मत्ती 9:29 - राना थारु नयाँ नियम

²⁹ तओ येशू बिनको आँखी छुइके कही, “तुम बिश्वास करत हओ कि मए तुमके अच्छो करडारंगो, जहेमारे तुम अच्छे हुइजाओ।”

परमेस्वर को सच्चो वचन

²⁹ तौ ईसु उनकी आँखी छुइ कै कही, “जैसो तुम बिस्वास करथौ बैसिये तुमरे ताहीं होबै!”

मत्ती 9:29 Խաչաձեւ Հղումներ

मत्ती 15:28

तओ येशू बोसे कही, “ए नारी, तेरो बिश्वास बडो हए। तिर इच्छा अनुसार तोके होबए।” तओ बोकी लौंणीया बहेबेरा अच्छी हुइगै।

मत्ती 20:34

येशू डहा करके बिनकी आँखी छुइदइ और तुरन्त बे देखन बारे हुइगए और बे येशूके पिच्छु लागे।

मत्ती 8:13

तओ येशू कप्तानसे कही, “घरे जाओ, और जैसो तुम बिश्वास करेहओ, उइसी तुमके होबए।” तओ बो नोकर बहेबेरा अच्छो हुइगओ।

मत्ती 9:22

फन्नसे घुमके येशू बो बैयरके देखी, और कही, “ए लौंणीया, बिश्वास कर, तेरो बिश्वास तोके अच्छो करीहए।” बहेबेरा बो बैयर तुरन्त अच्छी हुइगइ।

मत्ती 9:28

जब येशू घर भितर पहुँचो जहाँ बे अन्धरा रहात रहएं, तओ अन्धरा आदमी येशूके ठिन आए। येशू बिनसे कही, “का तुमके बिश्वास हए, कि मए तुमके अच्छो करडारंगो?” बे कहीं, “हाँ प्रभु! हमके बिश्वास हए, कि तुम हमके आँखीकी बिमारीसे अच्छो करडारैगे।”

मर्कूस 10:52

तओ येशू बोसे कही, “मए तोके अच्छो कर रहो हओं काहेकी तए मोए मे बिश्वास करत हए। तभीमारे अब तए घर जाए सकत हए।” तओ बो तुरन्त देखन बारो भओ, और डगरमे येशूके पिच्छु-पिच्छु नेँगन लागो।