मत्ती 13:11 - राना थारु नयाँ नियम

¹¹ बा बिनसे जबाफ दइके कही, “तुमके त परमेश्वर स्वर्ग-राज्यको रहस्यको ज्ञान दइ हए, पर बिनके नाए दइ हए।

परमेस्वर को सच्चो वचन

¹¹ ईसु जबाब दई, “तुमकै स्वर्ग के राज्य के भेदन की समझ दई गई है, पर उनकै नाय।

मत्ती 13:11 Խաչաձեւ Հղումներ

मत्ती 13:10

और चेला आएके येशूसे कहीं, “तुम बिनसे काहे कहानीमे मस्कत हओ?”

मत्ती 16:17

येशू बिनसे कही, “योनाको लौंणा सिमोन, तुम धन्य हओ। काहेकी आदमीको शरीर और खुनसे जा प्रकट नाए भओ हए, पर स्वर्गमे होन बारो मिर दौवासे प्रकट भओ हए।

मत्ती 19:11

येशू उनके जबाफ दइके कही, “सब जा बचन ग्रहण नाए कर्पएहएं, केबल बेहीं अइसे कर्पएहएं जौनके परमेश्वर बो तरिकासे जिनके क्षमता प्रदान करिहए।

मत्ती 20:23

बा कही, “मिर कटोरा तुम पिइहओ, पर मिर दहिना और दिब्रा घेन बैठन देन बारी बात मिर हातमे नैयाँ। जा ठाउँ बिनके ताहीं हए, जौनके ताहीं मिर दौवा तयार करडारी हए।”

मर्कूस 10:40

तहुँफिर, मोके जा फैसला करनके अधिकार नाए हए, कि मिर दहिना और दिब्रा घेन कौन सम्मानको ठिहा पाबैगो। पर परमेश्वर अपन चुनेभए आदमीनके ताहीं बे ठिहनके तयार करीहए।”

मर्कूस 4:11

येशू उनसे कही, “परमेश्वरको राज्यको रहस्य तुमके दओगओ हए। पर बिनके, मए सब बात कहानीमे कएहओं, जो मोएमे बिश्वास नाए करत हएं।

लूका 8:10

तओ येशू कही, “तुमके त परमेश्वरको राज्यको भेद जाननके ज्ञान दओगओ हए, पर औरेनके, जौन परमेश्वरके बारेमे नाए जानत हएं उनसे मए सब बात कहानीमे बतात हओं, काहेकी मए जो करत हओं बोके, बे देखन त देखत हएं, पर देख नाए पातहएं, सुनन त सुनत हएं, पर बुझत नाए हएं।”

यूहन्ना 6:65

तओपिच्छु येशू फिर कही, “जहेमारे मए तुमसे कहो हओं, मिर दौवा परमेश्वर मिर ठिन आन बारो मन नाए देनतक कोइ फिर मिर ठिन नाए आएपाबैगो।”

यूहन्ना 7:17

अगर कोइ आदमी परमेश्वरको इच्छा पालन करन चाँहत हए, तओ बो जान जाबैगो, कि मिर शिक्षा परमेश्वरके घेनसे आतहए कि मिर अपनो शिक्षा हए।

प्रेरित 16:14

और हमर बात सुनन बारे मैसे लिडिया नाउँ भइ एक बैयर रहए। बो बैयर थिआटीरा कहान बारो सहरसे आएके फिलिप्पी सहरमे बैजनी रंगको लत्ताको व्यपार करत रहए। लिडिया परमेश्वरको डर मानन बारी लौंणीया रहए। पावलकी कहीभइ बातमे ध्यान देनके ताहीं प्रभु बोको मन खोलदइ।

रोमियों 11:25

हे बिश्वासी ददाभइया, मए नाए चाँहत हओं, कि तुम गैर-यहूदी अपने बारेमे बहुत घमण्ड करओ। जहेमारे इस्राएल देशके आदमीनके सँग का भओ हए बो रहस्य मए बतामंगो। जा सत्य हए, कि इस्राएल देशके बहुतसे आदमी बिश्वास करनके तयार नाए हएं, पर जब परमेश्वरके पिछा करन बारे गैर-यहूदी आदमीनकी संख्या पुरा हुइजएहए, तओ इस्राएल देशके आदमी बिश्वास करंगे और परमेश्वरके ठिन लौटके आए जामंगे।

रोमियों 16:25

अब उनके, जौन तुमके मिर परचार करन बारो अच्छो समाचार और येशू ख्रीष्टके बारेमे परचार करे अनुसार तुमके बिश्वासमे मजबुत करन सिकैगो, बो रहस्यको प्रकाश बमोजिम, जो युग-युगसे गुप्तमे रहए।

