रोमियों 1:11 - राना थारु नयाँ नियम

¹¹ काहेकी मए तुमसे मिल्पामओं करके बहुत इच्छा करत हओं, ताकी मए तुमके कोइ आत्मिक बरदान दएपामओं और तुमके बिश्वासमे पक्को बनाए पामओं।

परमेस्वर को सच्चो वचन

¹¹ काहैकि मैं तुमसे मिलन की इच्छा करथौं, ताकी तुम्हैं ऐसो आध्यात्मिक वरदान को उपहार देमौं जोसे तुम मजबूती से बने रहाबौ;

रोमियों 1:11 Խաչաձեւ Հղումներ

प्रेरित 16:5

अइसियए मण्डलीके आदमीनको बिश्वास मजबुत होत गओ। और दिनएदिन प्रभुमे बिश्वास करन बारे आदमी बढतएगए।

प्रेरित 19:21

जा घटना पिच्छु, पावल माकेडोनिया परदेश और अखैया परदेशके बिश्वासीनसे भेँटनके बाद यरूशलेम सहरमे जानके फैसला करी। बो कही, “यरूशलेम सहरमे जएहओं तओ मए रोम सहरमे फिर जानपणैगो।”

प्रेरित 19:6

और जब पावल बिनके उपर अपनो हात धरी तओ पबित्र आत्मा बिनके उपर आओ, और बहे बेरा बे फरक-फरक भाषामे मस्कन लागे और अगमबाणी बोलन लागे।

रोमियों 1:12

मिर कहानको अर्थ जा हए, कि मए तुमके प्रोत्साहित करनमे मदत करपामओं और तुम मोके प्रोत्साहित करनमे मदत करपाबओ। तुम पक्को हुइ जाबैगे काहेकी तुम जनत हओ, कि मए कैसे बिश्वास करत हओं, और मए पक्को हुइ जांगो काहेकी मए जानत हओं, कि तुम कैसे बिश्वास करत हओ।

रोमियों 15:23

पर अब जे क्षेत्रन्मे जौन आदमी ख्रीष्टके बारेमे नाए सुनी हए, उनके फिर मए अच्छो समाचार सुनानको काम पुरा करदओ हओं और बहुत सालसे मोके तुमर ठिन आनकी इच्छा हए।

रोमियों 15:29

और मए जानत हओं, कि जब मए तुमर ठिन आमंगो और ख्रीष्टसे पाओभओ बहुत आशिष तुमर सँग बाँटंगो।

रोमियों 15:32

और परमेश्वरको इच्छासे आनन्दसे तुमर ठिन आएके तुमर सँगको संगतीसे मए फिरसे ताजा हुइपामओं।

रोमियों 16:25

अब उनके, जौन तुमके मिर परचार करन बारो अच्छो समाचार और येशू ख्रीष्टके बारेमे परचार करे अनुसार तुमके बिश्वासमे मजबुत करन सिकैगो, बो रहस्यको प्रकाश बमोजिम, जो युग-युगसे गुप्तमे रहए।

2 कोरिन्थी 1:15

तुम हमके बुझैगे कहिके मोके आसरा रहए, जहेमारे मए तुमके दुई चोटी भेँटनके आएके दोबर आशिष देन चाँहत रहओं।

2 कोरिन्थी 1:21

परमेश्वरए हमके तुमर सँग ख्रीष्टमे मजबुत बनाइ हए और हमके चुनी हए।

2 कोरिन्थी 11:4

कोइ आएके, तुम हमर द्वारा परचार करोभओ येशू बाहेक और दुस्रो येशूके परचार करे कहेसे, वा तुम पाए भए आत्मा बाहेक और दुस्रो आत्मा ग्रहण करे कहेसे, वा तुम उत्सहापूर्वक पाए भए अच्छो समाचार बाहेक और दुस्रो कोइ अच्छो समाचार ग्रहण करे कहेसे, तुम बो शिक्षा ग्रहण करके गल्ती करैगे।

2 कोरिन्थी 9:14

बे तुमर ताहीं परमेश्वरसे प्राथना करंगे। बे तुमके प्रेम करत हएं काहेकी बे जानत हएं, कि परमेश्वर तुमर उपर अनुग्रह करीहए।

फिलिप्पी 1:8

जामे परमेश्वर मिर साक्षी हए, कि मए येशू ख्रीष्टके गहिरो प्रेम करके तुम सबके देखनको प्यासो हओं।

फिलिप्पी 2:26

तुम सबसे भेँटन इपाफ्रोडिटसको मनमे बडो इच्छा हए। और तुम, इपाफ्रोडिटस बिमार भओ सुने कहिके बो बहुत चिन्ता कर रहोहए।

फिलिप्पी 4:1

जहेमारे हे मेरे बिश्वासी ददाभइयओ, मए तुमसे बहुत प्रेम करत हओं, और मए तुमसे भेँटनको आसरा करत हओं, जौन मिर आनन्द और मुकुट हओ। हे मेरे प्यारे भइयओ, प्रभुमे अपनो बिश्वासमे मजबुत रहाओ।

1 थेसलोनिकी 3:13

हम प्राथना करत हएं, कि हामरो प्रभु येशू तुमर मनके मजबुत करए, कि जब हमर प्रभु येशू अपने सब पबित्र आदमीनके सँग लौटके आए तओ बे हमर दौवा परमेश्वरके अग्गु पबित्रतामे निर्दोष होमएं।

1 थेसलोनिकी 3:2

और तिमोथी जो ख्रीष्टको अच्छो समाचारमे हमर भइया, और परमेश्वरको सेवक हए, बोके तुमर ठिन पठाए, कि बो तुमके बिश्वासमे मजबुत करए; और तुमर बिश्वासके बारेमे तुमके प्रोत्साहित करनमे मदत करए।

2 थेसलोनिकी 2:17

मए प्राथना करत हओं, के बे तुमर मनके उत्सहासे भरएं, और जो अच्छो हए, बोके हमेसा करतए रहानके ताहीं तुमके मजबुत करएं।

2 थेसलोनिकी 3:3

पर तुम परमेश्वरमे भरोसा कर सकत हओ। परमेश्वर तुमके आत्मिक रुपसे स्थिर करैगो और तुमके शैतानसे बचाबैगो।

हिब्रू 13:9

हमके जे सब नयाँ और फरक शिक्षाके पिच्छु नाए लागनके हए, जौन गलत डगरमे लैजात हए। खान बारी बातके बारेमे नियमके मानके नाए, पर परमेश्वरको अनुग्रहसे तुमर हृदय मजबुत होबए। जे नियमके पालन करन बारेनको भलो नाए भओ हए।

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

1 पतरस 5:12

सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।

2 पतरस 1:12

मए तुमके जे बातके बारेमे घरी-घरी सम्झातए रहानके कोसिस करत हओं, होन त तुमके बे बातके बारेमे पहिलीए पता हए और तुम पक्का हओ, कि बे बात सच्चे हएं।