रोमियों 1:25 - राना थारु नयाँ नियम

²⁵ काहेकी बे परमेश्वरके बारेमे सच्चाईमे बिश्वास करनसे इन्कार करीं, और बे बहे चीजके स्वीकार करीं जो झुठ हए। और सब चिजनके बनान बारो परमेश्वरके त्यागके सृष्टि करेभए चिजनको आराधना और सेवा करीं। सृष्टिकर्ता परमेश्वरको सदा प्रसंसा होन पणत हए। आमेन! (जाको मतलब हए अइसीयए होए।)

परमेस्वर को सच्चो वचन

²⁵ काहैकि बे परमेस्वर की सच्चाई कै बदलकै झूठ कर दईं, और जो कुछ परमेस्वर बनाई रहै; बहे की उपासना करीं, ना की बौ बनान बारे की जो हमेसा ताहीं धन्य है! आमीन।

रोमियों 1:25 Խաչաձեւ Հղումներ

मत्ती 10:37

जौन मोसे जद्धा अपन दौवा या अइयाके अपनए कता प्रेम करैगो, बो मिर चेलाको लायक नैयाँ, और जौन मोसे जद्धा अपन लौंणा या लौंणीयाके प्रेम करैगो, बो फिर मिर चेला बननके लायकको नाए हए।

मत्ती 6:24

कोइ आदमी एकए समयमे दुई मालिकको सेवा नाए करपएहए। काहेकी बो एकके हेला करैगो और दुस्रेके अपनए कता प्रेम करैगो। और बो एककेसँग मिलो रएहए और दुस्रेके बो खराब बतएहए। उइसीयए तुम फिर एकए समयमे परमेश्वर और धन दोनएको सेवा नाए करपए हओ।

यूहन्ना 2:8

तओ येशू कमैयनसे कही, “अब बो मैसे पानी निकारके थोणी अख्नाएके बेहाको भोजको मुखिया ठिन लैजाओ।” तभीमारे गाउँके कमैया पानी निकारके मुखिया ठिन लैगए।

रोमियों 1:18

परमेश्वरको गुस्सा, उनके बिरोधमे स्वर्ग मैसे प्रकट भओ हए, जौन सब भक्तिहिन और अधर्मी काम करत हएं, और जौन परमेश्वरको सच्चाईको बिरोध करत हएं।

रोमियों 1:23

और हमेसा जिन्दा रहान बारो परमेश्वरके आराधना करन छोडके बे बिनाशी आदमी, चिरैंचिरगुनी, चार टंगा बारे जानबर, और घिष्टन बारे जन्तुनके मूर्ति बनाएके महिमा करीं।

रोमियों 9:5

अब्राहाम, इसहाक और याकूब उनके पुर्खा हएं, और जहाँ तक उनको मानब स्वभाबको सम्बन्ध हए, ख्रीष्ट अपनए फिर एक इस्राएली रहए। परमेश्वर, जो सबके उपर राज्य करत हए, बाकी हमेसाके ताहीं प्रसंसा होतए रहाबए। आमेन।

2 कोरिन्थी 11:31

परमेश्वर, हमर प्रभु येशूको दौवा, जो सदासर्वदा धन्यको हए, बा जानत हए, कि मए नाए ठगत हओं।

इफिसियों 3:21

बाको महिमा मण्डलीमे और ख्रीष्ट येशूमे सदा दिन बहुत पुस्तातक होतए रहाबए। आमेन।

1 थेसलोनिकी 1:9

काहेकी बे आदमी दुस्रे जनैनके बतात हएं, कि जब हम तुमर ठिन आए तओ तुम कैसे हमर स्वागत करे। और जा फिर बतात हएं, कि कैसे तुम मूर्तिपुजाके छोडके परमेश्वर घेन घुमे, ताकी तुम जिन्दा और सच्चो परमेश्वरके सेवा करओ।

1 तिमोथी 1:11

जा सही शिक्षा हमर अदभुत परमेश्वरको महिमाके बारेमे अच्छो समाचारसे सहमत होत हए, जौन मोके परचार करनके जिम्मा दइ हए।

1 तिमोथी 1:17

अब अनन्तकालको राजा और नाए देखमिलन बारो एकए परमेश्वरके सदासर्वदा आदर और सम्मान होतए रहाबए। आमेन।

2 तिमोथी 3:4

औरेन्के धोखा देन बारे, मनपरी करतए घमण्डसे फुलन बारे, अभिमानी और परमेश्वरको आराधना करन बारे नाए बल्कि मोज-मजाके प्रेम करन बारे होमंगे।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।