लूका 21:8 - राना थारु नयाँ नियम

⁸ येशू कही, “होसियार रहओ, तुमके कोइ नाए बहकाबए। मिर नाउँमे तमान आदमी, ‘मए बहे हओं और समय ढिँगै आइगओ हए,’ कहिके कहामंगे। बिनके पिच्छु तुम मत् लगियओ।

परमेस्वर को सच्चो वचन

⁸ ईसु कही, “पहरा मैं रहबौ; धोका मत खाबौ। भौत से मेरे नाओं से आयकै कहंगे, ‘कि मैं बहे हौं!’ और जहो भी, ‘कि समय झोने आए चुको है!’ लेकिन तुम उनके पच्छू मत जईयो।

लूका 21:8 Խաչաձեւ Հղումներ

मत्ती 24:11

बहुत झुठे अगमबक्ता आमंगे, और बहुत आदमीनके धोखा देमंगे।

मत्ती 3:2

“पाप करन छोडके परमेश्वर घेन घुमओ, काहेकी स्वर्गको राज्य ढिँगै आइगओ हए।”

मत्ती 4:17

बहे समयसे परचार करत येशू कहानलागो, “पाप करन छोडके परमेश्वर घेन घुमओ काहेकी स्वर्गको राज्य ढिँगै आइगओ हए।”

लूका 17:23

आदमी तुमसे कहामंगे, ‘देखओ, ख्रीष्ट हुवाँ हए!’ या ‘देखओ, ख्रीष्ट हियाँ हए!’ पर तुम जैयओ मत् और नए बिनके पिच्छु लागीयओ।

लूका 21:7

बे येशूसे कहीं, “महान गुरु, जे सब कब हुइहएं? और जे बात हुइहएं तओ का चिन्हा होबैगो?”

लूका 21:9

जब तुम युद्ध और लडाइको हल्ला सुनैगे तओ मत् डरैयओ, काहेकी पहिले जे घटना होनए पणैगो, पर अन्त तुरन्तए नाए होबैगो।”

यूहन्ना 5:43

मए अपने दौवा परमेश्वरके अधिकारके साथ आओ हओं, और तुम मोके स्वीकार नाए करत हओ; पर अगर कोइ औ आदमी अपन अधिकारसे आबैगो कहेसे तओ बोके तुम स्वीकार करलेबैगे।

यूहन्ना 8:24

जहेमारे मए तुमसे कहात हओं, कि ‘तुम लगातार पाप करनसे तुम मरजाबैगे,’ काहेकी अगर तुम ‘मए जो हओं बहे हओं’ कहिके बिश्वास नाए करैगे तओ तुम मरजाबैगे, और तुमर पाप क्षमा नाए करोजाबैगो।”

यूहन्ना 8:28

बहे बेरा येशू बिनसे कही, “जब तुम मए, आदमीको लौंणाके एक क्रूसमे चढाबैगे, तओ तुम पता पाए जबैगे कि ‘मए जो हओं बहे हओं,’ और मिर अपनो इच्छा नाए बल्कि जैसी मोके पठान बारो मिर दौवा परमेश्वर सिखाइ हए, बहे बात इकल्लो मए कहात हओं, कहिके तुम जानैगे।

1 कोरिन्थी 6:9

तुम जरुर जानत हओ, कि अन्याय करन बारे आदमी परमेश्वरको राज्यमे घुसन हक नाए पामंगे। अपनएके धोखा मतदेओ, नए व्यभिचार, नए मूर्तिपूजक, नए परस्त्रिगमन, नए छाडा काम करन बारे,

इफिसियों 5:6

कोइके फिर तुमके जा सुझाब दइके धोखा देन मतदेओ कि बास्ताबमे परमेश्वर बे आदमीनके दण्ड नाए देइगो जो अइसो पाप करत हएं।

2 थेसलोनिकी 2:3

पर तुम बे सब गलत बातमे बिश्वास मत् करओ, जो आदमी येशू ख्रीष्टके आनके बारेमे तुमके बताए रहे हएं। प्रभु येशूके लौटके आनसे अग्गु बो दुष्ट आदमी प्रकट नाए भएतक, एक अइसो समय आबैगो जब बहुत आदमी परमेश्वरको बिरुद्धमे बिरोध करंगे।

2 तिमोथी 3:13

पर दुष्ट आदमी और बे धोखेबाज आदमी औ जद्धा दुष्ट काम करंगे। बे आदमी प्रभुके धोखा देमंगे और बे अपनए दुस्रेके द्वारा धोखा खामंगे।

1 यूहन्ना 4:1

हे मेरे प्यारे सँगीउ, हरकोइ आदमीनके उपर बिश्वास मत् करओ, जो पबित्र आत्मासे मस्कनको दाबि करत हए, पर आत्मनके जाँचओ कि बे परमेश्वरके घेनसे हएं, कि नाए हएं। काहेकी बहुतसे झुठे अगमबक्ता संसारमे हएं।

2 यूहन्ना 1:7

मए जा जहेमारे कहेरहो हओं, काहेकी बहुत आदमी जो झुठी शिक्षा दइके दुस्रेनके धोखा देत हएं, बे संसारमे हर ठिहामे गए हएं। बे कहात हएं, कि येशू ख्रीष्ट एक आदमीके रुपमे जा संसारमे नाए आओ। अगर कोइ आदमी अइसो कहात हए, बो आदमी ख्रीष्ट बिरोधी हए, जो हमेसा आदमीनके धोखा देतहए।

प्रकाश 1:3

परमेश्वर हर बो आदमीके आशिष देबैगो जौन जा अगमबाणीके दुस्रेनके पढके सुनात हए, और बा हर बो आदमीके आशिष देबैगो जौन जाके सुनत हए और जाके पालन करत हए। काहेकी जे चीज जल्दीय होमंगे।

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।