Isaya 5:26 - Tshwa Bible

²⁶ A mifumo yi nga kule i ta yi tlakusela a nghapa, I ta va bela miloti lezaku va suka magemeta-musi ya misava; Vona va tata hi kutsutsuma.

Isaya 5:26 Խաչաձեւ Հղումներ

Tisimu 60:4

Lava va ku chavako u va nyikile a nghapa, Lezaku va chavela kona va pona mawura. (Sela.)

Tisimu 72:8

I ta fuma kusukela ka bimbi ginwe kala kuya ginwani, Ni kusukela Congweni kuya magemeta-musi ya misava.

Isaya 10:3

Mu ta maha yini hi siku ga tsayiselelo, Laha a bhubhutsa gi tako hi le kule? Mu ta chavela ka mani kasi ku vuniwa ke? A titshomba ta nwina mu ta ti veka kwihi?

Isaya 11:12

A matiko yi ta ma yimisela a nghapa, Yi tsombanyisa lava va hlongolweko va ka Israeli, Ni ku tlhanganyisa lava va hangalakileko va ka Juda, Va suka matlhelweni ya mune ya misava. Deut. 30:4; Joh. 10:16

Isaya 13:2

Yimisani a nghapa hehla ka xitsunga xa libalala, Kanyulukani, va khweneteni hi canja, Kasi va fela ku enghena hi tinyangwa ta vahombe.

Isaya 13:3

Nzi leletele a va hlawulekileko va mina, Nzi vitanile a tinhenha ta mina, leʼti tsakelako wukulu ga mina, Lezaku va tira a ntiro wa zanga ya mina.

Isaya 13:4

A guwa ga zwala zitsungeni khwatsi xidlemo xa hombe; A guwa ga pfilupfilu ya matiko ma tsombeneko; Hi Jehova wa tiyimpi a hlomisako mabutho ya kulwa.

Isaya 13:5

Va huma tikweni ga le kule, a magemeta-musi ya tilo; Hi Jehova ni matlhari ya zanga yakwe a tako ku ta lovisa tiko gontlhe.

Isaya 18:3

Nwina nwentlhe vaaki va matiko, Vanhu vontlhe va misava, Cuwukani loku a nghapa yi tlakuswa hehla ka zitsunga; Ni loku paratana wu biwa, ingisani!

Isaya 30:16

Nwina mu te ngalo: Hina hi ta hlasela na hi khilele mahaxi! Hikwalaho mu ta hlaselwa. Muku ngalo: Hi ta khilela mahaxi ya mazambo! Hikwalaho mu ta hlongolwa hi lava va nga ni mazambo. 2 Tih. 25:4

Isaya 31:9

A khokhola gakwe gi ta lova hi kuchava, ni tihosana takwe ti ta rurumela mahlweni ka nghapa, ku wula Jehova, loyi a nzilo wakwe wu nga le Zioni, ni nzhimbo wakwe wu nga le Jerusalema. 2 Tih. 19:35

Isaya 39:3

Zonake ku lota Isaya a muprofeti ka hosi Hezekia, a taku kakwe: Va wula yini a vanhu lava ke? Vata hi kwihi? Hezekia a hlamula, aku: Vata hi tikweni gi nga kule, le Babuloni.

Isaya 7:18

A ka xikhati lexo Jehova i ta bela noti a tinhongani ti nga magumo ka micongo ya Gipite, ni tinyoxi ti nga tikweni ga Assiria.

Jeremia 4:13

A nala i tata kota refu, Ni tikareta takwe ti kota xipupuri; A mahaxi yakwe ma hatlisa ku hunza magama. I khombo ka hina, hakuva hi Iovile! Isa. 5:28; Hab. 1:8

Jeremia 5:15

Mangabye nwina yindlu ya ka Israeli, rizi ta mu tisela a tiko ga le kule, ku wula Jehova: a tiko ga ntamu a tiko ga kale, legi u ta nga kohlwa hi lirimi la gona, u nga ta zi pima lezi va zi wulawulako. Deut. 28:49; Isa. 5:26

Jeremia 51:27

Yimisani a bandera lomu tikweni, muba mpunzu xikari ka matiko; hlomisani a matiko ma mu vukela, tsombanyisani a mifumo ya Ararate, Minni, Axkenaze, mu yimisa a tinduna ta yimpi kulwa naye; mahani mahaxi ma kanziha ma mu talela kukotisa humbi.

Mikosi 4:19

A vahlongolisi va hina va wa hatlisa ku hunza magama ya le tilweni. Va wa hi hlongolisa zitsungeni, va hi juma lomu xiwuleni.

Ezekieli 38:17

Hosi Jehova i ngalo: Hi wena loyi nzi nga wulawula ha yena kaleloko hi malanza ya mina a vaprofeti va ka Israeli, lava a xikhatini lexo va nga profeta malembe yo tala, lezaku nzi ta ku ruma u va vukela ke? Joeli 3:1; Mika 4:11; Zef. 3:8

Joeli 2:7

Va tsutsuma kukotisa tinhenha, va kanziha makhurisi khwatsi vanhu va yimpi; munwe ni munwani i famba hi ndlela yakwe, na va nga hambuki.

Habakuka 1:8

A mahaxi yabye ma tsutsuma ku hunza tiyingwe, ma tshisa ku hunza mahlolwa ni wusiku; a vakhileli va wona va famba hi ku ti kulisa. Ina, a vakhileli vabye va mahaxi vata hi le kule, va puruma khwatsi i gama legi gi hatliselako a pfimba wa gona. Jer. 4:13; Zef. 3:3; Mat. 24:28

Zakaria 10:8

Nzi ta va swiyota, nzi tlhela nzi va tsombanyisa, hakuva nzi va tirule; va ta enzeleka va tala kota kale.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Deuteronome 28:49

Na Jehova i ta ku nehela a mufumo wa le kule, wu nga le magumo ka misava, a mufumo wu fananako ni kupuruma ka gama; a mufumo lowu u nga tiviko ni lirimi la wona; Jer. 5:15; 6:22