मत्ती 6:33 - राना थारु नयाँ नियम

³³ सबसे पहिले परमेश्वरको राज्य और धार्मिकताको जीबन जीबओ, और जा सब चीज तुमके मिल जाबैगो।

परमेस्वर को सच्चो वचन

³³ तभई जाके अलावा पहले तुम परमेस्वर के राज्य और धार्मिकता कै ढूँड़ौ तौ जे सब चीजैं तुमकै मिल जांगी।

मत्ती 6:33 Խաչաձեւ Հղումներ

मत्ती 19:28

येशू बिनसे कही, “नेहात्तओ, मए तुमसे कहात हओं, तुम जो मिर पिच्छु लागेहओ, नयाँ सृष्टिमे जब आदमीको लौंणा अपन महिमाके सिंहासनमे बैठैगो, तओ तुम बाह्र जानै फिर सिंहासनमे बैठैगे, और इस्राएल देशके बाह्र कुल उपर इन्साफ करैगे।

मत्ती 19:29

हरएक जौन मिर नाउँके खातिर घर, ददाभइया और दिदी-बहिनीया और दौवा और अइया और लौंणालौंणीया और जग्हाजमिन छुणेहए, बो सओ गुणा पएहए, और कभी फिर नाश नाए होन बारो जीबनको अधिकार पएहए।

मत्ती 3:2

“पाप करन छोडके परमेश्वर घेन घुमओ, काहेकी स्वर्गको राज्य ढिँगै आइगओ हए।”

मत्ती 4:17

बहे समयसे परचार करत येशू कहानलागो, “पाप करन छोडके परमेश्वर घेन घुमओ काहेकी स्वर्गको राज्य ढिँगै आइगओ हए।”

मत्ती 5:6

धन्य हएं बे आदमी, जौन धार्मिकताको जीबन जीइनके ताहीं भुँखे हएं, काहेकी परमेश्वर उनको इच्छा पुरा करैगो।

लूका 1:6

और बे दुनए परमेश्वरके अग्गु धर्मी रहएं, और परमप्रभुको सब आज्ञा और धार्मिक बिधि-बिधानमे निर्दोष हुइके नेँगत रहएं।

लूका 12:31

पर सबसे अग्गु तुम अपन जीबनमे परमेश्वरको राज्यके जबसे जद्धा खास चीज बनाओ। और एक धार्मिक जीबन जीइनके इच्छा करओ, तओ जे सब चीज तुमके मिल जाबैगो।”

यूहन्ना 5:4

काहेकी कभी-कभी परमेश्वरको दूत कुण्डामे उतरके पानी हलाए देत रहए। और पानी हालो खिनक जो कोइ पहिले पानी भितर घुसत रहए, तओ चहुँ बोको जैसो रोग होबए सोउँ फिर, बो अच्छो हुइजात रहए।

यूहन्ना 6:27

नष्ट होन बारो रोटीके ताहीं काम मत् करओ, बल्कि कभी फिर नाश नाए होन बारो जीबन तक रहान बारो रोटीके ताहीं काम करओ, जो मए, आदमीको लौंणा तुमके देमंगो, काहेकी दौवा परमेश्वर मोके अइसो करनके ताहीं अधिकार दइ हए।”

प्रेरित 20:25

अब देखओ, मए जानत हओं, कि तुम मैसे सब जनै जौन-जौनके मए परमेश्वरको राज्यको परचार करत नेँगो, तुम मोके दुबरा नाए देखैगे।

प्रेरित 28:31

बो बिना डर और बिना कोइ रुकावटसे परमेश्वरको राज्यको परचार करतए प्रभु येशू ख्रीष्टके बारेमे सिखातए रहो।

रोमियों 1:17

काहेकी अच्छो समाचारमे परमेश्वर हमके अपनी दृष्टिमे सही बनातहए। और जा पुरा रुपसे बिश्वास द्वारए आतहए। जैसे पबित्र-शास्त्रमे लिखो हए, “बो आदमी जो बिश्वासके द्वारा परमेश्वरमे धर्मी ठहिरो हए, बो जिन्दा रहाबैगो।”

रोमियों 10:3

काहेकी बे, धार्मिकता जो परमेश्वरके घेनसे आतहए बोके पहिचानन्मे बिफल हुइके, बे अपनी तरिकासे धर्मी बनन्के कोसिस करके जो धार्मिकता परमेश्वरसे आतहए बोके अधिनमे नाएभए।

रोमियों 14:17

काहेकी परमेश्वरको राज्यमे खानपिन महत्वपूर्ण नाए हए। बल्कि महत्त्वपूर्ण बात परमेश्वरके सँग धर्मी शान्ति और पबित्र आत्मामे आनन्दित हुइके जिइनो हए।

रोमियों 8:31

जे सब बातमे ध्यान करके हम जा निचोडमे पुगन सिकत हएं, अगर परमेश्वर हमर घेन हए कहेसे कोइ फिर हमर उपर जीत हासिल नाए कर्पएहए।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

1 कोरिन्थी 3:22

अर्थात् जा कि, मए पावल, अपोल्लोस, केफास, जा संसारके चीज, चहुँ तुम जिन्दा रहाओ या मर जाओ, बर्तमान, भबिष्य परमेश्वर तुमके सब कुछ तुमरी भलाइके ताहीं दइ हए,

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

फिलिप्पी 3:9

और मए परमेश्वरके सँग एकएमे रहिपामओं, नाएकी बो धार्मिकतासे जो मोशाको नियम कानुनसे हए। पर बहे धार्मिकतासे, जो ख्रीष्टमे बिश्वास करनको कारण हए, और परमेश्वरके घेनसे बिश्वास करनमे मिलत हए।

2 थेसलोनिकी 1:5

और परमेश्वर जा सतावटके प्रयोग अपनो न्यायके दिनके ताहीं, और तुमके अपने राज्यके लायक बनाके ताहीं करैगो, जौनके ताहीं तुम दुख उठाए रहेहओ।

1 तिमोथी 4:8

काहेकी शरीरको तालिमसे थोरी दिनके ताहीं फाइदा होत हए, पर भक्तिपूर्ण जीबन सब बातके ताहीं फाइदा होत हए, काहेकी जा जीबनमे और आन बारो जीबनमे तए बहे जीबनके पाबैगो, जोको वादा परमेश्वर करीहए।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

2 पतरस 1:11

और जाके सँगएसँग परमेश्वर तुमके येशू ख्रीष्ट भओ राज्यमे भव्य स्वागत करैगो, जो हमर प्रभु और मुक्तिदाता हए, बा हुवाँ सदादीनके ताहीं राजा हुइके राज्य करैगो।