Isaya 5:22 - Tshwa Bible

²² Khombo ka vona lava va nga tinhenha kunwani ka vinya, Ni lava va nga ni wurena a ku xanganyeleni ka byala.

Isaya 5:22 Խաչաձեւ Հղումներ

1 Tihosi 20:16

Va lo huma lahandle laha hlikanhini, kanilezi Ben-Hadade i wa hi lomu mixaxeni na a kari anwa, a popiwa zinwe ni 32 wa tihosi leti ti nga wa mu vunetela,

Eksodusi 23:8

U nga amukeli a zinyikiwo, hakuva zi vala a mahlo ya lava va wonako, kambe zi byeketa a timhaka ta lava va lulamileko le hubyeni.

Mavingu 20:1

A vinya mutseketseli, ni byala gi vanga maguwa; i wihi loyi a dederekako ha zona a nga tlharihangi. Efe. 5:18

Mavingu 23:29

Himani a nga ni khombo? Himani a nga hlomulweni? Himani a nga timholoveni? imani a nga mikosini? Himani a nga ni timbanga handle ka nanzu? Himani a pswhukileko mahlo ke?

Mavingu 31:4

A zi faneli ka tihosi, O, Lemueli, zi faneli ka tihosi a kunwa vinya, e hambu a tihosana a ku navela byala.

Mavingu 31:5

Hakuva va nga taku loku va nwile va rivakelwa nayo, a nga ha khatali hi ku yimela timhaka ta lava va hlokiswako.

Isaya 22:13

Kanilezi nwina mu lo maha migiyo ya litsako, mu lo tlhava tikavi ni tiyivu; ku giwa tinyama, ku nwiwa vinya, muku: A hi geni, hinwa, hakuva manziko hi tafa!

Isaya 24:9

Va nga ta tlhava zizimba kunweni ka vinya, A byala gi ta bava ka laʼva gi nwako.

Isaya 28:7

Kanilezi laha kambe a vanhu va dedereka hi kota ya vinya, Va khunguvanyeka hi byala; A vapristi ni vaprofeti va dedereka hi byala, Va popilwe hi vinya, va dedereka hi byala; Va khuvatana loku va profeta ni ku maha wuwoyiwoyi kulamuleni.

Isaya 5:11

Khombo ka vona lavo va vinzukako ni mixo, va tsutsumela byala, Ni lava va hungatekako laha wusikwini, va hiswa hi vinya,

Isaya 56:12

Vaku: Ngonani, nzi ta lava vinya, Hi tanwa byala, hi kolwa! Manziko hi ta maha khwatsi hi nyamutlha, Giva siku go saseka ku hunza mpimo! 1 Kor. 15:32

Habakuka 2:15

Khombo a give ka wena loyi u nwisako byala a muakelwane wa wena, u xanganyela a wuxungu ga wena lomo, u mu popisa kasi ku cuwuka a wumbyiri gakwe!