लूका 16:15 - राना थारु नयाँ नियम

¹⁵ येशू बिनसे कही, “तुम अपनएके आदमीनके अग्गु सही दिखातहओ, पर परमेश्वर तुमर मनके जानत हए, काहेकी जो चीज आदमीनको नजरमे खास मानो जाबैगो, बो चीज परमेश्वरको नजरमे तुच्छ मानो जाबैगो।

परमेस्वर को सच्चो वचन

¹⁵ ईसु उनसे कहथै, तुम बे हौ जो खुदकै दुसरे लोगन की नजर मैं सई ठहराथौ, लेकिन परमेस्वर तुमरे नफरत भरे मन कै जानथै। और चीज परमेस्वर की नजर मैं खास है, बौ चीज परमेस्वर की नजर मैं कुछ न है।

लूका 16:15 Խաչաձեւ Հղումներ

मत्ती 23:5

बे अपन सब काम आदमीनके दिखानके ताहीं करत हएं, काहेकी बे अपन माथो और हातमे मोशाको नियम कानुन लिखो पट्टी बाँधत हएं, और अपन लत्तामे लम्बो झालर बनात हएं।

मत्ती 6:16

जब तुम उपवास बैठतहओ, तओ कपटी जैसो उदासी चेहेरा मत् दिखाओ, काहेकी आदमी उनके उपवास बैठो देखएं करके बे चाँहत हए। मए तुमसे कहात हओं, कि बे जो करीं, आदमीनसे प्रसंसा पाएडारीं हएं।

मत्ती 6:2

जहेमारे जब तुम दान देत हओ, तओ बडो दिखानके ताहीं मत् करओ, जैसी कपटी यहूदी सभाघरको गल्लीमे करत हएं ताकी आदमी उनकी बढाइ करएं, मए तुमसे सच्चो कहात हओं, कि बे जो करीं, आदमीनसे प्रसंसा पाएडारी हएं।

मत्ती 6:5

जब तुम प्राथना करैगे तओ कपटी आदमी कता मत् होओ काहेकी आदमीनके दिखानके ताहीं सभाघरमे और सडकके चौराहोमे ठाणके प्राथना करन उनके अच्छो लगत हए। नेहात्तओ मए तुमसे कहात हओं, कि बे अप्नो प्रतिफल पाएडारी हएं।

लूका 10:29

तओ बो, कौन-कौन मनैनके प्रेम नाए करत रहए, जा बातके सही ठहिरानके ताहीं येशूसे पुछी, “मिर परोसी कौन हए तओ?”

लूका 11:39

पर प्रभु बिनसे कही, “तुम फरिसीनको समुह कटोरा और थरियाके बाहेर त माजत हओ, पर भितर फोहर राहत हए। अइसीयए तुम अपन हात त धोत हओ, पर तुमर मन फोहर रहात हए। तुम पुरो लालची और दुष्ट हओ।

लूका 18:11

फरिसीनको समुहको आदमी ठाणके अपन मनए-मनमे अइसे परमेश्वरसे प्राथना करन लागो, ‘हे परमेश्वर, मए तुमके धन्यबाद देत हओं, कि मए औ आदमीनके जैसो फाटहा, अन्यायी, व्यभिचारी, और नए जा कर उठान बारो जैसो हओं।

लूका 18:14

मए तुमसे कहात हओं, अइसे कहान बारो फरिसी नाए रहए। पर कर उठान बारो रहए, जो परमेश्वरके अग्गु धर्मी ठहेरो गओ। काहेकी हरएक जो कोइ अपनएके बडो बनात हए, बो निचो करो जएहए, और जो अपनएके निचो बनाबैगो बो बडो होबैगो।”

लूका 18:21

बो सासक कही, “जे सब त मए मेरी युवावस्थासे पालन करत आओ हओं।”

लूका 18:9

अपन बारेमे इकल्लो सोँचन बारे और अपनएके धर्मी मानन बारे और दुस्रेनसे हेला करन बारेनसे येशू जा कहानी कही:

