लूका 15:24 - राना थारु नयाँ नियम

²⁴ काहेकी जा मिर लौंणा मरो कता रहए, पर फिर जिन्दा भओ हए, हरानो रहए अब मिलिगओ हए।’ तओ बे आनन्द मनानलागे।”

परमेस्वर को सच्चो वचन

²⁴ काहैकि मेरो जौ बेटा मर गौ रहै, फिर जिंदो ही गौ है: जौ हराए गौ रहै, अब मिलगौ है।’ और ऐसे करकै दावत सुरु भइ।”

लूका 15:24 Խաչաձեւ Հղումներ

मत्ती 8:22

तओ येशू बोसे कही, “मिर चेला बननके ताहीं मिर पिच्छु आओ; और जौन आदमी आत्मिक रुपसे मरे भए हएं, बिनके अपने मुर्दाके गाडनके देओ।”

मर्कूस 8:22

तओ येशू और बाके चेला बेथसेदा गाउँमे आए, और आदमी एक अन्धराके बक ठिन लाइं, और बक छुइदे करके बिन्ती करीं।

लूका 10:19

मए तुमके साँप और बिछिनके कुचलनके और दुस्मनको सारा शक्तिके उपर अधिकार दओ हओं; और कोइ चीज तुमके हानिनाए करैगो।

लूका 15:23

और बडो भोज खबानके ताहीं अच्छो जानबर तयार करओ, ताकी हम खामएं और आनन्द मनामएं।

लूका 15:25

“जब जा सब होत रहए, तओ बोको बडो लौंणा खेतमे काम करत रहए। और जब बो खेतसे, घरके ढिँगै पहुँचो, तओ बो नाचगानको अबाज सुनी।

लूका 15:32

पर अब आनन्द करन और खुसी होनचाहो काहेकी जो तेरो भइया मरो जैसो रहए, बो जिन्दा भओ हए, हरानो रहए पर अब मिलिगओ हए।’”

लूका 15:4

“अगर तुम मैसे कोइके ठिन सओ भेंणा हएं। अगर बे मैसे एक हराएजाए, तओ तुम नेहात्तओ बे उनानसय भेंणाके जंगली इलाकामे छोड देबैगो, और जब तक बो हरानो भओ भेंणाके नाए पएहओ तबतक बो एक हरानो भेंणाके ढुणैगो।

लूका 19:10

काहेकी मए, आदमीको लौंणा हराएभए आदमीनके ढुँणनके और अनन्तको दण्डसे बचानके ताहीं आओ हओं।”

लूका 9:60

येशू बोसे कहीं, “जौन आदमी मरो आदमी कता हए, उनके अपन आदमीके मरनको आसरा देखनदेओ। पर तुम जाएके परमेश्वरको राज्यको अच्छो समाचार परचार करओ।”

यूहन्ना 11:25

येशू मार्थासे कही, “मए बा हओं, जो मरे भए आदमीनके जीबन लौटात हओं। जो कोइ मोएमे बिश्वास करत हए बो मरके फिरसे जिन्दा हुइ जाबैगे।

यूहन्ना 5:21

जैसे दौवा मरे भए आदमीनके फिरसे जिन्दा करत हए और उनके जीबन देतहए, उइसीयए मए फिर जौनके चाँहत हओं बहेके जीबन देत हओं।

रोमियों 11:15

काहेकी जबकी इस्राएलके आदमीनके त्यागदेनो संसारके आदमीनको मेलमिलापको कारण भओ, तओ जब बे ख्रीष्टके मसिहाके रुपमे ग्रहण करंगे तओ जा एक मरे भए आदमी कता होइगो जो फिरसे जिन्दा हुइगओ हए।

रोमियों 12:15

आनन्द करन बारेनके सँग आनन्द करओ। रोन बारेनके सँग रोबओ।

रोमियों 6:11

अइसियए तुम फिर अपनएके पापके शक्तिके ताहीं मरे भए, पर ख्रीष्ट येशूमे परमेश्वरको सेवा करनके ताहीं जीइत हओ, करके सम्झओ।