1 कोरिन्थी 13:2

और अगर मए परमेश्वरको सन्देशके घोषणा करत हओं, और सब रहस्य और सब ज्ञानके बुझतहओं, और हियाँतककी मोएमे पहाडन्के इतएसे उतए करनको परमेश्वरमे मजबुत बिश्वास हए पर अगर मोएमे प्रेम नाए हए कहेसे मिर बिरकुल कोइ मोल नाए हए।

1 कोरिन्थी 15:51

देखओ, मए तुमसे एक रहस्य कहात हओं, कि हम मैसे कुछ बिश्वासी नाए मरङगे, पर सब बदल जामंगे।

1 कोरिन्थी 2:14

पर परमेश्वरको आत्मा नाए होन बारे आदमी, पबित्र आत्माको शिक्षाके ग्रहण नाए करत हए, काहेकी बे आदमीनके नजरमे मुरखके बात हएं, और एक आदमी अपनो आत्मिक जाँच तब्ही कर सकत हए, जब बोमे परमेश्वरको आत्मा रहात हए।

1 कोरिन्थी 2:7

पर जौन ज्ञानको हम बात करत हएं, बो ज्ञान परमेश्वरको ज्ञान हए जो लुको रहए। अबतक कोइ फिर जाके नाए जानत रहए। पृथ्वी बनानसे पहिलीयए परमेश्वर अपन ज्ञानसे निर्णय लैलै रहए, कि बा हमके अपन महिमामे साझेदार बनाबैगो।

1 कोरिन्थी 4:1

आदमीके, हमके ख्रीष्टको सेवक और परमेश्वरको लुको भओ सत्यके प्रकट करन बारो जिम्मेबारी सौँपो गओहए कहिके मानन पणत हए।

1 कोरिन्थी 4:7

काहेकी जो कुछ फिर तुमर ठिन हए बो तुमके परमेश्वरके द्वारा दओ गओ हए, तुमर ठिन घमण्ड करनको कोइ अधिकार नाए हए।

इफिसियों 1:18

मए जा फिर प्राथना करत हओं, कि बा सच्चाईके सम्झनमे तुमर मदत करैगो ताकी तुम बाको महिमाको धनके जान पाबओ, कि बो आसरा जो तुमके दओगओ हए, जब परमेश्वर तुमके चुनी रहए। और ताकी तुम जानपाबओ, कि बे आशिष कित्ने महान और महिमामय हएं जौनको प्रतिज्ञा परमेश्वर अपने पबित्र आदमीसे करीहए।

इफिसियों 1:9

परमेश्वर बहे करी, जो बा गुप्तमे धरी रहए, और हमके बो गुप्त योजनासे प्रकट करबाइ जो बा पहिलीयए ख्रीष्टके द्वारा पुरा करनके निर्णय लइ रहए।

इफिसियों 5:32

जा एक मुल्यवान और गम्भीर शिक्षा हए जोसे हम हियाँ समझ सकत हएं। और मेरे ताहीं, मए जाको तुलना, ख्रीष्ट और मण्डलीनसे करत हओं।

इफिसियों 6:19

और मेरे ताहीं फिर प्राथना करके परमेश्वरसे कहियओ, कि बा मोके मस्कनके ताहीं सही शब्द देबए ताकी मए बिना डरको अच्छो समाचारके बारेमे जो सब आदमीनके ताहीं हए, बोको रहस्य परचार करपामओं।

कलस्सी 2:2

मए अइसो करो, काहेकी मए तुम सबके आत्मिक उत्सहा देन चाँहत हओं। और एक-दुस्रेके प्रती तुमर प्रेम तुमके एकजुटमे बाँधए। ताकी तुमरमे पुरा समझ होबए, जौनके ताहीं तुम परमेश्वरको रहस्य पता पाबओ, जो ख्रीष्ट अपनए हए।

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

1 तिमोथी 3:9

उनके ठिन शुद्ध बिबेक होन पणो जब बे जा बातमे बिश्वास करतए रहात हएं, कि परमेश्वर जो शिक्षा प्रकट करीहए बो शिक्षा सच्चो हए।

याकूब 1:5

अगर तुम मैसे कोइके बुद्धिकी कमी हए, तओ दोष नाए लगान बारो परमेश्वरसे मागओ, बा तुमके देबैगो।

1 यूहन्ना 2:20

पर ख्रीष्टके द्वारा तुमके पबित्र आत्मा दओगओ हए, और तुम सब सत्यके जानत हओ।

1 यूहन्ना 2:27

तुमर ताहीं ख्रीष्टके द्वारा पबित्र आत्मा दओगओ हए, और बा तुमर भितर रहात हए। तुमरमे पबित्र आत्मा रहानतक कोइ फिर तुमके सत्यके बारेमे नाए सिखान पणैगो, काहेकी पबित्र आत्मा तुमके सब बात सिखात हए। बाको सिखाइ बात सच्चो होत हए, पर झुठो नाए होत हए। जहेमारे ख्रीष्टके सँग एकजुट हुइके बने रहाओ, जैसेकी पबित्र आत्मा तुमके करन कही हए।