रोमियों 9:33 - राना थारु नयाँ नियम

³³ जैसे परमेश्वर पबित्र-शास्त्रमे कहात हए, “देखओ, मए यरूशलेम सहरमे एक अइसो पत्थर धरंगो जो आदमीनके ठेस लगात हए, एक अइसो चट्टान जो बिनके गिराबैगो, और जो बामे बिश्वास करैगो, बो लज्जित नाए होबैगो।”

परमेस्वर को सच्चो वचन

³³ जैसे कि सास्त्र मैं लिखो है, “देखौ मैं सिय्योन पहाड़ मैं एक ठेस लगन को पथरा, और ठोकर खान की चट्टान रखथौं, और जो बाके ऊपर बिस्वास करैगो बौ कहु उदास नाय होगो।”

रोमियों 9:33 Խաչաձեւ Հղումներ

मत्ती 21:42

येशू बिनसे कही, “का तुम कभी पबित्र-शास्त्रमे लिखो भओ बचन नाए पढे हओ? ‘जौन पत्थरके घर निर्माण करन बारे रद्द करीं, बहे कुनैठोको मुण-पत्थर बनो, जा परमप्रभुसे भओ हए, और हमरे नजरमे जा अचम्मकी बात हए।’

मत्ती 21:44

जा पत्थर उपर गिरन बारो खुद्रा-खुद्रा हुइजएहए, पर जौन उपर बो पत्थर गिरैगो, पत्थर बोके कुचलदेबैगो।”

रोमियों 10:1

हे बिश्वासी ददाभइया, मेरे मनकी अभिलाषा और मेरे अपने यहूदी आदमीनके ताहीं परमेश्वरसे मिर प्राथना हए, कि परमेश्वर उनके बचाबए।

रोमियों 10:11

काहेकी अगमबक्ता, यशैया ख्रीष्टके बारेमे पबित्र-शास्त्रमे लिखी हए, “जो कोइ बामे बिश्वास करैगो, बो कभी निरास नाए होबैगो।”

रोमियों 5:5

हम जा आसरामे दुखि नाए होमंगे, काहेकी परमेश्वर पबित्र आत्मा दइ हए और पबित्र आत्मा हमर हृदयमे परमेश्वरको प्रेम भरदइ हए।

गलातियों 5:11

हे मेरे बिश्वासी ददाभइयओ, मए परचार करत हओं, कि खतना जरुरी नाए हए, जैसेकी यहूदी समुहको नियम कानुन माँग करत हए और जहेमारे मोके यहूदीनके द्वारा सताओ मिल रहो हए; अगर मए ख्रीष्टको मृत्युके बारेमे परचार करनके छोडके जा परचार करतो, कि आदमीनके खतना करोजान चाहो। तओ मए यहूदी समुहनके ताहीं अपमानको कारण नाए हुइतो।

फिलिप्पी 1:20

मिर मनको इच्छा और आसरा जा हए, कि मए लज्जित नाए होमओं बल्कि मोएमे ख्रीष्टके बारेमे मस्कनके सहास होबए, जैसेकी मए बितो भओ समयमे कहो रहओं, चहुँ मए जिन्दा रहाओं या मरजामओं मए अपनो पुरो जीबनसे ख्रीष्टके आदर करत रहामंगो।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

1 यूहन्ना 2:28

छोटे बालकओ, ख्रीष्टके सँग एकजुटमे सदिमान बने रहाओ; ताकी जब बा फिरसे दिखाइ देबैगो, तओ हम हिम्मत पामएं, और आन बारो बो दिनमे बाके अग्गु हम लज्जित नाए होमएं।