मर्कूस 14:2 - राना थारु नयाँ नियम

² पर बे कही रहएं, “हमके यहूदीनको निस्तार तेवहारको समयमे बाके नाए पकणन पणो और बाके नाए मारनपणो। काहेकी अगर हम पकणके मारङगे तओ आदमी गुस्सा हुइके हुलदङगा मचाएदेमंगे।”

परमेस्वर को सच्चो वचन

² “फिर बे कहेन लागे त्योहार के दिन नाय,” कहीं ऐसो न होबै, “कि आदमिन मैं हुलगदड़ मच जाबै।”

मर्कूस 14:2 Խաչաձեւ Հղումներ

मत्ती 26:2

“तुमके पता नैयाँ, अबको दुई दिन पिच्छु यहूदीनको निस्तार तेवहार होबैगो, और आदमीको लौंणा क्रूसमे टाँगनके ताहीं पकणो जएहए।”

मत्ती 26:5

तओ बे कहीं, “तेवहारमे नाए, नत आदमीनमे हलचल हुइजएहए।”

मर्कूस 11:18

तओ फिर मुखिया यहूदी पुजारीनके अगुवा और मोशाको नियम कानुन सिखान बारेनके बताओ गओ, कि येशू का करी रहए। तभीमारे बे बाके मारनके ताहीं एक डगर ढुणत रहएं। पर बिनके पता रहए, कि बाके मारनके अग्ठो हए काहेकी, भिडके सब आदमी बाको परचारमे अचम्मो मानत रहएं। और मन्दिरमे उनसे जद्धी अधिकार येशूको हए कहान बारो बातमे भिड निर्णय करैगो कहिके बे डराने रहएं।

मर्कूस 11:32

पर हम “आदमीनसे रहए” कहिके फिर नाए कहीपएहएं। बे डरात रहएं, कि अगर बे अइसे कहीं तओ आदमी बिनके परेसान करदेहएं, काहेकी बहुत आदमीनके जा बात पता रहए, कि बप्तिस्मा देन बारो यूहन्ना एक अगमबक्ता रहए।

मर्कूस 14:1

अब यहूदीनको निस्तार तेवहार और अखमिरी रोटीको तेवहार दुई दिन पिच्छु सुरु होन बारो रहए। मुखिया यहूदी पुजारी और मोशाको नियम कानुन सिखान बारे येशूके कैसे छलएं और कैसे पकणके मारएं करके दाउमे रहएं।

मर्कूस 14:3

बो बेरा येशू बेथानिया गाउँमे सिमोन, जौनक येशू कोढ रोगसे अच्छो करि रहए, बहेक घरमे गओ। जब येशू खानु खात रहए, तओ एक बैयर शुद्ध जटामसीको तेल पत्थरको बोतलमे लैके आइ, जो सिङगमरमरसे बनो रहए। जटामसीको तेल बहुत महिंगो रहए। बो बोतलकी कुप्पी खोली, ताकी बो तेल येशूके आदर देनके ताहीं बाके मुणमे सब जटामसीको तेल डार पाबए।

लूका 20:6

‘आदमीसे कएहएं’ तओ, सब आदमी हमके पत्थर मरेहएं, काहेकी बप्तिस्मा देन बारो यूहन्ना अगमबक्ता हए कहिके बिनको पक्का बिश्वास रहए।”

लूका 22:1

अखमिरी रोटीको तेवहार जौनके यहूदीनको निस्तार तेवहार कहात रहएं, बो ढिँगै आइगओ रहए।

यूहन्ना 12:19

जहेमारे फरिसीनको समुह एक-दुस्रेनसे कहान लागे, “देखओ, हम कछु नाए करपए हएं। बक देखओ, पुरा संसार बाके पिच्छु चलदइ हए।”

यूहन्ना 7:40

येशूकी बात सुनन बारे भिडमे भए बहुत आदमी कहान लागे, “नेहात्तओ जहे बो अगमबक्ता हए जौनको हम आसरा करनडटे रहएं।”