni wa Mosi. Kanilezi a hi kombelangi a wuxinji ga Jehova a Nungungulu wa hina, hi ku tsika zigoho za hina, hi chela kota hi zinene za wena.

Ezekieli 22:20

Kota lezi va wungeletelako a siliva ni suku ni xiketse ni tsovu lomu nzhimbyeni, va buvetela a nzilo hehla ka zona; kasi za nyeka; nzi ta mu wungeletelisawu zalezo a zangeni ya mina ni khulweni ga mina; nzi mu chela lomu nzhimbyeni mu nyeka.

Ezekieli 20:33

Nza hlambanya hi kuhanya ka mina, ku wula Hosi Jehova: nzi ta mu fumela hi canja ga ntamu, ni woko gi nawulutilweko, ni zanga yi chululweko.

Ezekieli 13:13

Hikwalaho Hosi Jehova i ngalo: Nzi ta vuxa a xingulu zangeni ya mina, hi kota ya khulo ga mina ku tana a vula ya hombe, ni maralala ya hombe zangeni ya mina, kasi ku gi hetisa.

Ezekieli 8:18

Hikwalaho minawu nzi ta va holovela. A tihlo ga mina gi nga ta va nyenyeletela, ge nzi nga ta va zwela wusiwana. Hambu loku va rila tindleveni ta mina hi gezu ga hombe, nzi nga ta va ingisa. Mav. 1:28; Jer. 11:11

Ezekieli 5:13

A zanga ya mina yi ta tatisekisa lezo; nzi ta rutisa a khulo ga mina ha vona, nzi tangala. Va ta zi tiva lezaku mina Jehova nzi wulile hi kupangama, laha nzi nga tatisa a zanga ya mina hehla ka vona.

Jeremia 26:3

Kutani va ta ingisa, munwe ni munwani a hunzuluka ndleleni yakwe yo biha, lezaku kasi nzi nga va neheli a khombo legi nzi xuvileko a ku va mahela hi kota ya zimaho zabye zo biha. Jer. 18:8, 11; Jona 3:10

Jeremia 25:5

Va waku: Hunzulukani munwe ni munwani a ndleleni yakwe yo biha, ni ka kubiha ka zimaho za nwina, kasi ma aka tikweni legi Jehova a nyikileko nwina ni vararu va nwina, kusukela kaleloko ku kala kupinzuka.

Jeremia 19:15

Jehova wa tiyimpi, a Nungungulu wa ka Israeli i ngalo: Nzi ta neha hehla ka muti lowu ni hehla ka zimitana za wona a makhombo wontihe lawa nzi phofuleko ha wona; hakuva va nonohisile a tinhamu tabye, kasi va ngazwi a timhaka ta mina.

Jeremia 16:10

Loku u tivisile lava vanhu tontlhe leti timhaka, na vaku: Hikuyini Jehova a wulako hehla ka hina hi khombo legi ga hombe ke? hi kwihi kubiha ka hina, kutani kugoha loku hi onheleko ha kona Jehova a Nungungulu wa hina ke?

Jeremia 1:3

Yi lota kambe a masikwini ya Jehoiakimu, a nʼwana Josia, a hosi ya ka Juda, ni lomu kumbheleni ka lembe ga wukhume ni ginwe ga kufuma ka Zedekia, a nʼwana Josia, a hosi ya ka Juda, a xikhatini lexi a va le Jerusalema va nga khomiwa va yiswa wukhumbini, hi hweti ya wuntlhanu.

2 Kronekele 34:21

Fambani mu ya nzi wutisela ka Jehova, mu wutisela ni misalela ya ka Israeli ni ya ka Juda xungetano ni timhaka ta bhuku legi gi thumbilweko, hakuva a zanga ya Jehova hehla ka hina nja hombe nguvu, hakuva a vadadani va hina a va hlayisangi a timhaka ta Jehova ni ku maha zontlhe kota lezi zi tsalilweko bhukwini legi.

Deuteronome 31:17

Kanilezi a zanga ya mina yi ta vura hi lego siku, nzi va tsika, nzi fihla a nghohe ya mina ka vona, va lobyiswa, a makhombo ya ku tala ni hlomulo zi tata hehla kabye, zonake va ta ku ngalo: Kasi lawa makhombo ma tako hehla ka hina, a hi lezi Nungungulu wa hina a nga hiko kona xikari ka hina ke?

Deuteronome 31:16

Jehova i te ngalo ka Mosi: Wena U ta etlela zinwe ni vararu va wena; kanilezi lava vanhu va ta ya hlakana hi wuoswi ni vanwani vanungungulu va tiko lego va yako ka gona; va ta nzi tsika va hambunyeta xivumelwano lexi nzi mahileko zinwe na vona.

Jeremia 37:20

Makunu hosi, nwinyi wanga, ingisa mukombelo wa mina, u nga nzi tlheliseli a ndlwini ya Jonatani a mutsali, nzi nga fela kona.

Jeremia 42:2

va loya ka muprofeti Jeremia, va yaku kakwe: Ha ku kombela lezaku u amukela a xikombelo xa hina, xa kuva u hi kombelela ka Jehova a Nungungulu wa wena, hina hontlhe hi seleko; hakuva hi vatsongwani hi seleko khwatsi hilezi u zi wonako hi mahlo ya wena;

Ezekieli 12:3

Hikwalaho wena nʼwana wa munhu, ti longisele a nhunzu ya ku famba hangalasiweni, u suka ni hlikanhi kuwoneni kabye; u ta rura na va kari va zi wona, kutani va ta zi pima lezaku mba yindlu ya mihluwukwa.

Danieli 9:18

Nungungulu wa mina, demba ndleve ya wena uzwa; vulula a mahlo ya wena u wona a marumbi ya hina, ni muti lowu wu vitanwako hi vito ga wena. Hakuva a hi veki mikombelo ya hina mahlweni ka wena hi kota ya kululama ka hina, kanilezi hi kota ya wuxinji ga wena ga hombe. Isa. 37:17; Tit. 3:5

Joeli 2:12

Kasike, hambu nyamutlha, ku wula Jehova, wuyani ka mina hi timbilu ta nwina tontlhe, ni kuyila, ni kurila, ni ku maha hlomulo.

Joeli 2:13

Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17