रोमियों 16:25 - राना थारु नयाँ नियम

²⁵ अब उनके, जौन तुमके मिर परचार करन बारो अच्छो समाचार और येशू ख्रीष्टके बारेमे परचार करे अनुसार तुमके बिश्वासमे मजबुत करन सिकैगो, बो रहस्यको प्रकाश बमोजिम, जो युग-युगसे गुप्तमे रहए।

परमेस्वर को सच्चो वचन

²⁵ अब जो तुमकै मेरे सुसमाचार मतलब ईसु मसीह के बारे मैं उपदेस के अनुसार निठाठौर कर सकथै, बौ भेद के उजियारे के अनुसार जो अनंत से लुको रहो। इसलै आबौ आपन परमेस्वर कि महिमा करैं!

रोमियों 16:25 Խաչաձեւ Հղումներ

मत्ती 13:17

नेहात्तओ, मए तुमसे कहात हओं, तुम जो देखे हओ बो बात बहुत अगमबक्ता और धर्मीजन देखनके उत्कट इच्छा करत हएं, और जो तुम सुनत हओ बो सुननके ताहीं उत्कट इच्छा करत हएं, पर सुन नाएपाइं।”

मत्ती 13:35

कि जौन अगमबक्तासे अइसे कहो बचन पुरा भओ: “मए अपनो मुँहुँ कहानीमे खोलंगो, मए बे बातके जाहेर करंगो जौन दुनियाको उत्पत्तिसे छिपी हए।”

मत्ती 20:7

बे जमिनदारसे कहीं, “काहेकी, कोइ फिर हमके देहाणीमे नाए लैगाओ।” जमिनदार बिनसे कही, “तुम फिर मिर अंगुरको बारीमे जाओ और हुवाँ काम करओ।”

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

प्रेरित 9:20

और तुरन्त दमस्कस सहरको यहूदी सभाघरमे अइसे परचार करन लागो, “प्रभु येशू परमेश्वरको लौंणा हए।”

रोमियों 11:25

हे बिश्वासी ददाभइया, मए नाए चाँहत हओं, कि तुम गैर-यहूदी अपने बारेमे बहुत घमण्ड करओ। जहेमारे इस्राएल देशके आदमीनके सँग का भओ हए बो रहस्य मए बतामंगो। जा सत्य हए, कि इस्राएल देशके बहुतसे आदमी बिश्वास करनके तयार नाए हएं, पर जब परमेश्वरके पिछा करन बारे गैर-यहूदी आदमीनकी संख्या पुरा हुइजएहए, तओ इस्राएल देशके आदमी बिश्वास करंगे और परमेश्वरके ठिन लौटके आए जामंगे।

रोमियों 14:4

बो आदमी परमेश्वरको दास हए जहेमारे तुमके कोइको दासके न्याय करन नाए चाहो। बो सफल होए या बिफल होए बोको मालिकसे सम्बन्ध करत हए। बो सफल बनाओजाबैगो काहेकी प्रभु बोके सफल बनान सिकैगो।

रोमियों 16:24

मए प्राथना करत हओं, कि हमर प्रभु ख्रीष्टको अनुग्रह तुमर सँग रहातए रहाबए। आमेन।

रोमियों 2:16

जा बहे दिन होबैगो जब परमेश्वर अच्छो समाचार, जोको मए परचार करत हओं, बहेके अनुसार येशू ख्रीष्ट आदमीनको गुप्त बातकी न्याय करैगो।

1 कोरिन्थी 1:23

पर हम जा परचार करत हएं, कि ख्रीष्ट हमके हमर पापसे छुटकारा देनके ताहीं क्रूसमे मरो। यहूदीनके ताहीं जा ठेस लगन बारो बात भओ और गैर-यहूदीनके ताहीं जा मुरख बात ठहिरो।

1 कोरिन्थी 2:7

पर जौन ज्ञानको हम बात करत हएं, बो ज्ञान परमेश्वरको ज्ञान हए जो लुको रहए। अबतक कोइ फिर जाके नाए जानत रहए। पृथ्वी बनानसे पहिलीयए परमेश्वर अपन ज्ञानसे निर्णय लैलै रहए, कि बा हमके अपन महिमामे साझेदार बनाबैगो।

1 कोरिन्थी 4:1

आदमीके, हमके ख्रीष्टको सेवक और परमेश्वरको लुको भओ सत्यके प्रकट करन बारो जिम्मेबारी सौँपो गओहए कहिके मानन पणत हए।

2 कोरिन्थी 4:3

अगर हमर परचार करन बारो अच्छो समाचार लुको हए कहेसे, जा नष्ट होन बरेनके ताहीं फिर लुको हए।

2 कोरिन्थी 4:5

काहेकी हम अपनो परचार नाए करत हएं, पर “येशू ख्रीष्टए प्रभु हए” कहान बारो बात परचार करत हएं, और हम येशूके खातिर तुमर कमैया हएं।

गलातियों 2:2

और मए हुवाँ गओ, काहेकी परमेश्वर मोके जानके कही रहए। और जब मए हुवाँ रहओं, तओ मए अगुवनसे व्यक्तिगत रुपसे मिलो, और गैर-यहूदीनके अच्छो समाचारके बारेमे बताओ, ताकी अइसो नाए होए, कि जो मए करत रहओं या जो मए करतए आएरहो हओं, बोको कुछ परिमाण नाए निकरए।

