मत्ती 25:20 - राना थारु नयाँ नियम

²⁰ तओ पाँच सोनोको सिक्का पान बारो नोकर और पाँच सिक्का लाएके अग्गु आएके अइसे कही, ‘हे मालिक, तुम मोके पाँच सिक्काको जुम्मा दएरहओ, देखओ, मए और पाँच सिक्का कमाओ हओं।’

परमेस्वर को सच्चो वचन

²⁰ जोकै पाँच हजार मिले रहैं, बौ पाँच हजार और लायकै कही, ‘मालिक, तैं मोकै पाँच हजार सिक्का सौंपो रहै, देख मैं पाँच हजार सिक्का और कमाओ हौं।’

मत्ती 25:20 Խաչաձեւ Հղումներ

मत्ती 18:24

जब राजा हिसाब लेन लागो, तओ एक आदमी बोके अग्गु लाइं जौन दश हजार बोरा सोनोको सिक्काको ऋण लेन बारो रहए।

लूका 19:13

बो अपन दश जनै नोकरके बुलाएके बिनके दश सोनोको सिक्का दइके कही, ‘जब तक मए लौटके नाए अएहओं तबतक तुम जासे व्यपार करीयओ।’

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

1 कोरिन्थी 15:10

मए एक परमेश्वरसे चुनो भओ चेला बनोगओ काहेकी परमेश्वर मिर ताहीं दयालु रहए। और बाको अनुग्रह मेरे जीबनमे प्रभावशाली हए। पर मए अन्य चुनेभए चेलनसे जद्धा मेहेनत फिर करो तहुँफिर जा मेरे घेनसे नाए भओ पर परमेश्वरको अनुग्रहमे मोके बाको काम करनमे मदत करी।

कलस्सी 1:29

जाके पुरा करनके ताहीं मए बहुत मेहेनत और संघर्ष करत हओं। बो शक्तिको प्रयोग करतए, जो शक्ति मोके ख्रीष्ट देतहए, और जौन शक्ति मोएमे काम करत हए।

याकूब 2:18

पर कोइ कहे सकत हएं, “तए बिश्वास करत हए। मए त भले काम करत हओं।” पर मए कहात हओं, भले काम करे बिना तुमर बिश्वास मोके दिखाबओ, और मए करोभओ भले काम करके मए अपनो बिश्वास दिखात हओं।