फिलिप्पी 2:16 - राना थारु नयाँ नियम

¹⁶ और तुम जीबनको अच्छो समाचारके मजबुतसे पकणे रहाबओ। अइसो करे कहेसे जब ख्रीष्ट फिरसे आबैगो, तओ मिर दौड और मेहेनत बेकामको नाए गओ हए कहिके मए घमण्ड कर पामंगो।

परमेस्वर को सच्चो वचन

¹⁶ जैसो कि तुम उनकै जिंदगी कै संदेस देथौ। अगर तुम ऐसो करथौ, तौ मेरे पास मसीह के दिन मैं गरब करन की बजह होगी, काहैकि जौ दिखागो कि मेरी पूरी कोसिस और काम बेकार नाय भौ है।

फिलिप्पी 2:16 Խաչաձեւ Հղումներ

मत्ती 10:27

जो कुछ फिर मए अँध्यारोमे कहात हओं, बहे बातके तुम उजियारेमे नाए डराएके बताए देओ, चुप्पए कोनेसे कही बात घरके छानीसे परचार करओ।

लूका 12:8

“जहेमारे, मए तुमसे कहात हओं, जौन मोके आदमीनके अग्गु, ‘मए प्रभुको चेला हओं’ करके स्वीकार करैगो, बोके मए, आदमीको लौंणा फिर परमेश्वरको स्वर्गदूतके अग्गु मिर चेला हएं करके स्वीकार करंगो।

यूहन्ना 6:63

जीबन देन बारो परमेश्वरको आत्मा हए, शरीरए कुछु फाइदा नाए होत हए। जौन बचन मए तुमरे सँग मस्कनडटो हओं बो आत्मा और जीबन हए।

यूहन्ना 6:68

सिमोन पत्रुस जबाफ दइके कही, “हे प्रभु, हम काके ठिन जाएं? तुमरसँग कभी फिर नाश नाए होन बारो जीबनको बचन हए।

प्रेरित 13:26

हे बिश्वासी ददाभइया, चहुँ हम अब्राहामके सन्तान होएं चहुँ हम परमेश्वरसे डरान बारे गैर-यहूदी होएं, परमेश्वर तुमर ठिन येशूके बारेमे जा सन्देश पठाइ हए जो आदमीनके बचात हए।

1 कोरिन्थी 1:8

हमर प्रभु येशू ख्रीष्ट पृथ्वीमे लौटके आन बारो दिनमे, तुम निर्दोष होबओ कहिके परमेश्वर तुमके अन्तक बिश्वासमे मजबुत बनाबैगो।

1 कोरिन्थी 9:26

जहेमारे मए ख्रीष्टियन जीबन एक खास उदेश्यके साथ जीइत हओं। जैसे एक मुक्का मारन बारो, दुस्रेके शरीरमे व्यर्थमे नाए मारत हए पर अपने बिरोधीके शरीरमे मारत हए। उइसीयए मए अपनो ख्रीष्टियन जीबन एक खास उदेश्यके साथ जीइत हओं।

2 कोरिन्थी 1:14

उइसीयए हमर प्रभु येशू लौटके आबैगो तओ तुम हमके पुरा रुपमे बुझैगे, और हम तुमर बारेमे घमण्ड करे हानी तुम फिर हमर बारेमे घमण्ड करपाबैगे।

गलातियों 2:2

और मए हुवाँ गओ, काहेकी परमेश्वर मोके जानके कही रहए। और जब मए हुवाँ रहओं, तओ मए अगुवनसे व्यक्तिगत रुपसे मिलो, और गैर-यहूदीनके अच्छो समाचारके बारेमे बताओ, ताकी अइसो नाए होए, कि जो मए करत रहओं या जो मए करतए आएरहो हओं, बोको कुछ परिमाण नाए निकरए।

गलातियों 4:11

मोके चिन्ता हए, कि तुम जो काम करत हओ, बोसे मए तुमर बीचमे करो सेवाकाइ व्यर्थ हुइहए।

फिलिप्पी 1:10

ताकी तुम सबसे ठिक चीजके छानपाबओ, और उनके स्वीकार करके ख्रीष्टके लौटके आनतक शुद्ध और निर्दोष होतए रहाबओ।

फिलिप्पी 1:6

मोके जा बातको भरोसा हए, कि परमेश्वर तुममे कुछ अच्छो काम करन सुरु करीहए, और परमेश्वर बो दिनमे पुरा करैगो, जब येशू ख्रीष्ट लौटके आबैगो।

1 थेसलोनिकी 2:19

हमर आसरा या आनन्द या बढाईको मुकुट कौन आदमी हए? जा सब तुमही हओ, जब तक हमर प्रभु येशू ख्रीष्ट फिरसे लौटके नाए आएजाए।

1 थेसलोनिकी 3:5

तभीमारे जब मए जा जाने बिना रहो, कि तुम कैसे हओ, तओ परीक्षा करन बारो शैतान तुमर परीक्षा त नाए करी होए, और अइसो हुइहए कहेसे हमर मेहेनत बेकार हुइ जाबैगो कहिके मिर मनमे डर रहए। और अइसे नाए होए कहिके मए तिमोथीके तुमर बिश्वासको हाल जाननके ताहीं तुमर ठिन पठाओ हओं।

हिब्रू 4:12

परमेश्वरको बचन त काम करतए रहान बारो और जिन्दा हए। जा दुनौ घेन धार भओ तरवारसे फिर पैनो हए। जा भितर जाएके प्राण और आत्माके अलग करदेत हए और गाँठीगुँठी और हड्डीके फिर काटदेत हए। परमेश्वरको बचन आदमीनको मनको बिचार और चाहनाके किराएके जाँचत हए।

1 पतरस 1:23

काहेकी तुम परमेश्वरसे नयाँ जीबन पाएहओ। तुम जा जीबनके, नाश होन बारे बातसे नाए पाएहओ पर सदाके ताहीं रहो रहान बारो बातसे पाएहओ। हम जा नयाँ जीबन जिन्दा और अनन्त परमेश्वरको बचनसे पाए हएं।

1 यूहन्ना 1:1

हम बा आदमीके बारेमे लिखरहे हएं। जो जीबनको बचन हए, जा पुरो संसारको सृष्टि होनसे पहिले बचन रहए, जौनके हम सुने, और जौनके अपनी आँखीसे देखे, और जौनके हम ध्यानसे देखे और हातसे छुए।

प्रकाश 22:17

पबित्र आत्मा और थुमाको दुलहीन येशूसे कही, “तुमके जरुर करके आन पणैगो।” हर एकजनै, जो जा बात सुन्तहएं बोके फिर कहान पणैगो, “आबओ।” जो फिर प्यासो हए, बो आबए और बहे पानी पिबए जो सेँतएमे जीबन देतहए।