फिलिप्पी 2:7 - राना थारु नयाँ नियम

⁷ और बा सब कुछ छोड दइ, और कमैयाको रुप लइ, और बा एक आदमी बनिगओ।

परमेस्वर को सच्चो वचन

⁷ जाके बजाय, बौ अपनी मरजी से अपनो सब कछु छोड़ दई, और एक दास को स्वरूप ले लई। बौ एक इंसान की तरह बन गौ और इंसान की बराबरी मैं दिखाई दई।

फिलिप्पी 2:7 Խաչաձեւ Հղումներ

मत्ती 12:18

“मिर सेवक जौनके मए चुनो हओं, मिर प्रिय जौनसे मए प्रसन्न हओं, मए अप्नो आत्मा बोमे डारंगो, और बा जाति-जातिके आदमीके न्यायको परचार करैगो।

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

मर्कूस 9:12

येशू जबाफ दइ “जा ठिक हए, कि परमेश्वर एलियाके पठानके बाचा करी रहए ताकी बो सब कुछ सही करनके ताहीं पहिले आएजाए। पर एलिया पहिलीसे आइगओ हए, और हमर अगुवा बोके सँग जैसे मन भओ उइसी बहुत खराब ब्यबहार करीं। जैसेकी अगमबक्ता बहुत पहिलीयए कही रहएं, कि बे करंगे। पर मए, आदमीको लौंणाके बारेमे पबित्र-शास्त्रमे बहुत कुछ लिखो हए। बचन कहात हए, कि मए बहुत दुख सहामंगो और आदमी मोके स्वीकार नाए करंगे।”

लूका 22:27

काहेकी बडो कौन हए? खानु खानके बैठन बारो कि ठाणके सेवा करन बारो? का खानु खानके बैठन बारो बडो नाए हए? पर मए तुमर बीचमे एक सेवा करन बारो कता हओं।

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

रोमियों 1:3

जा अच्छो समाचार परमेश्वरको लौंणा, हमर प्रभु येशू ख्रीष्टके बारेमे हए, बाको जनम राजा दाऊदको बंशमे आदमीके रुपमे भओ रहए।

रोमियों 15:3

काहेकी ख्रीष्ट फिर अपनएके खुसी नाए करी, जैसे पबित्र-शास्त्रमे लिखो हए, “तेरो अपमान करन बारो मोके अपमान करीहए।”

रोमियों 15:8

मए कहात हओं, कि जो प्रतिज्ञा पुर्खनके दओगओ रहए बे प्रतिज्ञाके सच करनके ताहीं ख्रीष्ट जा दिखानके ताहीं खतना करेभए आदमीनको सेवक बानो, जा दिखानके ताहीं कि परमेश्वर बिश्वासयोग्य हए।

रोमियों 8:3

काहेकी जो काम मोशाको नियम कानुन हमर पापमय शरीरके कारण दुर्बल हुइके नाए करपाइ, बोके परमेश्वर करी, अर्थात् बा अपनो लौंणाके मनैकी शरीरमे पठाइ, और बा हमर पापके ताहीं बलिदान होनके ताहीं ख्रीष्टके शरीरमे पापको दण्ड दइ।

2 कोरिन्थी 13:4

काहेकी कमजोरीमे ख्रीष्ट क्रूसमे टंगोगओ, पर परमेश्वरको शक्तिमे बा जिन्दा हए। अइसियए ख्रीष्ट कमजोरीमे भओ कता हम फिर कमजोर हएं, पर तुमर सँगको हमर ब्यबहार करनके परमेश्वरको शक्ति द्वारा हम ख्रीष्टएके सँग जिइमंगे।

2 कोरिन्थी 8:9

तुम हमर प्रभु येशू ख्रीष्टको अनुग्रह जानत हओ, कि बा धनी हुइके फिर तुमर ताहीं कंगाल बनिगओ ताकी बाके कंगाल हुइजानसे तुम धनी हुइजाबओ।

गलातियों 4:4

पर जब बो समय आओ जोको योजना परमेश्वर बनाइ रहए, तओ परमेश्वर अपनए अपनो लौंणाके जा संसारमे पठाइ, और एक बैयर बाके जनम दइ, और बा एक यहूदी समुहके रुपमे जन्मो रहए और मोशाको नियम कानुनके पालन करत रहए।

फिलिप्पी 2:6

बा परमेश्वर हुइके फिर बा परमेश्वरके बराबर होन बारो बातके अपने पकणी रहान बारो चीज जैसो नाए सम्झी।

हिब्रू 12:2

हमर बिश्वास सुरु करन बारो और पुरा करन बारो येशूके देखत रहाएं। बा भबिष्यमे पान बारो आनन्दके ताहीं कुछु जैसो नाए मानके क्रूसको कष्ट भोगी और मरीगओ, और हबए परमेश्वरको सिहासनमे दहिना हात घेन उँचो सम्मानको ठाउँमे बैठो हए।

हिब्रू 13:3

अपना फिर बिनके सँग जेलमे पणो समझके जेलमे होन बारेनको ख्याल करओ और अपना दुखमे पणोकता अत्याचारमे पणे आदमीनके सम्झओ। जैसेकी तुम उनके सँग दुखमे हओ।

हिब्रू 4:15

प्रधान यहूदी पुजारी, जो येशू ख्रीष्ट हए, बा हमर सब कमजोरीके बुझत हए, हमैंकता शैतान बाके सब बातमे परीक्षा करी, तहुँफिर बा कोइ पाप नाए करी।