मत्ती 10:1 - राना थारु नयाँ नियम

¹ येशू अपन बाह्र चेलनके बुलाएके बिनके भुतनके निकारन और हर किसिमके रोग और दुर्बलनके अच्छो करन अधिकार दइ।

परमेस्वर को सच्चो वचन

¹ फिरौंकी ईसु अपने बारह चेलन कै झोने बुलाएकै, उनकै असुद्ध आत्मा कै बाहर निकारन और सब बिमारिन कै ठीक करन को अधिकार दई।

मत्ती 10:1 Խաչաձեւ Հղումներ

मत्ती 19:28

येशू बिनसे कही, “नेहात्तओ, मए तुमसे कहात हओं, तुम जो मिर पिच्छु लागेहओ, नयाँ सृष्टिमे जब आदमीको लौंणा अपन महिमाके सिंहासनमे बैठैगो, तओ तुम बाह्र जानै फिर सिंहासनमे बैठैगे, और इस्राएल देशके बाह्र कुल उपर इन्साफ करैगे।

मत्ती 26:20

जब संझा भओ तओ येशू बाह्रऔ चेलनसँग बैठो।

मत्ती 26:47

येशू मसकतए-मसकत बाह्र चेला मैसे एक चेला आओ जो यहूदा इस्करियोत रहए। बोकेसँग मुखिया यहूदी पुजारी और जनताके यहूदी अगुवनको समुहके द्वारा पठाइभइ एक बडी भिड तरबार और लठ्ठु लैके आए।

मत्ती 4:23

और येशू सब गालील परदेशमे फिरत रहए, तओ येशू बिनके यहूदी सभाघरमे शिक्षा देत, परमेश्वरको राज्यको अच्छो समाचार परचार करत, और आदमीमे भए सबए रोग और शरीरके कमजोरी अच्छो करी।

मत्ती 6:13

हमके सतावटमे पणनके मत् दियओ, पर शैतानसे छुटैयओ। काहेकी राज्य, पाराक्रम और महिमा सदासर्वदा तुमरी हए, आमेन।”

मत्ती 9:35

तओ येशू और बाके चेला गालील परदेशके सहर और गाउँ हुइके गए, और यहूदी सभाघरमे शिक्षा देत रहएं। और परमेश्वरको राज्यको अच्छो समाचार परचार करतए सब आदमीनको रोग और बिमारनसे अच्छो करत रहएं।

मत्ती 9:38

जहेमारे फसलके ताहीं प्रभुसे प्राथना करओ, ताकी बो और जद्धा आदमीनके परमेश्वरके राज्यके बारेमे बतानके पठान सिकए।”

लूका 10:19

मए तुमके साँप और बिछिनके कुचलनके और दुस्मनको सारा शक्तिके उपर अधिकार दओ हओं; और कोइ चीज तुमके हानिनाए करैगो।

लूका 21:15

काहेकी मए तुमके अइसो मसकन बारो मुँहुँ और बुद्धि देहओं, कि तुमर बिरोधी तुमएं जबाफ घुमाए नाए पएहएं। और नए तुमर बात काट पामंगे।

लूका 24:49

और मए अपनए तुमर उपर पबित्र आत्मा पठामंगो, जौनको प्रतिज्ञा मिर दौवा करी हए। पर तुमके तबतक जहे सहरमे आसरा करनके होबैगो जब तक तुम स्वर्गसे शक्ति नापए हओ।”

लूका 6:13

भोरभए येशू अपन चेलनके अपन ठिन बुलाएके बिन मैसे बाह्र जनैके छाँटी, और “चुनेभए चेला” करके नाउँ दइ।

यूहन्ना 17:2

काहेकी तुम बाके सब आदमीके उपर अधिकार दएहओ और तुम दएभए, सबके बा कभी फिर नाश नाए होन बारो जीबन देबए।

यूहन्ना 3:27

बप्तिस्मा देन बारो यूहन्ना जबाफ दइ, “जब तक आदमीके स्वर्गसे नाए दओ जएहए, तबतक बो कोइ चीज नाए करपए हए।

यूहन्ना 3:35

परमेश्वर लौंणाके प्रेम करत हए, और सब चीज लौंणाके हातमे दइदइ हए।

यूहन्ना 6:70

येशू बिनके जबाफ दइके कही, “का मए अपनए तुमके बाहृऔ जनैके नाए छानो? तहुँफिर तुम मैसे एक जनै शैतानके अधिकारमे हए।”

प्रेरित 1:8

पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

प्रेरित 19:15

पर भुत बिनसे कही, “येशूके मए चीन्हत हओं, पावलके फिर मए चिन्त हओं, पर तुम कौन हओ?”

प्रकाश 12:1

जब बो खतम हुइगओ, तओ हुवाँ एक बादरमे भओ अचम्मोको चिन्हा देखो जाए सकत रहए। काहेकी जोनीमे एक बैयर देखा पणी, जौन अइसो लत्ता पैँधे रहए, जो सूर्य कता चम्कत रहए। बो अपनी मुणमे एक मुकुट पैँधे रहए जोमे बाह्र तारा रहएं।