यूहन्ना 8:24 - राना थारु नयाँ नियम

²⁴ जहेमारे मए तुमसे कहात हओं, कि ‘तुम लगातार पाप करनसे तुम मरजाबैगे,’ काहेकी अगर तुम ‘मए जो हओं बहे हओं’ कहिके बिश्वास नाए करैगे तओ तुम मरजाबैगे, और तुमर पाप क्षमा नाए करोजाबैगो।”

परमेस्वर को सच्चो वचन

²⁴ जहे ताहीं मैं तुमसे कहो, कि तुम अपने पापन मैं मरैगे; काहैकि अगर तुम बिस्वास नाय करैगे कि मैं बहे हौं, तौ अपने पापन मैं मरैगे।”

यूहन्ना 8:24 Խաչաձեւ Հղումներ

मत्ती 24:5

काहेकी बहुत जनै मिर नाउँमे ‘मए ख्रीष्ट हओं’ कहात आमंगे, और आएके बहुतनके बहकामंगे।

मर्कूस 13:6

बहुतसे आदमी मिर नाउँमे आमंगे और कहामंगे, ‘मए ख्रीष्ट हओं,’ और बे बहुतसे आदमीनके बहकामंगे।

मर्कूस 16:16

जो कोइ फिर अच्छो समाचारमे बिश्वास करैगो और एक चिन्हाके रुपमे बप्तिस्मा लेबैगो, बो परमेश्वरसे अपने पापनके ताहीं दण्ड पानसे बचाओ जएहए। पर हरकोइ, जो मोएमे बिश्वास करनसे मनाही करैगो, बो परमेश्वरद्वारा अपन पापके ताहीं दण्ड पाबैगो।

लूका 21:8

येशू कही, “होसियार रहओ, तुमके कोइ नाए बहकाबए। मिर नाउँमे तमान आदमी, ‘मए बहे हओं और समय ढिँगै आइगओ हए,’ कहिके कहामंगे। बिनके पिच्छु तुम मत् लगियओ।

यूहन्ना 13:19

जा हुइके तुम मोके, ‘जो हओं बहे हओं’ कहिके बिश्वास करपाबओ कहिके, जा होनसे अग्गुवए तुम्से कहानडटो हओं।

यूहन्ना 3:18

जौन परमेश्वरको लौंणाके उपर बिश्वास करैगो, बिनके उपर दण्डको आज्ञा नाए होत हए, पर जौन बाके उपर बिश्वास नाए करत हएं, बे अग्गुवएसे दोषी ठहिरे हएं; काहेकी बे परमेश्वरको एकलौटो लौंणाके नाउँमे बिश्वास नाए करी हएं।

यूहन्ना 3:36

जौन परमेश्वरको लौंणाके उपर बिश्वास करत हए, बोके कभी फिर नाश नाए होन बारो जीबन मिलिगओ हए, पर जौन लौंणाके बिश्वास नाए करत हए, बो कभी फिर अन्त नाए होन बारो जीबन नाए पएहए, बल्कि परमेश्वरको दण्ड बोके उपर रहो रहाबैगो।”

यूहन्ना 4:26

येशू बोसे कही, “तोसे मसकन बारो, मए बहे हओं।”

यूहन्ना 8:21

येशू फिर यहूदी अगुवनसे कही, “मए हियाँसे चलो जामंगो, और तुम मोके ढुणैगे, और लगातार पाप करनके कारणसे तुम मरजाबैगे काहेकी मए जान बारो ठाउँमे तुम नाए आए पएहओ।”

यूहन्ना 8:25

यहूदी अगुवा येशूसे पुछीं, “तुम कौन हओ तओ?” येशू बिनके जबाफ दइके कही, “मए बहे हओं, जो मए तुमके सुरुसे लैके कहात आओ हओं कि ‘मए बहे हओं।’

यूहन्ना 8:28

बहे बेरा येशू बिनसे कही, “जब तुम मए, आदमीको लौंणाके एक क्रूसमे चढाबैगे, तओ तुम पता पाए जबैगे कि ‘मए जो हओं बहे हओं,’ और मिर अपनो इच्छा नाए बल्कि जैसी मोके पठान बारो मिर दौवा परमेश्वर सिखाइ हए, बहे बात इकल्लो मए कहात हओं, कहिके तुम जानैगे।

यूहन्ना 8:58

येशू बिनके जबाफ दइके कही, “नेहात्तओ मए तुमसे कहात हओं, अब्राहामको जनम होनसे अग्गुको मए हओं।”

प्रेरित 4:12

और येशू बाहेक औ कोइमे मुक्ति नाए हए, काहेकी येशूको नाउँ बाहेक बादर तरे औ कोइ नाउँ नाए दइ हए, जौनके द्वारा हम मुक्ति पान सकएं।”

हिब्रू 12:25

होसियार रहाबओ, और परमेश्वरको बात मानओ जौन तुमसे बोलत हए। काहेकी अगर पृथ्वीमे चेतावनी देन बारो मोशाके इन्कार करन बारे इस्राएल देशके आदमी परमेश्वरको दण्डसे नाए बचे कहेसे, स्वर्गसे चेतावनी देन बारो परमेश्वरके सुननसे इन्कार करे कहेसे हम नेहात्तओ बो दण्डसे नाए बचपामंगे।

हिब्रू 2:3

जहेमारे अगर जा बडो मुक्तिके हम वास्ता नए करे कहेसे नेहात्तओ हम फिर सजाय पामंगे। अग्गु प्रभु येशू अपनए मुक्तिके बारेमे कही, और प्रभुको कहो भओ मुक्तिको सन्देश सुनान बारे चेला हमके जा सच्चो हए कहिके प्रमाण दइ हएं।