Isaya 13:18 - Tshwa Bible

¹⁸ A mawura yabye ma ta dayetela majaha, Cima va nga ta zwela wusiwana a xihlangi xa hiko nzeni, Ni mahlo yabye ma nga ta nyenyeletela zivanana.

Isaya 13:18 Խաչաձեւ Հղումներ

2 Tihosi 8:12

Hazaeli i te ngalo: Hosi yanga, hi yini u rilako? Yena i lo hlamula, aku: Hi lezi nza yi tiva a xapi leyi u ta nga yi maha ka vanana va ka Israeli: u ta hisa a makhokhola yabye, u daya majaha yabye hi tlhari, u pswhandlasela a zivanana zabye, u bhoxetela a marumbu ya vasati vabye va nga ni tinyimba.

2 Kronekele 36:17

Hikwalaho i lo va rumela a hosi ya maKaldea, yi ta daya majaha yabye hi matlhari lomu ndlwini yabye yo basa; a nga nyenyeletelangi majaha, hambu ni vanhanyana, ge hambu zikhosana zi nga ni wuvu; i lo va nyikela vontlhe mandleni yakwe.

Tisimu 127:3

Languta, a vanana i tshomba ya Jehova, A mbanzu wa nyimba hi nchachazelo.

Isaya 13:16

A zihlangi zabye zi ta pswhandlasiwa mahlweni kabye, A tiyindlu tabye ti ta phangiwa, ni vasati vabye va gohiwa.

Isaya 47:9

Kanilezi a makhombo laya mambiri ma ta ku humela xikanwe hi siku ginwe: U ta lahlekelwa hi vanana uva noni; Zi ta wela ka wena hi kutikisilweko, Hambu loku u hi ni mimbhulo yo tala ni wuloyi ga ntamu.

Isaya 5:28

A tigalala tabye ta kariha, ni mawura yabye wontihe ma kondlilwe, A makhanzo ya mahaxi yabye ma fanana ni maribye, Ni tinghonghwani ta tikareta tabye ti khwatsi xipupuri.

Jeremia 18:21

Hikwalaho nyiketa vanana vabye ndlaleni, U va hendleleta ku dawa hi supado; Kasi a vasati vabye va felwa hi vanana, ni ku maha tinoni. A vanuna vabye a va dayiwe hi ntungu. Ni majaha yabye a ma dayiwe hi supado kulweni.

Jeremia 5:16

A kocelo wabye wu khwatsi i tshisa gi vululekileko, vontlhe tinhenha.

Jeremia 50:30

Hikwalaho a majaha yakwe ma tawa maruweni yakwe, ni vanhu vakwe vontlhe va yimpi va ta mbhetwa hi siku lego, ku wula Jehova.

Jeremia 50:42

Va ta welela mawura ni matlhari; va na ni lunya, a va na tipswalo. A guwa gabye gi khwatsi ga bimbi, va khilele mahaxi, na va hlomile a kulwa na wena nhwana wa Babuloni.

Jeremia 51:22

Ha wena nzi lo panza wanuna ni wasati; Ha wena nzi lo panza a xikhosana ni xinwanana; Ha wena nzi lo panza a jaha ni nhwana;

Jeremia 6:23

Va welela mawura ni matlhari, Va na ni lunya, a va na tipswalo. A guwa gabye gi khwatsi ga bimbi, Va khilele mahaxi, na va hlomile a kulwa na wena, O nhwana wa Zioni.

Ezekieli 9:10

Hikwalaho mina nzi nga ta va nyenyeletela, ge hambu ku zwela wusiwana; nzi ta va tlhelisela hi kota ya mitiro yabye.

Danieli 7:5

Nzi lo wona a xihari xa wumbiri xo fanana ni urso na xi yimile hi tlhelo ginwe, na xi hi ni timbambo tinharu nonwini wa xona xi ti lumile hi meno ya xona. Vaku ka xona: Suka u khadamula a nyama yo tala.

Hosea 13:16

Samaria i ta tsayiswa hikuva a vukeleko a Nungungulu wakwe. Va ta dawa hi supado; a zihlangana zabye zi ta pswhandlaselwa, ni vavasati vabye lava va nga ni tinyimba va ta hanzulelwa.

Nahume 2:1

Loyi a fayetelako i chikele mahlweni ka wena; hlayisa a makhokhola, rinzela a ndlela, boha ziwunu za wena, u ti tiyiseta hi ntamu.

Nahume 3:10

Hambulezo, i lo khomiwa a yiswa wukhumbini, ni vana vakwe va lo pswhandlaswa lomu maphangweni; va lo hlahluvela a vavanuna vakwe va dumileko, a vahombe vakwe vontlhe va bohiwa hi mangenje.