मत्ती 19:21 - राना थारु नयाँ नियम

²¹ येशू बोसे कही, “तए सिद्ध होनके चाँहत हए तओ, जाएके सब बेँचके दुखी और गरीबनके दे, तओ तए स्वर्गमे धन प्राप्त करैगो, और आएके चेला बननके ताहीं मिर पिच्छु लाग।”

परमेस्वर को सच्चो वचन

²¹ ईसु बासे कही, “अगर तैं हर बात मैं बढ़िया होनो चाहथै; तौ जा, अपनो सब कुछ बेंच कै गरीबन मैं बाँट दे; और तोकै स्वर्ग मैं धन मिलैगो; और आयकै मेरे पच्छू हुई ले।”

मत्ती 19:21 Խաչաձեւ Հղումներ

मत्ती 16:24

तओ येशू अपन चेलनसे कही, “कोइ मिर पिच्छु आनके इच्छा करैगो कहेसे बो अपनी इच्छन्के त्यागए और अपन क्रूस उठाएके मिर चेला बननके ताहीं आबए।

मत्ती 19:20

बो जवान आदमी येशूसे कही, “जे सब त मए पालन करेपणे हओं। अब मोएमे का कमी हए?”

मत्ती 19:22

जब बो जवान जा बात सुनी, बो दु:खित हुइके गइ भओ, काहेकी बोके ठिन बहुत धनसम्पति रहए।

मत्ती 19:28

येशू बिनसे कही, “नेहात्तओ, मए तुमसे कहात हओं, तुम जो मिर पिच्छु लागेहओ, नयाँ सृष्टिमे जब आदमीको लौंणा अपन महिमाके सिंहासनमे बैठैगो, तओ तुम बाह्र जानै फिर सिंहासनमे बैठैगे, और इस्राएल देशके बाह्र कुल उपर इन्साफ करैगे।

मत्ती 4:19

येशू बिनसे कही, “मिर चेला बननके ताहीं मिर पिच्छु आओ। अबतक तुम मछ्री पकणत रहओ, पर अबसे मए तुमके सिखामंगो कि आदमीनके मोएमे बिश्वास करनके ताहीं कैसे लानके हए।”

मत्ती 5:48

जहेमारे, तुम हमेसा बहे करओ जो सही हए, सिद्ध बनओ जैसी तुमर स्वर्गमे होन बारो दौवा सिद्ध हए।”

मत्ती 8:22

तओ येशू बोसे कही, “मिर चेला बननके ताहीं मिर पिच्छु आओ; और जौन आदमी आत्मिक रुपसे मरे भए हएं, बिनके अपने मुर्दाके गाडनके देओ।”

मत्ती 9:9

येशू चेलनके सँग मत्तीके घरमे पाहुना बनके खानु खान बैठो रहए, और येशूके चेला बननके ताहीं बहुत आदमी कर उठान बारे और पापी फिर येशूके सँग खान बैठे।

मर्कूस 10:21

येशू जा आदमीके ताहीं सच्चो प्यार महसुस करी जैसियए येशू बोके देखी और कही, “एक और बात हए जो तोके करन जरुरी हए। जो कुछ तिर सँग हए बोके बेँचके रुपैया गरीब आदमीके दे। अगर तए अइसे करैगो, तओ तिर ठिन स्वर्गमे धनसम्पति होबैगो। तओ फिर आएके मिर चेला बननके ताहीं मिर पिच्छु लाग।”

मर्कूस 2:14

जातएजात येशू अल्फयसको लौंणा, जौनको नाउँ लेबी रहए, बहेके कर उठान बारेनके ठिहामे बैठो देखी और बोसे कही, “आ, और मिर चेला बननके ताहीं मिर पिच्छु लाग।” बो उठो, अपनो काम छोड दइ, और येशूको चेला बनिगओ।

