मत्ती 4:17 - राना थारु नयाँ नियम

¹⁷ बहे समयसे परचार करत येशू कहानलागो, “पाप करन छोडके परमेश्वर घेन घुमओ काहेकी स्वर्गको राज्य ढिँगै आइगओ हए।”

परमेस्वर को सच्चो वचन

¹⁷ बौ समय से ईसु अपनो प्रचार सुनानो सुरु करी: “अपने पापन से मन फिराबौ काहैकि स्वर्ग को राज्य झोने है!”

मत्ती 4:17 Խաչաձեւ Հղումներ

मत्ती 10:7

और ‘स्वर्गको राज्य ढिँगै आइगओ हए,’ कहात परचार करओ।

मत्ती 11:12

और जबसे बप्तिस्मा देन बारो यूहन्ना परचार करन सुरु करी, बो समयसे लैके हबएतक परमेश्वरको राज्य जोडसे फैलरहो हए, और बिरोधी आदमी जाके उपर हमला करत हएं।

मत्ती 13:11

बा बिनसे जबाफ दइके कही, “तुमके त परमेश्वर स्वर्ग-राज्यको रहस्यको ज्ञान दइ हए, पर बिनके नाए दइ हए।

मत्ती 13:24

येशू फिर बिनके एक औ कहानी सुनाइ: “स्वर्गको राज्य एक किसान जैसो हए, जौन अपन खेतमे असल बीज बोइ।

मत्ती 13:47

“फिरके स्वर्गको राज्य बो मछ्री मारन बारी जार जैसो फिर हए, जौन समुन्दरमे डारत हए, और हरेक प्रकारके मछ्रीके समेटके लात हए।

मत्ती 13:9

तुम जो सुनरहे हओ, जो तुम सुने हओ बोके बारेमे ध्यानसे सोँचओ।”

मत्ती 25:1

फिर येशू अपने चेलनसे कही, जब मए, आदमीको लौंणा घुमके आमंगो, तओ स्वर्गको राज्य अइसो होबैगो: बे दश कन्या रहएं, जौन अपने दिया लैके दुलहाके भेँट करनके निक्रीं।

मत्ती 3:2

“पाप करन छोडके परमेश्वर घेन घुमओ, काहेकी स्वर्गको राज्य ढिँगै आइगओ हए।”

मत्ती 6:10

तुमर राज्य आबए। तुमर इच्छा स्वर्गमे जैसो पुरा भओ हए, उइसीयए जा पृथ्वीमे फिर पुरा होबए।

मत्ती 9:13

जाको अर्थ का हए, तुम सिखओ: ‘मए जानबरको बलिदान नाए, पर दया चाँहत हओं,’ काहेकी मए धर्मीनके नाए, पर पापीनके बचानके आओ हओं।”

लूका 15:10

मए तुमसे कहात हओं, जहे रितिसे एक पाप करन छोडके परमेश्वर घेन घुमन बारे पापीके ताहीं परमेश्वरको स्वर्गदूत अग्गु आनन्द होबैगो।”

लूका 15:7

मए तुमसे कहात हओं; जहे रितिसे पाप करन छोडके परमेश्वर घेन घुमन बारे, उनानसय धर्मीसे फिर अपनो पाप मानके पछुतो करन बारो एक पापीके ताहीं स्वर्गमे बहुत आनन्द होबैगो।”

लूका 24:47

और यरूशलेम सहरसे लैके सब जाति-जातिके आदमीनके पाप करन छोडके परमेश्वर घेन घुमानके ताहीं और पापनको क्षमाको परचार येशूको नाउँमे होबैगो।

लूका 3:23

येशू अपनो सेवाको काम सुरु करत पेती बा लगभग तीस वर्षको रहए। आदमी बाके योसेफको लौंणा हए कहिके कहात रहएं। योसेफ एलीको लौंणा रहए।

लूका 5:32

मए धर्मीनके ताहीं नाए पर पापीनके, पाप करन छोडके परमेश्वर घेन घुमानके ताहीं बुलान आओ हओं।”

लूका 9:2

येशू बिनके परमेश्वरको राज्यको परचार करन और बिमारीनके अच्छो करन पठाइ।

प्रेरित 11:18

जा बात सुनके प्रभुमे बिश्वास करन बारे यहूदी ददाभइया पत्रुसके दोष लगान छोडीं और परमेश्वरके प्रसंसा करके कहान लग्गए, “तओ त परमेश्वर गैर-यहूदीनके फिर कभु नाश नाए होन बारो जीबनके ताहीं अपने पाप छोडके परमेश्वर घेन घुमके और येशू ख्रीष्टमे बिश्वास करनको दान दइ हए।”

प्रेरित 17:30

जहेमारे अन्जानमे होत पेती नाए जानके करोभओ कामके परमेश्वर वास्ता नाए करी। पर अब परमेश्वर सबए आदमीनके ‘पाप करन छोडके परमेश्वर घेन घुमओ’ कहिके आज्ञा दइ हए।

प्रेरित 2:38

पत्रुस बिनसे कही, “पाप करन छोडके परमेश्वर घेन घुमओ, और तुम पाप क्षमाके ताहीं येशू ख्रीष्टको नाउँमे तुम सबए बप्तिस्मा लेओ, तओ तुम पबित्र आत्माको बरदान पाबैगे।

प्रेरित 20:21

यहूदीनके और ग्रीक देश बारेनके, पाप छोडके परमेश्वर घेन घुमओ और हम प्रभु येशू ख्रीष्ट उपर बिश्वास करएं, करके बातको गवाही मए दओ।

प्रेरित 26:20

पर पहिले दमस्कस सहरमे, यरूशलेम सहरमे और सबए यहूदिया परदेशमे और अन्यजातिनके फिर, पाप करन छोडके परमेश्वर घेन घुमओ और दण्डसे बचनके ताहीं अइसे काम करओ। और तुम नेहात्तओ अपन मन बदलके पाप करन छोड देओ कहिके मए परचार करो।

प्रेरित 3:19

जहेमारे पाप करन छोडके परमेश्वर घेन घुमओ, ताकी तुमर पाप क्षमा करे जाएं, तओ परमेश्वरके तरफसे आत्मिक समर्थको समय आबैगो।

हिब्रू 6:1

तभीमारे आओ, हम बो चीज सिखन बन्द करएं, जौन चीज हमके पहिले ख्रीष्टके बारेमे सिखाए गए रहएं। और गहिरो शिक्षा सिखएं, ताकी हमर बिश्वास परिपक्क हुइजाए। हमके फिरसे दुस्रो चोटी परमेश्वरमे बिश्वासके बारेमे और मृत्युके घेन लैजानको कामसे दुर होनको बारेमे सिखन सुरु नाए करन पणैगो।