मत्ती 9:2 - राना थारु नयाँ नियम

² आदमी खटियामे पणो, एक जनै लकवा मारो भओ रोगीके येशूके ठिन ल्याइं। येशू बिनको बिश्वास देखके लकवा मारो भओसे कही, “ए लौंणा, सहास कर, तिर पाप क्षमा हुइगओ।”

परमेस्वर को सच्चो वचन

² हूँना कुछ आदमी फालिस के मारे भै कै, खटिया मैं लाद कै बाके झोने लाईं। फिर ईसु बाको बिस्वास देखकै, बौ फालिस के मारे भै से कही खुसी मना, “मेरे लौड़ा! तेरे पाप माफ हुई गै।”

मत्ती 9:2 Խաչաձեւ Հղումներ

मत्ती 14:27

तओ येशू झट्ट बिनसे अइसे कही, “धिरज करओ, मए हओं, मत् डराबओ।”

मत्ती 4:24

और येशूको अच्छो कामको चर्चा, गालील परदेशके सिरे सिरिया परदेश तक फैलीगओ। हुवाँ मेलमेलके बिमारी और समस्यासे सताए भएनके आदमी येशूके ठिन ल्याइं। बिन मैसे कोइके भुत लागो, कोइ पक्षघाती रहएं। बे सबए बिमारीनके येशू अच्छो करी।

मत्ती 6:12

हमर पाप क्षमा करियओ, जैसी हम अपन अपराधीन्के पाप क्षमा करेहएं, बे जौन हमर बिरुद्धमे गलत काम करी हएं।

मत्ती 8:10

जा बात सुनके येशू अचम्मो मानी, और कप्तानके पिच्छु आन बारेनसे कही, “नेहात्तओ, मए तुमसे कहात हओं, कि मोके पुरो इस्राएल देशमे एकफिर अइसो आदमी नाए मिलो, जो जा गैर-यहूदी आदमी हानी मिर उपर बिश्वास करत होए।

मत्ती 8:16

जब संझा हुइगओ रहए, तओ आदमी येशूके जौँणे बहुत बिमारीन्के और भुत लगे भएनके लियाइं। और येशू अपने बचनसे भुतनके निकारी, और जितनो बिमार रहएं, सबके अच्छो करी।

मत्ती 9:22

फन्नसे घुमके येशू बो बैयरके देखी, और कही, “ए लौंणीया, बिश्वास कर, तेरो बिश्वास तोके अच्छो करीहए।” बहेबेरा बो बैयर तुरन्त अच्छी हुइगइ।

मत्ती 9:5

का कहान सजिलो हए? ‘तेरो पाप क्षमा हुइगओ’ या ‘उठ और नेग’ कहान?

मत्ती 9:6

पर जाकेमारे कि तुम जानओ कि, मए, आदमीको लौंणाके पृथ्वीमे आदमीनको पाप क्षमा करनके अधिकार हए।” तओ येशू बो लकवा मारो भओ आदमीसे कही, “उठ, अपनी गुन्द्री उठा, और घरे जा।”

मर्कूस 1:32

तओ बहे दिन संझाके, जब पबित्र दिन बितिगओ रहए, आदमी येशूके जौँणे बहुत बेमारिनके और भुत लागे भएनके ल्याइं।

मर्कूस 10:49

जब येशू बक बात सुनी, तओ बा रुकिगओ और आसपासके आदमीनसे बोके लानके ताहीं कही। और बे बा अन्धरा आदमीके अइसे कहीके बुलाइं, “खुसी हो, उठ, येशू तोके बुलातहए।”

मर्कूस 5:34

तओ येशू बोसे कही “ए लौंणीया, तए अच्छो भओ हए काहेकी तए बिश्वास करोहए, कि मए तोके अच्छो करडारंगो, अब शान्तिसे जा। तिर रोग अच्छो हुइगओ हए।”

मर्कूस 6:50

काहेकी बाके देखके सब डराइगए रहएं। तओ झट्ट येशू उनसे कही, “धिरज करओ, मए येशू हओं, मतडरओ।”

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

यूहन्ना 2:25

और येशूके कोइकी जरुरत नाए रहए, जो बाके आदमीनके बारेमे बताए, काहेकी आदमीनकी मनकी बात और बिचारके बारेमे येशूके पता रहए।

यूहन्ना 21:5

तओ येशू बिनसे कही, “मेरे प्यारे लौंणा, का तुमर ठिन कुछ खानके ताहीं हए?” बे जबाफ दइके कहीं, “नाए हए।”

प्रेरित 14:9

बो पावलके बात करत सुन्तए रहो। पावल फिर बोको अनुहारमे अच्छेसे देखी। बो आदमी “मए फिर अच्छो हुइ जामंगो,” कहिके बिश्वास करत हए कहान बाली बात पावल पता पइ।

प्रेरित 19:12

हियाँतककी आदमी पावलके शरीरमे रुमाल छुबाएके बिमारीन्के ठिन लैजात रहएं। अइसे बे बिमार आदमी चँगे हुइजात रहएं और भुत निकर जात रहएं।

प्रेरित 23:11

दुस्रो दिन रातके, प्रभु येशू पावलके ढिँगै ठाणके कही, “पावल, हिम्मत कर। काहेकी जैसी तर यरूशलेम सहरमे मिर बारेमे गवाही दओ, उइसी तोके रोम सहरमे फिर गवाही देन पणैगो।”

रोमियों 5:11

इतकए इकल्लो नाए, पर अब त प्रभु येशू ख्रीष्टद्वारा परमेश्वरसे हमर मेलमिलाप हुइगओ हए; जहेमारे हम परमेश्वरमे आनन्दित हएं।

याकूब 2:18

पर कोइ कहे सकत हएं, “तए बिश्वास करत हए। मए त भले काम करत हओं।” पर मए कहात हओं, भले काम करे बिना तुमर बिश्वास मोके दिखाबओ, और मए करोभओ भले काम करके मए अपनो बिश्वास दिखात हओं।