यूहन्ना 7:13 - राना थारु नयाँ नियम

¹³ तहुँफिर यहूदी समुहके अगुवनसे डरके मारे कोइ बाके बारेमे खुल्लम-खुल्ला नाए बतात रहएं।

परमेस्वर को सच्चो वचन

¹³ तहुँओं यहूदि नेतन के डर के मारे कोई खुलकै बाके बारे मैं ना बोलत रहै।

यूहन्ना 7:13 Խաչաձեւ Հղումներ

यूहन्ना 19:38

जे बातके पिच्छु अरिमाथिया गाउँसे आओ योसेफ नाउँको एक जनै चेला रहए। यहूदी समुहके अगुवनको डरसे, बो औ जनै पता नाए पामएं करके येशूके बिश्वास करी रहए। अब योसेफ येशूको लहासके लैजानके पामओं कहिके पिलातससे बिन्ती करी। पिलातस फिर कही, “ठिक हए, लैजाओ।” योसेफ जाएके येशूको लहासके क्रूससे तरे उतारके लैगओ।

यूहन्ना 20:19

बेहे दिन आइतबार संझाके जब सब चेला एकठिन इकट्ठा भए तओ बे फाटक बन्द करलैं काहेकी बे यहूदी समुहके अगुवासे डराने रहएं। तओ येशू आओ और बीचमे ठाणके उनसे कही, “तुमके शान्ति मिलए!”

यूहन्ना 3:2

एकदिन निकोदेमस रातके येशूके ठिन आएके येशूसे कही, “हे महान गुरु, हम जानत हएं, परमेश्वर तुमए हमके सिखानके ताहीं पठाइ हए; काहेकी कोइ शक्तिशाली चमत्कार जो तुम दिखात हओ, अगर परमेश्वर बोकेसँग नाए हुइहए, तओ शक्तिशाली चमत्कार नाए दिखाए पएहए।”

यूहन्ना 7:1

तओ पिच्छु येशू गालील परदेशको क्षेत्रमे घुमफिर करी। बा यहूदिया परदेशमे जानके नाए चाही, काहेकी यहूदी समुह बाके मारनके ताहीं दाउमे रहएं।

यूहन्ना 7:11

तेवहारमे यहूदी समुहके अगुवा बाके ढुणत रहएं। और “येशू कहाँ हए?” करके बे पुँछत रहएं।

यूहन्ना 7:15

यहूदी समुहके अगुवा बहुत अचम्मो मानके अइसे कहीं, “जा आदमी पबित्र-शास्त्रको शिक्षा कभी फिर नाए पाएके कैसे इतनो जद्धा जानन बारो हुइगओ?”

यूहन्ना 9:22

यहूदी समुहके अगुवनके डर्के मारे, बे अइसो जबाफ दइ रहएं। काहेकी येशूके मुक्ति देन बारो राजा ख्रीष्टमे जौन-जौन बिश्वास करंगे, बिनके यहूदी सभाघरसे निकारनको फैसला यहूदी अगुवाके पहिलीयए करडारी रहएं।

यूहन्ना 9:34

बे बोको जबाफ दइके कहीं, “तए पापमे जनमो और पापमे बढो भओ आदमी हमके सिखान चाँहत हए?” तओ यहूदी समुहके अगुवा बो आदमीके यहूदी सभाघरसे बाहेर निकार दइं।

प्रकाश 2:13

मए जानत हओं, कि तए शैतानको सिंहासनके अधिनमे हए, पर अइसो होतए-होत तए मोएमे अपनो बिश्वासके मजबुत करो हए, और तए मिर शिक्षनके नाए छोडो हए। हियाँतककी, तहुँफिर नाए छोडो, जब बहुत समय पहिले एन्टिपासको हत्या करोगओ रहए। बो मिर बचनके परचार करनमे बिश्वासयोग्य रहए, जहेमारे बोके तेरे सहरमे मारडारीं जो शैतानके अधिनमे हए।