लूका 20:20

बे मौका ढुँणन लागे, और धर्मी हुइके चुपरन बारे जासुसके बे बाके ठिन पठाइं। येशू कही बातमे बाके फसाएके अधिकारीनके और हाकिमके हातमे बाके पकणाएदेनको मौका ढुणत रहएं।

लूका 20:47

बे बिधुवानको घर हणप करदेत हएं, और देखावटीके ताहीं परमेश्वरसे लम्बो प्राथना करत हएं। नेहात्तओ परमेश्वर उनके बहुत भारी दण्ड देबैगो।”

यूहन्ना 2:25

और येशूके कोइकी जरुरत नाए रहए, जो बाके आदमीनके बारेमे बताए, काहेकी आदमीनकी मनकी बात और बिचारके बारेमे येशूके पता रहए।

यूहन्ना 21:17

येशू फिर बासे तिसरो चोटी कही, “ए सिमोन, यूहन्नाको लौंणा, का तुम मोके प्रेम करत हओ।” पत्रुस दुखित हुइगओ, काहेकी बा तिसरो चोटी फिर बोसे अइसे पुँछी, “का तुम मोके प्रेम करत हओ?” और बो बासे कही, “हे प्रभु, तुम सब कुछ जानत हओ कि मए तुमसे प्रेम करत हओं।” येशू बोसे कही, “मिर भेंणनके रेखदेख कर।

प्रेरित 1:18

जैसे कि तुम जानत हओ, यहूदा अधर्मसे कमाओ भओ रुपैयासे एक खेत खरीदी। बहे खेतमे बो अपनए फाँसी लगाएलै और बोको शरीर जमीनमे गिरिगओ और बोको पेट फुटके आँती निकरीगए।

प्रेरित 1:24

बे अइसे प्राथना करीं, “सब आदमीको ह्रदयको बात जानन बारो प्रभु, जे दुई मैसे तुम कौनके चुनेहओ सो हमके दिखाएदेओ,

प्रेरित 15:8

और मनके जाँचन बारो परमेश्वर उनके फिर हमरे अग्गु पबित्र आत्मा दइके दिखाइ, कि बा उनके अपने आदमीनके रुपमे स्वीकार करलै हए।

रोमियों 3:20

जहेमारे नियम कानुनके पालन करन बारे कोइ फिर परमेश्वरके अग्गु धर्मी नाए ठहिरैगो काहेकी नियम कानुन त आदमीनको करोभओ पापके चिन्हाए देतहए।

रोमियों 8:27

परमेश्वर, जो आदमीनको हृदय जानन बारो हए, बा पबित्र आत्माको बिचार फिर जानत हए, काहेकी बा पबित्र आदमीनके ताहीं परमेश्वरके इच्छाके अनुसार पुकारा करत हए।

1 कोरिन्थी 4:5

जहेमारे जब तक प्रभु नाए लौटए तबतक कोइको न्याय मत् करओ। परमेश्वर स्पष्टसे बे सब बिचारनके बताबैगो जो आदमीनको भितर हए, जौनके बारेमे कोइ नाए जानत हए। परमेश्वर उदेश्यन्के प्रकट करैगो जो उनको दिलमे हए।

1 पतरस 3:4

तुमर हृदयमे भए बात तुमके सुन्दर बनात हए। जहे नम्र और शान्त ब्यबहार हए, जो परमेश्वरके ताहीं बहुत मुल्यवान हए।

1 पतरस 5:5

उइसीयए जवान आदमीउ, बुढेनके अधीनमे बैठओ। तुमके सब नम्रतासे एकदुस्रेनके मदत करन पणत हए। काहेकी पबित्र-शास्त्रमे लिखो हए, “परमेश्वर घमण्डीनके बिरोध करत हए, पर नम्र आदमीनके बा अनुग्रह करत हए।”

प्रकाश 2:23

मए बक शिक्षाके मानन बारेनके मारदेहओं। और सब मण्डली पता पएहएं, कि मए बहे हओं जौन सबको मन और ह्रदय जाँच करत हए, और मए तुम सबके तुमर करोभओ काम अनुसार प्रतिफल देहओं।