Isaya 9:18 - Tshwa Bible

¹⁸ Hakuva a kubiha ka hisa khwatsi i nzilo, Wu khadamula zigetlwani ni mizwa; Wu dzivela makhwati yo khwela, Kasi musi wu tlakukela hehla kukotisa marefu.

Isaya 9:18 Խաչաձեւ Հղումներ

1 Tihosi 16:21

Zonake a vanhu va ka Israeli va lo avanyeka va maha mitlawa mimbiri; a vanwani va lo lanzela Tibini nʼwana Ginate, va mu maha hosi, a vanwani va lanzela Omri.

Tisimu 37:20

Kanilezi a vakubiha va ta lova, Ni valala va Jehova va ta kota kuhluka ka wuriselo, Va ta nwalala kota musi.

Tisimu 68:2

U va hlongola khwatsi hi musi wu kukuletwako hi mheho; A vakubiha va lova mahlweni ka Nungungulu Khwatsi i sera yi nyekiswako hi nzilo.

Tisimu 83:14

Kukotisa a nzilo wu hisako khwati, Ni khwatsi hi nhova yi swako zitsungeni,

Isaya 1:31

A nhenha yi ta ku khwatsi fufanyi, ni ntiro wa yona wu ta ku khwatsi i hlahle, hi wumbiri gabye va taswa zinwe, a nga kona a ta nga va timela.

Isaya 1:7

A tiko ga nwina gi hahlukile, a miti ya nwina yi hisilwe hi nzilo; a misava ya nwina yi giwa hi vamatiko a kuwoneni ka nwina; yi mahile xiwula khwatsi hi loku yi phangilwe hi valala.

Isaya 26:11

Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Isaya 27:4

A nzi xi zangareli, Loku a zigetlwani ni mizwa zi wa talwa na mina, Nzi wa ta zi hlomela, nzi zi hisa zontlhe.

Isaya 3:5

A vanhu va ta tsimbeketana, munwe ni munwani a tsimbeketwa hi muakelane wakwe; a nisanyana i ta vukela loyi a khosaheleko, ni munhu wa nyalidede i ta vukela munhu a dzunzekileko.

Isaya 30:30

Zonake Jehova i ta zwakalisa a gezu gakwe ga wudumo, A kombisa lezaku gi bisa kuyini a woko gakwe zangeni yakwe, Hi nzilo wu lovisako, ni bhubhutsa, ni xipupuri ni vula ya maralala. Ekso. 9:23; Jox. 10:11

Isaya 30:33

Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

Isaya 33:12

Zonake a matiko ma taswa kota mhemba, Khwatsi hi mizwa yi tsemilweko, yi hiswa.

Isaya 33:14

A vaonhi va le Zioni va chava; A vakubiha va rurumela, vaku: Himani xikari ka hina a ta nga tiya a yima nzilweni lowu wu hisako? Himani a ta nga hanya malangavini ma nga timekiko? Deut. 4:24; Isa. 30:27

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 50:11

Nwina nwentlhe mu dzivelako nzilo, Mu hloma tihunyi ti vurako, Fambani malangavini ya nzilo wa nwina, Ni lomu tihunyini mu ti dziveleko. Lezo zi ta mu humela hi lomu canjeni ga mina, Mu ta etlela kuxanisekeni.

Jeremia 9:3

Va kondla lirimi labye ku fanana ni wura kasi ku hemba mawunwa, Va na ni ntamu tikweni, kanilezi a va wu tirisi ku maha zinene, Hakuva vaya mahlweni hi kubiha ni kubiha, A va nzi tivi, ku wula Jehova.

Hosea 13:3

Hikwalaho va ta kota a hunguva ya mixo, ni nzhokati leʼyi tlhatlhekako hi kuhatlisa, vaku khwatsi i mungu wu kukuletwako hi xipupuri lomu wuhulelweni, ni kukotisa i musi wu humako hi lomu chimeleni.

Joeli 2:20

Kanilezi a yimpi ya le Nwalungu nzi ta yi hlongola kule, yiya tikweni ga chuwa; a ntlawa wa yona loʼwo ranga wu taya bimbini ga Muhuma-gambo, ni wa le nzhako wuya bimbini ga Muhlwa-gambo. A kunuha ka yona ku ta hangalaka, hakuva yi mahile zilo za hombe.

Joeli 2:3

Va rangelwa hi nzilo wu khadamulako, ni lenzhako kabye ku na ni langavi gi hisako. Le mahlweni kabye a tiko gi fanana ni simu ga Edeni, kanilezi lenzhako kabye ku na ni xiwula; loku va hunza a ku sali nchumu.

Amosi 7:4

Hosi Jehova i nzi kombisile lezi: Nzi lo wona Hosi Jehova na a vitana a nzilo kasi ku ta tsayisa ha wona. Wu lo hisa a mati ya kueta, wu sangula ku hisa a tiko ga xiavelo.

Obadia 1:18

A yindlu ya ka Jakobe yi tava nzilo, a yindlu ya ka Josefa yiva langavi, kanilezi a yindlu ya Esau yi tava byanyi go woma; va ta yi hisa va yi mbheta, ku nga ta pona ni munwe ka yindlu ya Esau, hakuva Jehova i wulile lezo.

Nahume 1:10

Hakuva hambu loku va philinganyetene khwatsi i mizwa, vatsakamisilwe hi byala gabye, va ta hiswa kufanana ni byanyi go woma.

Nahume 1:6

Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.

Maheberu 6:8

Kanilezi loku yi milisa mizwa ni zihlehlwani, ya tsikwa, yi kusuhani ni ku rukateliwa, a magumo ya yona hi ku hiswa.

Kuvululelwa 14:11

A musi wa kuxaniseka kabye wu tuvika kala kupinzuka ni kupinzuka; a va na kuhumula mumu ni wusiku lava va khozelako xihari ni xifananiso xa xona, ni wihi loyi a tekako a xifungo xa vito ga xona. Isa. 34:10