इफिसियों 1:9

परमेश्वर बहे करी, जो बा गुप्तमे धरी रहए, और हमके बो गुप्त योजनासे प्रकट करबाइ जो बा पहिलीयए ख्रीष्टके द्वारा पुरा करनके निर्णय लइ रहए।

इफिसियों 3:11

परमेश्वर अपनो अनन्त योजनाके अनुसार अइसे करी, और जाके हमर प्रभु येशू ख्रीष्टके माध्यमसे पुरा करी।

इफिसियों 3:9

और मए आदमीके सम्झाए सकत हओं, कि बा बे चिजनके कैसे पुरा करीहए जौननके बा पहिलीएसे करनके फैसला करी रहए। जा बहुत समय पहिले प्रकट नाए भओ रहए। काहेकी परमेश्वर, जो हर चीजको निर्माण करन बारो हए, जाके लुकाएके धरे रहए।

इफिसियों 6:19

और मेरे ताहीं फिर प्राथना करके परमेश्वरसे कहियओ, कि बा मोके मस्कनके ताहीं सही शब्द देबए ताकी मए बिना डरको अच्छो समाचारके बारेमे जो सब आदमीनके ताहीं हए, बोको रहस्य परचार करपामओं।

कलस्सी 2:2

मए अइसो करो, काहेकी मए तुम सबके आत्मिक उत्सहा देन चाँहत हओं। और एक-दुस्रेके प्रती तुमर प्रेम तुमके एकजुटमे बाँधए। ताकी तुमरमे पुरा समझ होबए, जौनके ताहीं तुम परमेश्वरको रहस्य पता पाबओ, जो ख्रीष्ट अपनए हए।

कलस्सी 4:3

और जाके सँगएसँग हमरे ताहीं फिर प्राथना करत रहाओ, कि परमेश्वर हमएं बचन सुनानको मौका देबए, और हम ख्रीष्टको बो रहस्यके बारेमे व्याख्या करपामएं, जौनके कारण मए पावल अभए जेलमे हओं, काहेकी मए जा सन्देशके परचार करो।

1 थेसलोनिकी 3:13

हम प्राथना करत हएं, कि हामरो प्रभु येशू तुमर मनके मजबुत करए, कि जब हमर प्रभु येशू अपने सब पबित्र आदमीनके सँग लौटके आए तओ बे हमर दौवा परमेश्वरके अग्गु पबित्रतामे निर्दोष होमएं।

2 थेसलोनिकी 2:14

परमेश्वर बहे अच्छो समाचारके प्रयोग करी, जौनको हम तुमके बचानके बुलाओट देनके ताहीं तुमर बीचमे परचार करे, ताकी तुम हमरे प्रभु येशू ख्रीष्टको महिमामे सहभागी हुइ पाबओ।

2 थेसलोनिकी 3:3

पर तुम परमेश्वरमे भरोसा कर सकत हओ। परमेश्वर तुमके आत्मिक रुपसे स्थिर करैगो और तुमके शैतानसे बचाबैगो।

2 तिमोथी 1:9

जौन हमर उद्धार करी, और हमके एक पबित्र जीबनके ताहीं बुलाइ, और बा हमके जाकेमारे नाए बुलाइ, कि हम अच्छे काम करेहएं; पर अपनो योजना और अनुग्रहके अनुसार बुलाइ हए, जो संसारको सृष्टिसे पहिलीए येशू ख्रीष्टके पठाएके परमेश्वर हमके बाको अनुग्रह दिखानको योजना बनाएलै रहए।

2 तिमोथी 2:8

लगातार येशू ख्रीष्टके बारेमे सम्झत रहाओ, जो राजा दाऊदको बंशको हए। और परमेश्वर बाके मरो भओ मैसे जिन्दा करी; और जा बहे अच्छो समाचार हए, जो मए आदमीनके बीचमे परचार करत हओं।

तीतुस 1:2

बोको प्रतिफलके रुपमे बे परमेश्वरके सँग हमेसाके ताहीं रहानके आसरा करत हएं। काहेकी परमेश्वर, जो कभी ठगत नाए हए, बा संसारकी सृष्टि करनसे पहिले प्रतिज्ञा करी रहए, कि बाके आदमी कभी फिर नाश नाए होन बारो जीबन पामंगे।

हिब्रू 7:25

जहेमारे येशू द्वारा परमेश्वरके ढिँगै आन बारेनके बा सदिमान उद्धार करन सकत हए। काहेकी बिनके ताहीं मध्‍यस्‍थताको प्राथना चढानके ताहीं बा सदिमान जिन्दा हए।

1 पतरस 1:20

जा संसारके सृष्टि होनसे अग्गु, येशू ख्रीष्ट मुक्तिदाता होबैगो कहिके परमेश्वर समयसे पहिलीए अठोट करी रहए। पर बा जे अन्तिम दिनमे जा संसारमे तुमर फाइदाके ताहीं आओ।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

प्रकाश 10:7

तओ औ देर नाए होबैगी। जैसीए बो सातौँ स्वर्गदूत अपनी तुरही फुँकैगो, बो तुरन्त काम करैगो। परमेश्वर अपनी गुप्त योजनाके पुरा करैगो, जैसेकी बा अपने सेवक अगमबक्तनके जाकी अच्छो समाचार परचार करी रहए।