मत्ती 25:41 - राना थारु नयाँ नियम

⁴¹ तओ मए दिब्रा घेनके आदमीनसे कएहओं, ‘हे सरापित आदमी, मिर अग्गुसे बो कभी फिर अन्त नाए होन बारो आगीमे चलेजाओ, जो शैतान और शैतानको दूतनके ताहीं परमेश्वर तयार करीहए।

परमेस्वर को सच्चो वचन

⁴¹ “तौ बौ बाँए घाँईं बारेन से कहैगो, ‘स्रापित आदमियौं मेरे अग्गु से बौ अनंत आगी मैं चले जाबौ, जो सैतान और बाके दूतन के ताहीं तैयार करी गई हैं।

मत्ती 25:41 Խաչաձեւ Հղումներ

मत्ती 13:40

जैसी उवाजओ नोचके आगीमे भसम करत हएं, युगके अन्तमे फिर उइसी हुइहए,

मत्ती 13:42

और स्वर्गदूत बिनके आगीकी कुण्डमे डारदेमंगे। हुवाँ आदमी रोमंगे और दाँत किटकिटांगे।

मत्ती 13:50

और दुष्ट आदमीनके आगीकी कुण्डमे फेक देहएं। हुवाँ आदमी रुइहएं और दाँत किटकिटए हएं।”

मत्ती 18:8

तुमर हात और टाँग तुमके पाप करन लगात हए तओ बोके काटके फेकदेओ। दोनए हात और टाँगके सँग कभी फिर अन्त नाए होन बारो आगीमे पणनेसे त बरु लुला और लंगणा हुइके जीबन जीइनो तुमर ताहीं असल हुइहए।

मत्ती 25:42

काहेकी जब मए भुखानो रहओं, तओ तुम मोके खान नाए दए, जब मए प्यासो रहओं, तओ तुम मोके पिनके नाए दए।

मत्ती 25:46

और जौन दिब्रा घेन हएं जे कभी फिर अन्त नाए होन बारो दण्ड भोगंगे पर धर्मी आदमी कभी फिर नाश नाए होन बारो जीबनमे प्रबेश करंगे।”

मत्ती 3:12

बाको, फटकन बारो सुपो बाके हातमे हए, और बा अपनो आँगनमे अच्छेसे सफा करेहए, और गेहुँके कुठियामे इकट्ठा करैगो, पर भुसाके नाए बुतन बारी आगीमे जलाबैगो।”

मत्ती 4:10

तओ येशू शैतानसे कही, “शैतान तए दुर हुइजा! काहेकी पबित्र-शास्त्रमे लिखो हए, तए परमप्रभु अपन परमेश्वरके आराधना करिए, और बाको इकल्लो सेवा करिए।”

मत्ती 5:22

तओ मए तुमसे हियाँ कहात हओं, कि जौन कोइ अपन भइयासे क्रोध करैगो, परमेश्वर बोके दण्ड देबैगो, और जौन अपन भइयाको अपमान करैगो, बो यहूदी सभाघरमे दण्डको लायक होइगो; और जौन कोइ भइयासे कएहए ‘तए मुरख हए’ बो नरकके आगीकी भट्टीमे जानके खतरामे हए।

मत्ती 7:23

और मए बिनसे सफासे कहिदेहओं, ‘मए तुमके कभु नाए चिनो हओं। ए अधर्म काम करन बारे, मिर ठिनसे चलेजाओ।’”

लूका 13:27

पर बो कहाबैगो, ‘मए तुमसे कहात हओं, मए नाए जानत हओं तुम कहाँसे हओ। हे खराब काम करन बारे, तुम सब मोसे दुर होबओ।’

लूका 16:24

और बो धनी आदमी जोडसे चिल्लाएके कही, ‘हे दौवा अब्राहाम, मिर उपर दया करके लाजरसके पठाएदेओ, ताकी बो अपन उगंरिको पोरा, पानीमे डुबाएके मिर जिभके जुणो बनाए देबए, काहेकी मए जा नरकको ज्वालामे गजब कष्ट पाएरहो हओं।’

यूहन्ना 8:44

तुम अपनो दौवा शैतानके सन्तान हओ, और तुम अपन दौवाको इच्छा पुरा करन तयार हओ। बो त सुरुसे ज्यानमारा रहए, बो त कभी फिर सच्चो नाए रहए काहेकी बोमे सत्य नाए रहए। जब बो ठगत हए तओ अपन चरित्र अनुसार मस्कत हए। काहेकी बोमे सत्य नाए हए, बहेमारे बो त ठगन बारेनको दौवा हए।

2 थेसलोनिकी 1:7

और जो दु:ख तुम उठाए रहेहओ, और हम फिर उठाए रहे हएं, परमेश्वर बे सब दु:खके रोक देबैगो; जा तब्ही होबैगो जब प्रभु येशू अपने शक्तिशाली स्वर्गदूतके सँग आगीकी लहरसे घिरो भओ स्वर्ग मैसे आबैगो।

2 थेसलोनिकी 1:9

बे हमेसाके ताहीं प्रभुको महिमासे अलग हुइ जामंगे और प्रभुको महान शक्तिमे भागीदार नाए होमंगे। और परमेश्वर उनके कभी फिर अन्त नाए होन बारो दण्ड देबैगो।

हिब्रू 6:8

औरे आदमी बो जमीन जैसे हएं, जौन काँटो और सेहुँर जमात हएं और बो जमीन बेकार होत हए। बो जमिनमे त परमेश्वरको सराप पणन डर होत हए और जा आगीसे नष्ट हुइजए हए।

2 पतरस 2:4

तुमके पता हए, कि बहुत समय पहिले जब शैतानको दूत परमेश्वरकी बिरुद्धमे पाप करीं, तओ बा उनको करोगओ कामके कारण दण्ड दइ। तओ परमेश्वर बिनके नरकमे फेक दइ। और परमेश्वर उनके न्याय और दण्ड देन दिनतक बिनके बा अंधियारो जेलमे डारदइ।

1 यूहन्ना 3:10

जहेसे परमेश्वरके सन्तान और शैतानके सन्तान जाने जात हएं। बे आदमी जो धार्मिक काम करत हएं बे परमेश्वरके घेनसे हएं, और बे आदमी जो अपने भइयासे प्रेम करत हएं बे परमेश्वरके घेनके हएं।