फिलेमोन 1:1 - राना थारु नयाँ नियम

¹ मए पावल, जा चिट्ठी लिखरहो हओं, मए जेलमे हओं, काहेकी मए येशू ख्रीष्टके बारेमे परचार करत हओं। हे फिलेमोन, हमर बिश्वासी भइया तिमोथी और मिर घेनसे तोके नमस्कार हए। तए हमर प्रिय सँगी हए, और तए ख्रीष्टके ताहीं उइसियए काम करत हए जैसे हम करत हएं।

परमेस्वर को सच्चो वचन

¹ पौलुस के घाँईं से जो ईसु मसीह को कैदी रहै, और भईय्या तीमुथियुस के घाँईं से हमरे प्रिय सहकर्मी फिलेमोन,

फिलेमोन 1:1 Խաչաձեւ Հղումներ

प्रेरित 16:1

पावल और सिलास डर्बी सहर हुइके लुस्त्रा सहरमे आएपुगो। लुस्त्रा सहरमे तिमोथी नाउँ भओ प्रभुमे बिश्वास करन बारो एक चेला बैठत रहए। बोकी अइया फिर प्रभुमे बिश्वास करन बारी यहूदी रहए पर बोको दौवा ग्रीक देशमे बैठन बारो रहए।

1 कोरिन्थी 3:9

काहेकी हम परमेश्वरको सेवामे मदत करन बारे आदमी हएं; और तुम कोरिन्थीके बिश्वासी एक खेत कता हओ, जो परमेश्वरको हए। और मए तुमर तुलना एक घरसे कर सकत हओं, जोके परमेश्वर बनाए रहो हए।

2 कोरिन्थी 1:1

मए, पावल हमर बिश्वासी भइया तिमोथीसँग जा चिट्ठी लिखनडटो हओं। मए परमेश्वरकी इच्छासे ख्रीष्ट येशूको चुनो भओ चेला हओं। मए जा चिट्ठी कोरिन्थ सहरमे भए परमेश्वरको मण्डलीनके, और लगायत सारा अखैया परदेशमे भए सब पबित्र जनके लिखनडटो हओं।

गलातियों 3:26

“जब तुम ख्रीष्टके नाउँसे बप्तिस्मा लए हओ, और तुम सब ख्रीष्ट येशूमे बिश्वास करनके द्वारा तुम ख्रीष्टको नयाँ जीबनके पैंधलए हओ, जैसे एक आदमी नयाँ लत्ता पैंधलेत हए। जहेमारे तुम ख्रीष्ट येशूमे बिश्वास करे, तओ तुम सब परमेश्वरके सन्तान बनेहओ।

इफिसियों 3:1

जहे कारणसे, मए पावल, तुमर ताहीं प्राथना करत हओं। मए जेलमे हओं काहेकी मए ख्रीष्ट येशूके ताहीं काम करत हओं, जोकी गैर-यहूदीनके ताहीं अच्छो समाचारके परचार करनके हए।

इफिसियों 4:1

जहेमारे मए जो जेलमे हओं, काहेकी मए प्रभु येशूको सेवा करत हओं। और तुमसे बिन्ती करत हओं, कि बो बोलावटके सँग जोमे परमेश्वर तुमके अपनो सन्तान होनके ताहीं बुलाइ हए, बहे लायकको अनुसार अपन जीबन जीइबओ।

इफिसियों 6:20

जाके ताहीं मए साँकरसे बँधो एक राजदूत कता सेवा कररहो हओं। प्राथना करओ, कि जैसे मोके मस्कन चाहो, उइसीयए बिना डरसे अच्छो समाचारके परचार करपामओं।

फिलिप्पी 1:1

मए पावल, तिमोथीके सँगमे, ख्रीष्ट येशूके दासके रुपमे जा चिट्ठी फिलिप्पी सहरके मण्डलीके रेखदेख करन बारे अगुवा और मण्डलीके सेवक सहित सब परमेश्वरके आदमीनके ताहीं लिखनडटो हओं, जो ख्रीष्ट येशूसे सम्बन्धित हएं।

फिलिप्पी 2:25

मए इपाफ्रोडिटसके तुमर ठिन पठानके जरुरी सम्झो। बो मिर भइया, और मेरे सँग परमेश्वरको काम करन बारो सेवक और अच्छो समाचारके रक्षा करनके ताहीं मेरे सँग एक योद्धा, तुमर खबर पुगान बारो आदमी, और खास बातमे मिर सेवा टहल करन बारो आदमी हए।

फिलिप्पी 4:3

मेरे सँग सच्चो सेवामे मदत करन बारो, मए तोसे फिर बिन्ती करत हओं, कि तए बे बैयरनके मेलमिलाप करनमे मदत कर, काहेकी बे मेरे सँग अच्छो समाचार फैलानमे, क्लेमेस और बाँकी मेरे सँग सेवामे मदत करन बारे समेत मेहेनत करीं, जौनन्को नाउँ जीबनको किताबमे लिखेहएं।

कलस्सी 1:1

परमेश्वरको इच्छा द्वारा मए पावल और हमर बिश्वासी भइया तिमोथीसँग मिलके जा चिट्ठी लिखरहे हएं, मए येशू ख्रीष्टसे चुनो भओ चेला हओं।

कलस्सी 4:11

और येशू फिर, जोके युस्तस कहात रहएं, तुमके नमस्कार पठाइ हए। खतना करेभए यहूदी बिश्वासी मैसे केबल जे तीन आदमी परमेश्वरको राज्यके ताहीं मेरे सँग काम करन बारे हएं और मोके उत्सहा देत हएं।

1 थेसलोनिकी 3:2

और तिमोथी जो ख्रीष्टको अच्छो समाचारमे हमर भइया, और परमेश्वरको सेवक हए, बोके तुमर ठिन पठाए, कि बो तुमके बिश्वासमे मजबुत करए; और तुमर बिश्वासके बारेमे तुमके प्रोत्साहित करनमे मदत करए।

2 थेसलोनिकी 1:1

मए पावल, सिलास और तिमोथीके घेनसे, जा चिट्ठी थेसलोनिके सहरमे रहान बारे मण्डलीनके ताहीं हम लिखरहे हएं, जो दौवा परमेश्वर और प्रभु येशू ख्रीष्टसे सम्बन्धित हए।

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

फिलेमोन 1:23

इपाफ्रास, जो मिर सँग जेलमे हए, काहेकी बो येशू ख्रीष्टको सेवा करत हए, बो तोके अभिबादन पठाइ हए।

फिलेमोन 1:24

और मर्कूस, अरिस्‍तार्खस, डेमास और लूका जो मेरे सँग प्रभुको काम करत हएं; जे अभिबादन पठाइ हएं।