प्रकाश 3:19 - राना थारु नयाँ नियम

¹⁹ जौनके मए प्रेम करत हओं, उनके मए सिखात हओं, और दण्ड देत हओं। ताकी बे अच्छे बनपामएं। जहेमारे सही काम करनके ताहीं उत्साहित हो, और पाप करन छोडके परमेश्वर घेन घुम।

परमेस्वर को सच्चो वचन

¹⁹ मैं जिनसे प्यार करथौं उन सबन कै झुकाथौं और सजा देथौं। इसलै गंभीरता से रहबौ, और अपने पापन से मन फिराबौ।

प्रकाश 3:19 Խաչաձեւ Հղումներ

मत्ती 25:7

तओ बे सब कन्या जग्गइं, और अपन-अपन दिया ठिकठाक करीं।

यूहन्ना 2:17

तओ येशूके चेलनके पबित्र-शास्त्रमे लिखो जा बचन याद आइगओ, “तुमर यरूशलेम मन्दिरको भक्ति, मिर भितर आगी जैसो पजरत हए।”

रोमियों 12:11

कडी मेहेनत करओ और अल्छी मतबनओ, पुरे दिलसे परमेश्वरको सेवा करओ।

1 कोरिन्थी 11:32

पर अगर प्रभु हमके अइसियए दण्डित कर रहो हए कहेसे बा हमके सुधार रहो हए, ताकी न्यायके दिनके द्वारा हमके संसारके आदमीनके सँग दोषी नाए ठहिराबए।

2 कोरिन्थी 6:9

कोइ आदमी हमके नामी मानत हएं, पर कोइ आदमी हमके अन्जान मानत हएं। मरे कता होएसे फिर हम जिइए हएं, सजाय पाएसे फिर मारे नाए गए हएं।

2 कोरिन्थी 7:11

देखओ, जा परमेश्वरको इच्छा अनुसारको जा दुख, तुमरमे कैसो-कैसो बदलाओ आओ हए: अइसो उत्सहासे भरो तत्परता, अपनएके निर्दोष बनान बारो इतनो बडो इच्छा, अन्यायके ताहीं क्रोध, समस्याके प्रती अइसो साबधानी, मोके भेँटनके ताहीं इतना बडो इच्छा, सेवाके ताहीं उत्सहा, और गलत काम करन बारेनके अइसो तिब्रता द्वारा तुम जा साबित करेहओ, कि सब बात असल रितिसे करनमे तुम कुछु फिर कमी नाए करेहओ।

गलातियों 4:18

हमेसा अच्छे उदेश्यके ताहीं जोशिलो होन अच्छो होत हए। और केबल बहे समय इकल्लो नाए, कि जब मए तुमरसँग उपस्थित होत हओं।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

याकूब 1:12

बे आदमी धन्यके हएं, जो परीक्षामे स्थिर रहात हएं, काहेकी बे इमान्दार साबित होत हएं, और बे कभी फिर अन्त नाए होन बारो जीबनको मुकुट पामंगे, जौनको प्रतिज्ञा परमेश्वर बे सबके दइहए, जो परमेश्वरसे प्रेम करत हएं।

प्रकाश 2:5

जहेमारे याद कर, कि तए सुरुवातमे मोसे कैसे प्रेम करत रहए, और अब तए मोसे उइसे प्रेम नाए करत हए। जहे बातमे पाप करन छोडके परमेश्वर घेन घुम, और मोसे अइसीयए प्रेम करन सुरु कर, जैसे तए सुरुवातमे मोके प्रेम करत रहए। अगर तए नाए बदलैगो, तओ मए तिर ठिन आमंगो और जहाँ तिर दिया धरो हए, बोके हुवाँसे हटाएके तोके दण्ड देमंगो।