लूका 23:34 - राना थारु नयाँ नियम

³⁴ तओ येशू कही, “हे दौवा, यिनके क्षमा करीयओ, काहेकी जे का करत हएं सो नाए जानत हएं।” तओ बे बाको कुर्ताके बाँट लगाएके चिट्टा डारीं।

परमेस्वर को सच्चो वचन

³⁴ तौ ईसु कही, “दऊवा! इनकै माफ कर दे, काहैकि जे ना जानथैं कि जे का कर रै हैं।” बे पासा डारकै बाके लत्ता आपस मैं बाँट लईं।

लूका 23:34 Խաչաձեւ Հղումներ

मत्ती 11:25

बो बेरा येशू कही, “हे दौवा परमेश्वर, बादर और पृथ्वीके प्रभु, मए तुमके धन्यबाद चढात हओं, काहेकी तुम जा बात बुद्धिमान और समझदार आदमीसे छिपाएके रक्खे, और जौन आदमी छोटे बच्चा कता हए बिनके प्रकट करेहओ।

मत्ती 11:26

हाँ दौवा, काहेकी तुमके जहे ठिक लागो।”

मत्ती 5:44

पर मए तुमसे कहात हओं, अपन दुस्मनके अपनए कता प्रेम करओ, और तुमके सतान बारेके ताहीं परमेश्वरसे प्राथना करओ,

मर्कूस 15:24

बे येशूके क्रूसमे टाँगीं। और येशूको कौनछो कुर्ता कौन पएहए कहिके निर्णय लेनके ताहीं बे चिट्टा डारीं।

लूका 22:42

“हे दौवा, तुमर इच्छा हए, तओ जा कटोरा मिर ठिनसे हटाए देओ। पर मेरी इच्छा नाए, तुमरी इच्छा पुरी होबए।”

यूहन्ना 17:9

मए बिनके ताहीं परमेश्वरसे प्राथना करत हओं, मए उनके ताहीं परमेश्वरसे प्राथना नाए करत हओं, जो संसारसे सम्बन्ध धरत हएं।

यूहन्ना 19:11

येशू जबाफ दइके कही, “अगर तुमके परमेश्वर अधिकार नाए दइ हुइतो, तओ तुमके फिर मिर उपर कोइ अधिकार नाए हुइतो। जहेमारे मोके तुमर हातमे पकणबान बारो औ जद्धा पापको दोषी हए।”

प्रेरित 16:28

जा देखके पावल जोडसे चिल्लाएके कही, “अपनएके कुछु हानी मत् करओ, काहेकी हम सब हिना हएं।”

प्रेरित 3:17

“मेरे बिश्वासी ददाभइया, मोके पता हए, कि तुम और तुमर अगुवा येशूके अन्जानमे मारे। काहेकी तुमके पता नाए रहए, कि बा ख्रीष्ट रहए।

प्रेरित 7:60

बो घुँटो टेकके जोडसे चिल्लाएके कही, “हे प्रभु, जा पापके ताहीं उनके क्षमा करदेओ।” इत्का कहिके बो अपन प्राण त्याग दइ।

रोमियों 12:14

और तुमके सतान बारेनके सराप नाए, बल्कि आशिर्बाद देओ।

1 कोरिन्थी 2:8

जोके, जा संसारके हाकिमन मैसे परमेश्वरको योजनाके नाए जानीं, काहेकी अगर जनते तओ सम्मान पान बारो प्रभुके क्रूसमे नाए टँगैते।

1 कोरिन्थी 4:12

और अपनो हातसे काम करके हम मेहेनत करत हएं। अपमानित होन समयमे हम बिनके आशिष देत हएं। और जब हम सताए जात हएं हम सहात हएं।

1 तिमोथी 1:13

मए त बिश्वासी होनसे पहिले ख्रीष्टको बदनाम करत रहओं, और बिश्वासीनके सतात रहओं और बिनको बहुत नुक्सान करो, काहेकी बो समय तक मए ख्रीष्टके बिश्वास नाए करत रहओं, जहेमारे मए बुझ नाएपाओ, काहेकी जो मए करत रहओं बो गलत रहए। जहेमारे ख्रीष्ट मोके दया करी।

1 पतरस 3:9

खराबीको बदला खराबी, और अपमानको बदला अपमान नाए मत् करओ। बल्कि, बोको बदलामे आशिष देनके ताहीं परमेश्वर तुमके बुलाइ हए। अगर तुम अइसे करे कहेसे, परमेश्वर तुमके फिर आशिष देबैगो।