1 Samueli 17:13 - Tshwa Bible

¹³ A vafana vakwe va vanharu va tinhonzwa va wa lanzile Saule le yimpini; a vafana vakwe va nga hlomile vaya yimpini ku wa hi Eliabe, a matewula yakwe, ni wa wumbiri ku wa hi Abinadaba, ni wa wunharu hi Xama.

1 Samueli 17:13 Խաչաձեւ Հղումներ

2 Samueli 13:3

Kanilezi Amnoni i wa hi ni munghana loyi a vito a nga hi Jonadaba, a nʼwana wa Ximei a nakulobye wa Davida; Jonadaba i wa hi mbyhori ya hombe nguvu.

2 Samueli 13:32

Jonadaba nʼwana Ximea, nakulobye wa Davida, i lo hlamula, aku: Ngha hosi ya mina yi nga dzuki yi alakanya lezaku va dele wontihe majaha ya hosi, hakuva hi Amnoni yece a fileko, hakuva lezi Absalome a zi mahileko, zi sukela siku legiya a makabye wakwe Tamara a nga onhiwa hi Amnoni.

2 Samueli 21:21

Laha a nga rukatela a vaIsraeli, Jonatani wa Xemei, a nakulobye wa Davida, i lo mu daya.

1 Kronekele 2:13

Jese a beleka Eliabe a matewula yakwe, ku gamela Abinadaba, a wawunharu hi Ximea,

1 Samueli 17:28

Kanilezi a nhonzwa yabye Eliabe a nga mu zwile na wulawula ni vanhu, i lo zangarela nguvu Davida, aku kakwe: U tele yini seno? Himani u nga mu siya ni tiyivana leti ti nga le xiwuleni? Nza ma tiva mahatsahatsa ni matshanza ya wena. Hi zona zi ku mahileko uta ku ta wona yimpi.