Eksodusi 23:2 - Tshwa Bible

² U nga lanzeli a ntlawa lowu wu mahako kubiha; u nga hlengeli ni xidlemo hubyeni, lexi xi hambukisako a nongameto.

Eksodusi 23:2 Խաչաձեւ Հղումներ

Genesisi 19:4

Kanilezi na va nga se etlela, a vavanuna va muti, a vanhu va le Sodoma, va lota ranzela a yindlu, vatsongwani ni vahombe, na vata hi matlhelo wontihe:

Genesisi 6:12

Nungungulu i lo wona lezaku a misava yi wa onhekile; hakuva a vanhu vontlhe va wa onhile tindlela tabye laha misaveni.

Genesisi 7:1

Zonake Jehova i te ngalo ka Noa: Enghena lomu tarwini, wena ni nghamu ya wena yontlhe; hakuva nzi ku wonile na u lulamile mahlweni ka mina ka lexi xizukulwana,

1 Tihosi 19:10

I lo hlamula, aku: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele a vaprofeti va wena hi supado, hi mina nzoce nzi seleko, na vona va lava ku nzi daya! Rom. 11:2

Joba 31:34

Nzi wa chava a xidlemo xa vanhu, Nzi dzukiswa hi xixanzo xa mingango, Lezaku nzi rutisa, nzi nga humi lahandle ke? Ekso. 23:2

Tisimu 72:2

I ta lamula a vanhu va wena hi nongameto, Ni vaxanisekako va wena hi kupimisisa.

Mavingu 1:15

Nwananga, u nga dzuki u famba hi tindlela tabye, nga veki konzo wa wena tisokweni tabye.

Mavingu 18:5

A zi saseki ku yimela loyi wa kubiha, asi ku vukela loyi a lulamileko kulamuleni. Levi 19:15; Deut. 1:17

Mavingu 4:14

U nga engheni tisokweni ta vakubiha, nga fambi ndleleni ya vabihileko.

Jeremia 37:15

A tihosana ti lo zangara ha Jeremia, ti muba, ti mu khotsela paxweni, lomu ndlwini ya Jonatani a mutsali, hakuva va wa yi mahile a paxo.

Jeremia 37:21

Zonake hosi Zedekia a va laya lezaku Jeremia a vekiwa hubyeni ya vanyakasani; a nyikiwa a xibaba xinwe siku ni siku hi le ruweni ga vabhiki, kala a zibaba zontlhe zi mbhela mutini. Lezo Jeremia i lo tshama hubyeni ya vanyakasani.

Jeremia 38:9

Hosi, nwinyi wanga, a vavanuna lava va mahile za hava ka zontlhe lezi va nga zi mahela muprofeti Jeremia, loyi va mu hoxileko rinzini; i tafa hi ndlala laha a nga kona, hakuva a ku na kuga lomu mutini.

Ezekieli 9:9

Aku ka mina: A kugoha ka yindlu ya ka Israeli na Juda ku hunzelele a ku kula. A tiko gi tele hi nkhata, ni muti wu tele hi lunya, hakuva ve ngalo: Jehova i tsikile a tiko, Jehova a nga woni.

Levi 19:15

Mu nga hambanyisi nongameto laha kulamuleni ka nwina; u nga cuwuki a nghohe ya xisiwana, hambu ku yimela a wahombe; kanilezi lamula muakelani wa wena hi nongameto.

Hagai 1:4

Xikhati xa kuva mu tshama lomu ka tiyindlu leti a makhurisi ya tona ma mehelweko hi mapulangu, na leyi yindlu yi hahlukile ke?

Marku 15:15

Pilatu na a ranza ku tangalisa xidlemo, i lo va tlhatlhela Barabasi; zonake i lo xupula Jesu, a mu nyiketa a kuva a belelwa. Mat. 27:26; Joh. 19:1, 18

Luka 23:51

loyi a nga vumelangiko a khungo gabye ni ximaho xabye. I wa hi wa le Arimatea, a muti wa vaJuda, loyi a nga kari a cuwukela a mufumo wa Nungungulu. Mar. 15:43; Xip. 2:25, 38

Mitiro 24:27

Kanilezi na ku hunzile malembe mambiri, Porkiu Festu i lo enghena xikhundleni xa Felisi; kanilezi Felisi na a lava ku khesiwa hi vaJuda i lo siya Paule makhotsweni. Xip. 12:3; 25:9, 14

Mitiro 25:9

Kanilezi Festu na a lava ku khesiwa hi vaJuda, i lo mu wutisa, aku: Wa zi ranza kuya Jerusalema, u ya lamulwa kona mahlweni ka mina hi timhaka leti ke? Xip. 24:27; 25:20

Va le Roma 1:32

lava vaku hambu va wu tiva a nayo wa Nungungulu, lezaku lava va mahako a zilo za kunghahi va fanelwe hi kufa, va zi maha, kambe va yimela lava va zi mahako.

Deuteronome 1:17

Mu nga lamuli hi ku cuwuka nghohe ya munhu; kanilezi nwina mu tazwa a timhaka ta ntsongwani kota timhaka ta wahombe; mu nga chavi xiyimo xa munhu, hakuva kulamula kuta hi ka Nungungulu. Loku yinwani mhaka yi mu tsanza, mu ta yi neha mahlweni ka mina nzi ta ta yizwa. Ekso. 18:26; 23:3; Jak. 2:9

Deuteronome 16:19

U nga hambanyisi a nongameto; u nga cuwuki a nghohe ya munhu, u nga amukeli zinyikiwo, hakuva a zinyikiwo za tsopetisa a mahlo ya titlhari, ni ku onha timhaka ta lava vo lulama.

Deuteronome 24:17

U nga hambukisi a nongameto wa muluveli ni wa xisiwana, ni kambe u nga teki a nguwo ya noni u maha yo zima ha yona seve. Isa. 1:17; Jer. 5:28; Ezek. 22:29

Joxua 24:15

Kanilezi loku zi woneka na zi bihile mahlweni ka nwina a ku khozela Jehova, hlawulani legi siku loyi mu ta nga mu khozela; kutani mbanungungulu lava a vararu va nwina va nga wa va khozela le tlhatukweni wa congo, kutani mbanungungulu va maAmori, lava mu akileko tikweni gabye. Kanilezi mina ni ngango wa mina hi ta khozela Jehova.

1 Samueli 15:24

Zonake Saule aku ka Samueli: Nzi onhile, hakuva nzi hambunyetile zileletelo za Jehova ni magezu ya wena, hi kota ya lezi nzi nga chava vanhu nzi ingisa timhaka tabye.

1 Samueli 15:9

Kanilezi Saule ni vanhu vakwe va lo tsika Agagi ni wulangelwa ga tiyivu, ni ga tihomu ti nonileko, ni ga zifuyo zinwani, ni tiyivana, ni zontlhe zo saseka, a nga lavangi ku zi lovisa. Kanilezi zontlhe lezi zi nga nyawuliko va lo zi lovisa.