फिलिप्पी 3:8 - राना थारु नयाँ नियम

⁸ पर प्रभु येशू ख्रीष्टके चिन्होके कारणसे, जो सब चीजसे आवश्यक हए, मए सब चीजके बेकारको मानो। जोके कारण मए सब चीज छोडदओ और बे सब चीजके फोहर बात सम्झो। ताकी मए ख्रीष्टके जान पामओं।

परमेस्वर को सच्चो वचन

⁸ खाली बे चीजन कै नाय; मोकै सब कछु के ताहीं पूरो नुकसान के रूप मैं लगथै, कि का इतनो अगरो कीमती है, ईसु मसीह मेरे प्रभु को ग्यान, बाके खातिर मैं सब कछु फेंक दौ हौं; मैं जाकै खाली कचड़ा मानथौं, ताकी मैं मसीह कै पाए सकौं।

फिलिप्पी 3:8 Խաչաձեւ Հղումներ

लूका 1:43

मए तोके हियाँ भेँटके अपनएके सम्मानित महसुस करत हओं, मिर प्रभुकी अइया मोसे भेँटनके ताहीं आइ हए!

लूका 11:20

पर परमेश्वरको उँगरीसे मए भुत निकारत हओं कहेसे, परमेश्वरको राज्य तुमर ठिन आइगओ हए।

यूहन्ना 14:20

जब मए मारके जिन्दा हुइके लौटके आमंगो तओ तुम जान लेबैगे, कि मए मिर दौवामे हओं और तुम मोएमे और मए तुमरमे हओं।

यूहन्ना 14:7

तुम मोके सच्चो रुपसे चिन्ते कहेसे मिर दौवाके चिनजैते। अबसे तुम मिर दौवाके चिन्हैगे काहेकी तुम परमेश्वरके देखडारे हओ।”

यूहन्ना 16:3

और अइसे बे जाकेमारे करंगे, कि बे नए दौवाके जानी हएं नए मोके जानत हएं।

यूहन्ना 17:3

कभी फिर नाश नाए होन बारो जीबन जहेहए, कि आदमी एकए इकल्लो सत्य परमेश्वरके चिन्हएं, और येशू ख्रीष्टके, जौनके तुम पठाए हओ।

यूहन्ना 17:8

जहेमारे जो सन्देश तुम मोके पुगाए हओ, मए उनके ठिन पुगाएदओ हओं। और आदमी तुमर सन्देशमे बिश्वास करीं और जानीगए हएं, कि मए तुमर घेनसे आओ हओं, और जा बिश्वास करी हएं, कि तुमही मोके पठाए हओ।

यूहन्ना 20:13

परमेश्वरके दूत मरियमसे कहीं, “हे अइया, तए काहे रोत हए?” बो बिनसे कही, “बे मिर प्रभुको शरीरके लैगए, और मए नाए जानत हओं, कि बाके कहाँ धरीहएं।”

यूहन्ना 20:28

जा सुनके थोमा येशूके जबाफ दइके कही, “हे मिर प्रभु, हे मिर परमेश्वर!” और अइसे कहात येशूके पाउँमे पणो।

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

रोमियों 8:18

मए निश्चित हओं, कि जो महिमा परमेश्वरसे हमके पिच्छु मिलैगो, बो महिमा दुख और कष्टसे बहुत बडी हए जो हम अभए सहिरहेहएं।

रोमियों 8:39

नए बादरमे भए शक्ति, नए पृथ्वीके तरे भए शक्ति, नए सृष्टिको कोइ फिर शक्ति हमके परमेश्वरको प्रेमसे अलग कर्पएहए, जो हमर प्रभु येशू ख्रीष्टमे प्रकट करोगओ हए।

1 कोरिन्थी 2:2

काहेकी मए जा मानलओ रहओं, कि मए सिर्फ येशू ख्रीष्ट और क्रूसमे बाको मृत्युके बारेमे मस्कत हओं।

1 कोरिन्थी 9:10

जा खास करके हमरे ताहीं कहात हए। हाँ, हम्रुए ताहीं लिखोगओ, काहेकी खेत जोतन बारे कोइ आसरा करके खेत जोतत हएं और खेतमे पैरासे दाना अलग करबान बारो फसलको कुछ भाग पानके आसरा त जरुर धरैगो।

2 कोरिन्थी 4:4

और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।

2 कोरिन्थी 4:6

जहेमारे कि परमेश्वर कही, “अँध्यारोसे ज्योति चमकए।” और बहे परमेश्वर हमर हृदयमे ज्योति जैसो हमके समझ दइ, ताकी हम परमेश्वरको महिमाके देख पामएं जो येशू ख्रीष्टमे प्रकट होत हए।

गलातियों 1:16

मोएमे अपनो लौंणाके प्रकट करी, कि मए गैर-यहूदीनमे बाको अच्छो समाचार परचार करओं; और मए कोइके ठिन सल्लाह लेनके ताहीं नाए गओ।

