रोमियों 10:17 - राना थारु नयाँ नियम

¹⁷ जहेमारे बिश्वास तब्ही आतहए जब तुम सन्देश सुन्त हओ, और जा सन्देश ख्रीष्टके बारेमे बचन हए।

परमेस्वर को सच्चो वचन

¹⁷ अब बिस्वास सुनन से और सुननो मसीह ईसु के बचन से होथै।

रोमियों 10:17 Խաչաձեւ Հղումներ

मर्कूस 4:24

येशू बिनसे फिरसे कही, “तुम जो सुनत हओ, बोमे ध्यान देओ। काहेकी जित्तो जद्धा ध्यानसे तुम सुनैगे, उत्नुवए जद्धा समझ तुमके दओ जएहए।

लूका 11:28

तओ येशू कही, “बरु बे धन्य हएं, जौन परमेश्वरको बचन सुनत हएं और पालन करत हएं।”

लूका 8:11

जा कहानीको मतलब जा हए: “बीज परमेश्वरको बचन हए।

लूका 8:21

और बा बिनसे कही, “मिर अइया और मिर भइया बेही हएं, जौन परमेश्वरको बचन सुनत हएं, और बोको पालन करत हएं।”

यूहन्ना 1:37

जा सुनके बे दुई चेला येशूके पिच्छु लग्गए।

रोमियों 1:16

काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

रोमियों 10:14

लेकिन प्रभुसे मदत माँगनसे पहिले आदमीनके बामे बिश्वास करनके चाहो; और बिश्वास करनसे पहिले आदमीनके बाके बारेमे सुननके चाहो; और आदमी प्रभुके बारेमे सुननके ताहीं कोइ आदमीके प्रभुके बारेमे बतान चाहो।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

गलातियों 3:2

मए तुमसे एक प्रश्न पुँछन चाँहत हओं; का तुम पबित्र आत्मा, मोशाको नियम कानुनके पालन करके मिलो? नाए! बिरकुल नाए! तुमके पबित्र आत्मा मिलो काहेकी तुम बहे सन्देशमे बिश्वास करे जो तुम ख्रीष्टके बारेमे सुने।

गलातियों 3:5

परमेश्वर अब खुल्ला मनसे तुमके अपनो पबित्र आत्मा देतहए, और तुममे चमत्कारको काम करत हए, का जा जहेमारे हए, कि तुम मोशाको नियम कानुनके पालन करे? या जा जहेमारे हए, कि तुम ख्रीष्टके बारेमे अच्छो समाचारके सुने और बोमे बिश्वास करे?

कलस्सी 3:16

हर समय ख्रीष्टके सन्देशके बारेमे सोँचओ। ताकी जा बे सबके नियन्त्रण करए, जो तुम करत और सोँचत हओ। और सिद्ध ज्ञान सहिँत एकदुस्रेके सिखाओ, और सल्लहा देओ। और अपने-अपने मनमे धन्यबादके सँग परमेश्वरके ताहीं भजन, स्तुति और आत्मिक गीत गाओ।

1 थेसलोनिकी 2:13

जहेमारे हम फिर परमेश्वरके लगातार धन्यबाद देत हएं; कि जब हमसे परमेश्वरको सन्देश सुने हओ, हम तुमर बीचमे परचार करे, तओ तुम आदमीको सन्देश नाए पर परमेश्वरको सन्देश हए समझके स्वीकार करे। और अब परमेश्वरको जा सन्देश तुमरमे काम कर रहो हए, जौन ख्रीष्टमे बिश्वास करत हएं।

हिब्रू 4:2

जैसी हम येशू ख्रीष्टके बारेमे अच्छो समाचारको परचार सुनेहएं, इस्राएल देशके आदमी फिर बिश्रामको ठाउँमे प्रबेश करनके खुसीको परचार सुनि रहएं। पर बे जामे बिश्वास नाए करीं। जहेमारे बो सन्देश बिनेके ताहीं काम नाए लागन बारो भओ।

1 पतरस 1:23

काहेकी तुम परमेश्वरसे नयाँ जीबन पाएहओ। तुम जा जीबनके, नाश होन बारे बातसे नाए पाएहओ पर सदाके ताहीं रहो रहान बारो बातसे पाएहओ। हम जा नयाँ जीबन जिन्दा और अनन्त परमेश्वरको बचनसे पाए हएं।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।