2 Kronekele 18:22 - Tshwa Bible

²² Hikwalaho i enghenisile a moya wa mawunwa milonwini ya vaprofeti va wena vontlhe; Jehova i wulile kubiha ha wena.

2 Kronekele 18:22 Խաչաձեւ Հղումներ

2 Kronekele 18:17

A hosi ya ka Israeli yi te ngalo ka Jehoxafate: A nzi ku byelangi lezaku yena a nga profeti kusasa ha mina, kanilezi kubiha ntsena ke?

2 Kronekele 18:21

Wona wu te ngalo: Nzi ta ya maha moya wa mawunwa milonwini ya vaprofeti vakwe vontlhe. Jehova i te ngalo: Hakunene u ta ya mu khohlisa u mu hlula; yana u ya maha zalezo!

2 Kronekele 18:7

A hosi ya ka Israeli yi hlamula, yiku ka Jehoxafate: KU sele munhu munwe loyi hi faneleko ku wutisa ha yena ka Jehova, kanilezi mina nza mu venga, hakuva cima a nga nzi profeteli zo saseka; kanilezi i nzi profetela zo biha wontihe masiku. A muprofeti wa kona hi Mikaia nʼwana Imla. Jehoxafate i te ngalo: Hosi ngha yi nga wuli lezo.

2 Kronekele 25:18

Joaxi hosi ya va ka Israeli yi lo rumela mhaka ka Amazia hosi ya va ka Juda, aku kakwe: A muzwa wa le Lebanoni wu lo rumela mhaka ka sinya ya sedare yi nga le Lebanoni, wuku: Nyikela a nhanyana wa wena ka mufana wa mina a maha sati wakwe! Makunu laho ku lo hunza a zihari za khwati za le Lebanoni zi wu kanzihela.

Joba 12:16

Yena i na ni ntamu ni wutlhari; Loyi a hambukileko ni muhambukisi, hi wumbiri gabye va le canjeni gakwe.

Eksodusi 4:21

Zonake Jehova aku ka Mosi: Lezi wena u tlhelako kuya Gipite, alakanya zihlamaliso zontlhe lezi nzi zi vekileko canjeni ga wena, u ta ya zi maha mahlweni ka Faro; kanilezi mina nzi ta nonohisa a mbilu yakwe, a nga vumeli a vanhu ku famba.

Isaya 19:14

Jehova i va chelile a moya wa sululwani, Va mahile Gipite gi dedereka mitirweni ya gona yontlhe, Khwatsi hi munhu a popilweko a dederekako kuhlateni kakwe.

Isaya 3:11

Khombo ka wakubiha! i tava ni khombo hakuva i ta nyikiwa a nchachazelo wa mitiro yakwe.

Jeremia 18:11

Hikwalaho byela vavanuna va ka Juda ni vaaki va Jerusalema, uku: Jehova i ngalo: Mina nza mu longisela a khombo, nzi maha xikungo xo mu vukela. Hikwalaho hunzulukani munwe ni munwani a ndleleni yakwe yo biha, mu chukhwatisa a mahanyela ya nwina ni zimaho za nwina. 2 Tih. 17:13

Ezekieli 14:9

Loku a muprofeti a khohliswa a wula a mhaka yo kari, hi mina Jehova nzi khohlisileko muprofeti loye; nzi ta nawuluta a canja ga mina nzi mu lovisa xikari ka vanhu va mina va ka Israeli. 1 Tih. 22:20; 2 Tos. 2:11

Mika 2:3

Hikwalaho Jehova i ngalo: Langutani, nza alakanyela a khombo hehla ka lixaka leli, legi mu to kala mu nga zi koti ku humesa a tinhamu ta nwina ka gona, mu nga ha ta famba hi matshanza, hakuva a xikhati xi bihile.