इफिसियों 4:13

हम सबके ताहीं लक्ष्य जा हए, कि हम अपन बिश्वासके द्वारा और परमेश्वरको लौंणाके जानन्के द्वारा एकजुट होमएं, और पक्को बिश्वासी बनएं और जब तक हम ख्रीष्ट कता पुरा रुपसे सिद्ध नाएबन्जामएं, तबतक पुरा रुपसे ख्रीष्ट कता बनएं।

फिलिप्पी 1:1

मए पावल, तिमोथीके सँगमे, ख्रीष्ट येशूके दासके रुपमे जा चिट्ठी फिलिप्पी सहरके मण्डलीके रेखदेख करन बारे अगुवा और मण्डलीके सेवक सहित सब परमेश्वरके आदमीनके ताहीं लिखनडटो हओं, जो ख्रीष्ट येशूसे सम्बन्धित हएं।

फिलिप्पी 3:10

मए जा चाँहत हओं, कि ख्रीष्टके जानलेमओं। बाको मरके जिन्दा बनान बारो शक्तिके जान पामओं, और बाको मृत्युमे बाके हानी हुइके बाको दु:खमे सामिल हुइपामओं।

फिलिप्पी 3:12

मए जा ठोकुवा नाए करत हओं, कि मए जे सब चीजके पहिलीयए पाएडारो हओं, मए कोसिस करके अग्गु बढतए जाएरहो हओं, कि मोके बो चीज मिलजाए, जौनके ताहीं येशू ख्रीष्ट मोके पहिलीयए चुनडारी हए।

फिलिप्पी 3:7

पर जो-जो बात मेरे फाइदाके ताहीं रहएं, बे बातके ख्रीष्टको करो भओ कामके कारण मए बेकारको मानो।

2 तिमोथी 4:6

मए तोके जे सब आज्ञा देत हओं, काहेकी मिर जीबन और मिर जीबनको बलिदान मैसे भओ परमेश्वरको काम दुनौ निभटन लागे हएं। और मए जानत हओं, कि जल्दीयए मए मरजामंगो।

हिब्रू 3:14

अगर हमर सुरुमे रहो भओ बिश्वासमे हम जीबनको अन्त तक मजबुत रएहएं तओ हम ख्रीष्ट सँग साझा हकदार हुइहएं।

1 पतरस 2:7

तुम येशू ख्रीष्टमे बिश्वास करन बारेनके ताहीं जा पत्थर बहुत मुल्यवान हए, पर बामे बिश्वास नाए करन बारे आदमीनके बारेमे पबित्र-शास्त्र कहात हए कि, “जौन पत्थरके घर निर्माण करन बारे प्रयोग करनके इन्कार करीं बहे पत्थर घर बनात पेती बहुमुल्य पत्थर बनो हए।”

2 पतरस 1:2

मए प्राथना करत हओं, कि परमेश्वर और येशू हमर प्रभुको ज्ञानमे तुम बढतए जात पेती परमेश्वर तुमके बहुतसे बहुत अनुग्रह और शान्ति देबए।

2 पतरस 1:3

परमेश्वर अपनो ईश्वरीय शक्ति द्वारा बाके खुसी बनान बारो जीबन जिनके ताहीं हमके चाहो भओ सब चीज दइ हए। जा सम्भब हए, काहेकी हम परमेश्वरके चीन्हत हएं और बहे हए जो हमके अपनो महिमा और नैतिक भलाइ द्वारा हमके अपनो आदमी होनके बुलाइ हए।

2 पतरस 1:8

अगर जे सब बात तुममे हएं औ बढरहे हएं कहेसे, जे बातसे हमर प्रभु येशू ख्रीष्टको ज्ञानमे तुमके काम लागन बारो और फलदायी होनके मदत करैगो।

2 पतरस 3:18

पर तुम लगातार हमर प्रभु और मुक्तिदाता येशू ख्रीष्टको अनुग्रहके बहुतसे बहुत अनुभव करे रहान पणत हए, और बाके बारेमे तुमर सम्झना बढन जरुरी हए। बाके अभए और सदासर्वदा प्रसंसा होए। आमेन।

1 यूहन्ना 1:3

येशूके बारेमे जो कुछ हम देखे और परचारके सुनेहएं, बहे समाचार तुमके फिर देत हएं। जहेमारे कि तुम फिर हमर सँग संगती करओ, और जा संगती दौवाके सँग और बाको लौंणा येशू ख्रीष्टके सँग हए।

1 यूहन्ना 2:19

बे ख्रीष्ट बिरोधी हमर सँग छोडके चलेगए, पर बे अपने नाए रहएं। अगर बे हमरे अपने हुइते, तओ बे हमरी सँग हुइते। बे चलेगए, जोसे जा दिखात हए, कि बिनमे कोइ फिर हमर अपनो नाए रहए।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।