मर्कूस 8:34

तओ, बा अपन चेलनके सँगमे भिडके अपन ठिन बुलाएके उनसे कही, “अगर तुम मिर चेला बनन्के चाँहत हओ कहेसे, तुमके अपनएके भुलन पणैगो। तुमके मेरे ताहीं दुख सहन पणैगो, हियाँतककी तुमके मरनके ताहीं फिर तयार होन पणैगो। तओ तुम मिर चेला बननके ताहीं अपन क्रूस उठाएके मिर सँग आए पाबैगे।

लूका 12:33

तुम सम्पति बेँचके दान देबओ। अपन ताहीं स्वर्गमे धन जमा करओ, जो कभी नाश नाएहोए। हुवाँ नए चुट्टा आत हएं और नए किरा लगत हएं।

लूका 14:33

जहेमारे तुम मैसे जो कोइ अपन सब कुछ नाए त्यागैगो कहेसे बो मिर चेला नाए हुइपए हए।

लूका 16:9

और मए तुमसे कहात हओं, कि दुनियाको धनसे अपन ताहीं सँगी बनाए लेओ; ताकी जब तुम मरैगे तओ दुनियाको धन काम नाए लगन बारो हुइहए, तओ परमेश्वर और स्वर्गदूत तुमके अनन्त बासस्थानमे स्वागत करंगे।

लूका 18:22

जा सुनके येशू कही, “तोएमे औ एक बातकी कमी हए। तिरसँग जोकुछ हए बो सब बेँचके गरीबके बाँटदे, और तोके ताहीं स्वर्गमे धन मिलैगो, और आएके, मिर चेला बननके ताहीं मेरे पिच्छु लाग।”

लूका 5:27

तओ जे काम करके येशू बाहिर गओ, और लेबी नाउँ भओ, एक आदमीके कर उठान बारो ठिहामे बैठो देखी, और येशू बोसे कही, “आ, और मिर चेला बननके ताहीं मिर पिच्छु लाग।”

लूका 6:40

चेला अपन गुरु कता जनैया नाए होत हए, पर जब बो पुरो ज्ञान पाएडरैगो तओ बो अपन गुरु जैसो होबैगो।

लूका 9:23

तओ येशू सब जनैसे कही, “अगर तुम मिर सँग आन चाँहत हओ कहेसे, तुमके अपनए-अपनएके अस्वीकार करन पणैगो। तुमके मिर ताहीं रोजदिन दुख सहन पणैगो। हियाँ तक, कि मरनके ताहीं तयार फिर रहान पणैगो। तओ तुम मिर चेला बननके ताहीं मिर सँग आए पाबैगे।

यूहन्ना 10:27

“जैसेकी भेंणा अपनो अच्छो बकरेहेराको अबाज चिनजात हएं, उइसीयए मेरे आदमी मिर बातमे ध्यान देत हएं। मए उनके जानत हओं, और बे मेरे चेला बननके ताहीं मेरे पिच्छु लाग्गए हएं।

यूहन्ना 12:26

कोइ मिर सेवा करहए कहेसे बो मिर चेला बननके ताहीं मिर पिच्छु लागए, तओ जहाँ मए हओं हुवाँ मिर चेला फिर हुइहए। अगर कोइ मिर सेवा करहए कहेसे दौवा परमेश्वर बोके आदर करैगो।

प्रेरित 2:45

बे अपन सम्पति और मालसमान बेँचके जौन-जौनके जो-जो चीजको जरुरत पणत रहए सबके बे बाँट देत रहएं।

हिब्रू 10:34

कैदीनके उपर तुम दया दिखाए, अपनो सम्पति लुटत पेती फिर आनन्दसाथ सहे, काहेकी तुम जानत रहओ, कि तुमर सँग अभौफिर परमेश्वरसे प्रतिज्ञा करेभए चीज हएं, जौन औ जद्धा उत्तम हएं और सदामानके ताहीं रहिरहामंगे।