रोमियों 6:13

और अइसियए करके शरीरके अंगके खराब उदेश्यके ताहीं इस्तमाल होनके मतदेओ, पर अपनएके मरे भए मैसे जीइउठो करके जानके, अपने जीबन परमेश्वरके सौँप देओ, और अपने शरीरको अंगके धार्मिक उदेश्यके ताहीं इस्तमाल होनके ताहीं अपनो जीबनके पुरो रुपसे परमेश्वरके सौँप देओ।

रोमियों 8:2

काहेकी पबित्र आत्माको नियम कानुन जो ख्रीष्ट येशू घेनसे आत हए तुमके जीबन देबैगो और तुमके पाप और मृत्युसे मुक्त करैगो।

1 कोरिन्थी 12:26

अगर शरीरके सँग कोइ अंग दुख पातहए तओ बोके सँग शरीरके औ सबए अंग दुखी होत हएं। अगर कोइ एक अंगको आदर बढतहए कहेसे सबए अंग सँगए आनन्द मनात हएं।

इफिसियों 2:1

पहिले जब तुम ख्रीष्टमे बिश्वास नाए करे रहओ, बो समयमे तुम मरे आदमीन कता रहओ। तुमर ठिन बो जीबन नाए रहए, जौन जीबन परमेश्वरके घेनसे मिलत हए। काहेकी तुम पाप करे और परमेश्वरके आज्ञाके पालन नाए करे।

इफिसियों 2:5

हम खराब काम और पापनके कारण मरे रहएं, बा ख्रीष्टके सँग हमर सम्बन्धके कारण हमके आत्मिक जीबन प्राप्त करनको लायक बनाइ हए और परमेश्वरको अनुग्रहएसे तुमर उद्धार भओ हए।

इफिसियों 5:14

जहेमारे अइसो एक कहाइ हए, “हे सुनन बारे जगओ और मरेभएन् मैसे जीइउठओ; तओ ख्रीष्ट तुमके ज्योती देबैगो।”

कलस्सी 2:13

और तुम फिर अपन अपराध और अपन पापी स्वभाबको शक्तिसे स्वतन्त्र नाए रहओ। तओ परमेश्वर तुमके ख्रीष्ट सँग जीइबाइ, और हमर सब अपराधके माफ करी।

1 तिमोथी 5:6

बे बिधुवा जो अपने सारा समय सुख-सुबिधामे बितात हएं, बे एक मरे भए आदमीके हानी हएं। बे शारीरिक रुपसे जिन्दा हएं, पर आत्मिक रुपसे मरे भए हएं।

यहूदा 1:12

जब जे आदमी प्रभुको प्रेम याद करके तुमर भोजमे तुमर सँग खात हएं, बे डर लगन बारो चट्टान कता हएं जो समुन्दर भितर लुके होत हएं और बे तुमके डुबान सिकत हएं। बे सरम नाएभए बक्रेहेरा कता हएं, जौन अपनो इकल्लो ख्याल करत हएं। बे बो बद्रि कता हएं, जौन सुखो जमिनमे बिना बर्षे ब्यार उणाएके लैजात हए। बे फरन बारे बे रुखा कता हएं, जो दुई चोटी मरचिके होत हएं, काहेकी बे कोइ फरा नाए देत हएं और जरएसे उख्डे रहात हएं। बो कहोक, बे पुरो मुस्किलमे हएं।

प्रकाश 3:1

येशू मोसे अइसेफिर कही, “सार्डिस सहरके मण्डलीके स्वर्गदूतके जा सन्देश लिख: मए बहे हओं जौन अपनो हातमे सात तारा पक्णे हओं और जौन परमेश्वरको सात आत्माके बाहिर पठातहए। बा अइसे कहान डटो हए: मोके पता हए, कि तए कैसो कडा मेहेनत करत हए। तए मोके बिश्वास करो कता करत हए पर खासमे तए नेहात्तओक तए मिर अनुसरण नाए करत हए।