रोमियों 15:33 - राना थारु नयाँ नियम

³³ मए प्राथना करत हओं कि परमेश्वर, जो शान्ति देतहए, तुम सबएके सँग रहाबए। आमेन।

परमेस्वर को सच्चो वचन

³³ सांति को परमेस्वर सच्ची मैं तुम सबन के संग रहबै। आमीन।

रोमियों 15:33 Խաչաձեւ Հղումներ

मत्ती 1:23

“देखओ, एक कन्या गर्भधारण करैगी, और बो एक बच्चाको जनम देबैगी, और बाको नाउँ इम्मानुएल धरो जाबैगो,” जाको अर्थ हए, “परमेश्वर हमरे सँग हए।”

मत्ती 28:20

और बिनके सब आज्ञा जो मए तुमके दओ हओं, माननके सिखाओ और देखओ, मए संसारको अन्त तक सब दिन तुमर सँगमे हओं।”

रोमियों 16:20

शान्तिको परमेश्वर शैतानके नाश करदेबैगो और बोके तुमर अधिनमे करदेबैगो। हमर प्रभु येशू ख्रीष्टको अनुग्रह तुमर सँग रहातए रहाबए।

रोमियों 16:23

गायस फिर तुमके अपनो नमस्कार पठाइ हए। मए बोको घरमे रहात हओं जहाँ मण्डली इकट्ठा होत हए। इरास्तस, जो सहरके ताहीं रुपैयाके मामलाके देखत हए, और हमर भइया क्‍वार्टस तुमके नमस्कार पठाइ हए।

1 कोरिन्थी 14:33

काहेकी परमेश्वर गडबड करन बारो परमेश्वर नाए हए, पर शान्ति देन बारो परमेश्वर हए; जहे नियम परमेश्वरके आदमीनको हर मण्डलीनमे पालन करोजात हए।

2 कोरिन्थी 13:11

अन्तमे बिश्वासी ददाभइया, अब बिदा पामओं। सिध्दताको लक्ष्य धरओ। एक-दुस्रेके उत्साहित करओ। एक-दुस्रेके सँग सहमत होबओ। शान्तिमे रहबओ, तओ प्रेम और शान्तिको परमेश्वर तुमर सँग होबैगो।

2 कोरिन्थी 13:14

प्रभु येशू ख्रीष्टको अनुग्रह, परमेश्वरको प्रेम और पबित्र आत्माको संगती तुमर सबए सँग रहबए।

इफिसियों 6:23

मए हमर दौवा परमेश्वरसे और प्रभु येशू ख्रीष्टसे प्राथना करत हओं, कि बे तुम बिश्वासी ददाभइयनके शान्ति देमएं। बे अइसे करएं, कि अपनए एकदुस्रेसे प्रेम करएं और ख्रीष्टमे निरन्तर बिश्वास करतए रहाएं।

फिलिप्पी 4:9

मेरे शब्दसे और मेरे कामसे जो कुछ तुम सिखे हओ और पाएहओ, बिनके पालन करओ, तओ शान्ति देन बारो परमेश्वर तुमरसँग रहाबैगो।

1 थेसलोनिकी 5:23

शान्ति देन बारो परमेश्वर तुमके पुरा रुपसे पबित्र बनाए; तुमर पुरो आत्मा, प्राण और शरीर हमर प्रभु येशू ख्रीष्ट दुबारा लौटके नाए आनतक निर्दोष और सुरक्षित बचे रहाओ।

2 थेसलोनिकी 3:16

मए प्राथना करत हओं, कि प्रभु जो शान्तिको स्रोत हए बा हर तरिकासे तुमके लगातार शान्ति देत रहाबए, और प्रभु तुम सबके सँग लगातार रहाबए।

2 तिमोथी 4:22

मए प्राथना करत हओं, कि प्रभु तेरे सँग रहाबए और बाको अनुग्रह फिर तेरे सँग रहाबए।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।